مجموعی طور پر، ایٹھینول کی جو مقدار 24-2023 کے ایٹھینول سپلائی سال (ای ایس وائی ) میں پیدا کی گئی اور تیل مارکیٹنگ کمپنیوں (او ایم سیز) کو پٹرول کے ساتھ ملاوٹ کے لیے فراہم کی گئی، وہ تقریباً 672 کروڑ لیٹر تھی۔ موجودہ ایٹھینول سپلائی سال (ایس ایس وائی) 2024-25 میں، 23 فروری 2025 تک تقریباً 261 کروڑ لیٹر ایٹھینول پیدا اور او ایم سیز کو فراہم کیا جا چکا ہے۔

ای ایس وائی 2025-26 میں پٹرول کے ساتھ 20فیصد ایٹھینول کی ملاوٹ کا ہدف حاصل کرنے کے لیے تقریباً 1016 کروڑ لیٹر ایٹھینول کی ضرورت ہوگی۔

ای20 سے چلنے والے انجنوں کے لیے مادی ہم آہنگی اپریل 2023 سے حاصل کر لی گئی ہے۔ ایٹھینول بلینڈڈ پٹرول (ای بی پی) پروگرام کے تحت، حکومت نے اپریل 2025 سے ای20 ٹیوڈ انجنوں والے گاڑیوں کے رول آؤٹ کا ہدف مقرر کیا ہے۔ ای20 پر چلنے والی گاڑیوں کی ایندھن کی کارکردگی میں معمولی کمی دیکھنے کو ملتی ہے۔

ملک میں ایٹھینول پیدا کرنے والے پلانٹس کے قیام کو فروغ دینے کے لیے حکومت نے 22-2018 کے دوران مختلف ایٹھینول انٹرسٹ سبسڈن اسکیمز کی نوٹیفکیشن کی تھی۔ 6 مارچ 2025 کو تعاون سے چلنے والے شوگر ملز کے لیے ایک نئی اسکیم بھی نوٹیفائی کی گئی ہے تاکہ ان کے موجودہ گنا پر مبنی پلانٹس کو ملٹی فیڈ بیسڈ ایٹھینول پلانٹس میں تبدیل کیا جا سکے۔

حکومت نے ایٹھینول کی پیداوار کو فروغ دینے کے لیے مختلف اقدامات بھی کیے ہیں جیسے کہ او ایم سیز کو فراہم کیے جانے والے مختلف فیڈ اسٹاک سے پیدا ہونے والے ایٹھینول کی قیمتوں کا تعین؛ ای بی پی پروگرام کے لیے ایٹھینول پر جی ایس ٹی کو 18فیصد سے کم کر کے 5فیصد کرنا؛ ایٹھینول پیدا کرنے کے لیے مکئی کو ایک اہم فیڈ اسٹاک کے طور پر فروغ دینا؛ وقف شدہ ایٹھینول پلانٹس (ڈی ای پیز) کے ساتھ او ایم  سیز کی طویل مدتی خریداری معاہدے  (ایل ٹی او اے ایز) وغیرہ۔

اس کے علاوہ، ایک اسکیم، یعنی "پردھان منتری جی-ون (جیو ایندھن – واتاورن  انوکول فصل اوشیش نیوارن) یوجنا" 2019، جس میں 2024 میں ترمیم کی گئی ہے، ملک میں جدید بائیو ایندھن کے پروجیکٹوں کے قیام کے لیے مالی مدد فراہم کرنے کے لیے مطلع کیا گیا ہے۔

یہ معلومات صارفین کے امور، خوراک اور عوامی نظام تقسیم کی وزارت کی مرکزی وزیر مملکت محترمہ نیمو بین جینتی بھائی بامبھانیا نے آج لوک سبھا میں ایک تحریری جواب میں۔۔

*****

ش ح ۔   م  د ۔  م  ص

(U :8222 )

(Release ID: 2111022) Visitor Counter : 17