حکومت ہند کی مختلف وزارتوں اور محکموں کی جانب سے خواتین کو  سماجی اور اقتصادی طور پر  بااختیار بنانے کے لیے متعدد اسکیمیں نافذ کی جا رہی ہیں ، جن میں مطلقہ اور بیوہ خواتین شامل ہیں۔

اس سلسلے میں حکومت ہند کی اہم اسکیمیں/ پروگرام درج ذیل ہیں:-

1.  بیواؤں کے لئے ‘کرشن کٹیر’ نام کا گھر ورنداون، اتر پردیش میں قائم کیا گیا، جس میں رہائش، صحت کی خدمات، غذائیت سے بھرپور خوراک، قانونی اور مشاورتی خدمات فراہم کرکے 1,000 لوگوں کے لئے رہنے کی گنجائش ہے۔

2.   خواتین اور بچوں کی ترقی کی وزارت 15ویں مالیاتی کمیشن کی مدت کے دوران مالی سال 2023-2022 سے خواتین کی فلاح و بہبود اور بااختیار بنانے کے لیے ملک میں مرکزی اسپانسر شدہ اسکیم ‘مشن شکتی’ کو نافذ کر رہی ہے۔ یہ خواتین کی حفاظت اور خواتین کو بااختیار بنانے کے لیے بالترتیب دو ذیلی اسکیموں ‘سَنبل’  اور‘ سامرتھ’  پر مشتمل ہے۔ ‘‘ سامرتھ’’  ورٹیکل خواتین کو بااختیار بنانے کے لیے ہے۔ اس کے مندرجہ ذیل حصے  ہیں، یعنی پردھان منتری ماترو وندنا یوجنا (پی ایم ایم وی وائی)، جس کے تحت پہلے بچے کے لیے 5,000/- کی نقد ترغیب براہ راست حاملہ خواتین اور دودھ پلانے والی ماؤں کے بینک/پوسٹ آفس اکاؤنٹ میں براہ راست بینیفٹ ٹرانسفر (ڈی بی ٹی) کے ذریعے فراہم کی جاتی ہے۔ اہل استفادہ کنندگان کو پی ایم ایم وی وائی کے تحت دوسرے بچے کے لیے 6,000/- کی نقد ترغیب بھی فراہم کی جاتی ہے اگر وہ لڑکی ہے۔ شکتی سدن بحران اور مشکل حالات میں  بشمول اسمگلنگ کا شکار ہونے والی خواتین کے لیے ایک مربوط ریلیف اور بحالی گھر ہے ۔ سخی نواس (ورکنگ ویمن ہاسٹلز) کا مقصد کام کرنے والی خواتین کے لیے شہری، نیم شہری اور یہاں تک کہ دیہی علاقوں میں جہاں خواتین کے لیے روزگار کے مواقع موجود ہیں، کے لیے محفوظ اور باآسانی رہائش کی دستیابی کو فروغ دینا ہے۔ پالنا ڈے کیئر کریچ سہولیات کا ایک جزو ہے جو بچوں کے لیے ایک محفوظ جگہ فراہم کرتا ہے۔ کریچ خدمات بچوں کی دیکھ بھال کی سہولیات کو باقاعدہ بناتی ہیں، جنہیں اب تک گھریلو کام کا حصہ سمجھا جاتا ہے اور آخری میل تک دیکھ بھال فراہم کرنے کے لیے آنگن واڑی کے بنیادی ڈھانچے کا استعمال کیا جاتا ہے۔ سنکلپ: ہب فار ویمن ایمپاورمنٹ (ایچ ای ڈبلیو) خواتین کے لیے دستیاب اسکیموں اور سہولیات کے بارے میں معلومات اور علم کے فرق کو پر کرنے کے لیے ایک ذریعہ کے طور پر کام کرتا ہے۔

3.  پین کارڈ کے قوانین میں ترمیم کی گئی ہے تاکہ  ایسے معاملات میں جہاں ماں ہی  واحد سرپرست ہیں، درخواست گزار مطلوبہ تفصیلات فراہم کر کے پین کارڈ پر صرف ماں کا نام رکھنے کا انتخاب کر سکتا ہے۔ اس سے پہلے، پین  کارڈ درخواست فارم میں والد کا نام فراہم کرنا لازمی تھا۔

