انوسندھان نیشنل ریسرچ فاؤنڈیشن (اے این آر ایف )کو ایک پارلیمانی ایکٹ یعنی اے این آر ایف ایکٹ  2023 کے ذریعے قائم کیا گیا ہے۔اے این آر ایف ایکٹ 2023 کی دفعات 5 فروری 2024 کو نافذ ہوئی تھیں۔ مالی سال 25-2024 کے لیےاے این آر ایف   کو966 کروڑ روپے (آر ای )    مختص کیے گئے ہیں ۔

اے این آر ایف   نے کئی پروگرامز تشکیل دیے ہیں جن میں بھارت کو اہم شعبوں میں عالمی سطح پر ممتاز بنانے، سائنسی ترقیوں اور اختراعاتی نظام کو بڑھانے، اور نجی شعبے کے ذریعے تحقیق و اختراع کو فروغ دینے کے لیے پروگرامز شامل ہیں۔ اے این آر ایف نے حال ہی میں ایک الیکٹرک وہیکل (ای وی) مو بیلٹی پروگرام شروع کیا ہے جسے "مشن فار ایڈوانسمنٹ ان ہائی امپیکٹ ایریاز" (ایم اے ایچ اے) کے تحت ترجیحی تحقیق کے لیے تیار کیا گیا ہے۔ اس پروگرام کا مقصد تحقیق کو مشن کی سطح پر متعدد اداروں، شعبوں اور محققین کے درمیان مل کر کام کرنے کی ترغیب دینا ہے، جس میں صنعت کے ساتھ قریبی تعاون بھی ہوگا۔ صنعت کے شریک کار کو منصوبے کی کامیاب تکمیل کے لیے نقد یا نوعیت میں جزوی مالی معاونت فراہم کرنا ضروری ہے۔ تجویز کردہ منصوبے کی قیمت کا کم از کم 10فیصد حصہ صنعت/صنعتوں کو نقد میں فراہم کرنا ضروری ہے۔

ملک میں مقامی تحقیق و ترقی کو فروغ دینے کے لیے کئی پروگرامز تشکیل دیے گئے ہیں۔ ان میں وزیراعظم کیریئر کی شروعات کیلئے ریسرچ گرانٹ (پی ایم ای سی آر جی) اسکیم اور اے این آر ایف کا ایم اے ایچ اے پروگرام شامل ہیں۔ پی ایم ای سی آر جی اسکیم ابتدائی کیریئر کے سائنسدانوں کی مدد کرے گی اور انہیں خود مختار اور مؤثر تحقیق کرنے کی سہولت دے گی تاکہ مقامی تحقیق و ترقی کو فروغ دیا جا سکے۔ ایم اے ایچ اے- ای وی مشن کا مقصد بھارتی ماحولیاتی نظام میں مقامی صلاحیتوں کی ترقی ہے تاکہ موجودہ تکنیکی ضروریات کو پورا کیا جا سکے اور جدید تحقیق کی جانب پیش رفت کی جا سکے۔ اے این آر ایف نے عالمی معیارات پر اداروں کو تبدیل کرنے، ترجماتی تحقیق اور بنیادی تحقیق کو فروغ دینے کے لیے بھی پروگرامز تیار کیے ہیں۔ یہ اسکیمیں سائنسدانوں اور محققین کو عالمی سطح پر اپنا مقام بنانے کے لیے درکار وسائل اور مالی معاونت فراہم کرنے کو یقینی بناتی ہیں۔

یہ معلومات سائنس اور ٹیکنالوجی اور ارتھ سائنس کی وزارت کے وزیر مملکت (آزادانہ چارج) ڈاکٹر جتیندر سنگھ نے آج لوک سبھا میں ایک تحریری جواب میں دی۔

 

 ************

 

ش ح ۔   م  د ۔  م  ص

(U : 8217)

 

(Release ID: 2110922) Visitor Counter : 14