نویں ایمونیشن کم ٹارپیڈو کم میزائل (اے سی ٹی سی ایم) جہاز، ایل ایس اے ایم 23 (یارڈ 133) کی کمیشننگ کی تقریب 12 مارچ 2025 کو نیول ڈاک یارڈ، ممبئی میں منعقد ہوئی۔ اس موقع پر کموڈور منیش وِج، جی ایم (کیو اے)، این ڈی (ایم بی آئی) تقریب کے مہمان خصوصی تھے۔

گیارہ اے سی ٹی سی ایم بارجز کی تعمیر اور ترسیل کے لیے ایم ایس ایم ای شپ یارڈ میسرزسوریہ دیپتا پروجیکٹ پرائیویٹ لمٹیڈ، تھانے کے ساتھ 05 مارچ 2021 کو دستخط کیے گئے۔ آٹھ  اے سی ٹی سی ایم جہاز پہلے ہی فراہم کیے جا چکے ہیں اور شپ یارڈ کو ہندوستانی بحریہ کے لیے چار سالیج بارج بوٹس کی تعمیر اور منتقلی کا معاہدہ بھی دیا گیا ہے، جس سے مائیکرو، اسمال اور میڈیم انٹرپرائزز کو فروغ دینے کے لیے ہندوستانی بحریہ کے عزم کو اجاگر کیا گیا ہے۔

شپ یارڈ نے ان چھوٹے جہازوں کو ایک ہندوستانی شپ ڈیزائننگ فرم کے ساتھ مل کر مقامی طور پر ڈیزائن کیا ہے۔ اس کے بعد بحریہ کی سائنس اور تکنیکی لیبارٹری، وشاکھاپٹنم میں اس ماڈل کا کامیابی سے تجربہ کیا گیا تاکہ سمندری صلاحیت و اہلیت ہونے کو یقینی بنایا جا سکے۔ یہ بارجز انڈین رجسٹر آف شپنگ (آئی آر ایس) کے متعلقہ بحری قواعد و ضوابط کے مطابق بنائے گئے ہیں۔ یہ چھوٹے امدادی جہاز میک ان انڈیا اور حکومت ہند کے آتم نر بھر بھارت اقدامات کے قابل فخر پرچم بردار ہیں۔

ان بحری جہازوں کی شمولیت سے ہندوستانی بحریہ کے آپریشنل عزائم  میں مزید اضافہ ہوگا کیونکہ یہ اندرونی اور بیرونی بندرگاہوں پر ہندوستانی بحریہ کے پلیٹ فارم پر مواد/گولہ بارود کی نقل و حمل،  چڑھانے اور اتارنے میں سہولت فراہم کرے گا۔

 *******

ش ح۔ ظ ا

UR No.8238

(Release ID: 2111081) Visitor Counter : 10