4.  مطلقہ  ماؤں کے حق میں پاسپورٹ کے قوانین میں ترمیم کی گئی ہے۔ اب پاسپورٹ درخواست فارم میں ماں یا والد کا نام دیا جا سکتا ہے اور درخواست کے دوران نکاح/طلاق کا سرٹیفکیٹ فراہم کرنے کی ضرورت نہیں ہے۔

5. 2024میں، محکمہ پنشن اور پنشنرز ویلفیئر نے سی سی ایم (پنشن) رولز، 2021 میں ترمیم کرتے ہوئے ایک نوٹیفکیشن جاری کیا، جس سے خواتین سرکاری ملازمین/پنشنرز کو شوہر کے ساتھ ازدواجی تنازعہ کی صورت میں اپنے بچوں کو فیملی پنشن کے لیے نامزد کرنے کی اجازت دی گئی۔ اس نے خواتین پنشنرز کو آزاد ایجنسی کا استعمال کرنے کے قابل بنایا۔

6.   نیشنل سوشل اسسٹنس پروگرام (این ایس اے پی ) دیہی اور شہری علاقوں میں خط افلاس  سے نیچے (بی پی ایل) خاندانوں کے بنیادی کمانے والے   کی موت پر بزرگ شہریوں، بیواؤں، معذور افراد اور سوگوار خاندانوں کے لیے ایک سماجی تحفظ کا پروگرام ہے۔ این ایس اے پی  کے رہنما خطوط کے مطابق، این ایس اے پی اسکیموں کا نفاذ، فائدہ اٹھانے والوں کا انتخاب/تصدیق، مستفید ہونے والوں کو پنشن کی تقسیم، پنشن کو ختم کرنا، فائدہ اٹھانے والوں کی سالانہ تصدیق ریاستوں/مرکز کے زیر انتظام علاقوں کی ذمہ داری ہے۔ دیہی ترقی کی وزارت کی طرف سے دی گئی معلومات کے مطابق، اندرا گاندھی قومی بیوہ پنشن اسکیم کا باقاعدہ آغاز فروری 2009 میں کیا گیا تھا۔ اس اسکیم کے تحت مرکزی پنشن 300/- روپے فی استفادہ کنندہ ہے۔ ریاستی حکومتوں کو مشورہ دیا گیا ہے کہ وہ اپنے وسائل سے کم از کم برابر رقم کا حصہ ڈالیں۔ درخواست دہندہ 79-40 سال کی عمر کے گروپ میں بیوہ ہونا چاہئے ، ریاستی پنشن کی رقم  کی بنیاد پر /-300 سے /-2800 روپے تک کی رقم  طے کی گئی ہے،  جو ریاست وارمختلف ہے۔ اس وقت تمام ریاستوں اور مرکز کے زیر انتظام علاقوں کے لیے اس اسکیم کے تحت مستفید ہونے والوں کی زیادہ سے زیادہ حد 67.36 لاکھ مقرر کی گئی ہے۔

7.  رکشا منتری سابق فوجیوں کی بہبود سے متعلق فنڈ (آر ایم ای ڈبلیو ایف) کے تحت، حکومت مسلح افواج کے اہلکاروں کی بیواؤں کو پیشہ ورانہ تربیت کے ذریعے زندگی میں آگے بڑھنے کے لیے مالی مدد فراہم کرتی ہے۔ تعلیمی سطح اور قابلیت کی بنیاد پر، بیوہ خاتون  مطلوبہ پیشہ ورانہ تربیت حاصل کرنے کا انتخاب کر سکتی ہیں۔ سابق فوجیوں (ای ایس ایم) کی بیواؤں کو ہولدار یا اس کے مساوی عہدے تک مالی امداد فراہم کرنے کی اسکیم اگست 2023 میں /-50000 کی یک مشت  گرانٹ کے ساتھ شروع کی گئی تھی۔

یہ اطلاع خواتین اور بچوں کی ترقی کی وزیر مملکت محترمہ ساوتری ٹھاکر نے آج راجیہ سبھا میں ایک سوال کے جواب میں دی۔

***

ش ح۔ ک ا۔ ع ر

U.NO.8264

 

(Release ID: 2111210) Visitor Counter : 104