کھادی اور دیہی صنعت کمیشن (کے وی آئی سی)  ،مائیکرو، سمال اینڈ میڈیم انٹرپرائزز کی وزارت، حکومت ہند کے نئی دہلی واقع  راج گھاٹ دفتر میں منگل کو ایک پریس کانفرنس کا انعقاد کیا گیا۔ اس موقع پر KVIC کے چیئرمین جناب منوج کمار نے مالی سال 2024-25 کے دوران کھادی اور گاؤں کی صنعت کے شعبے کی کامیابیوں کے بارے میں معلومات شیئر کیں اور بتایا کہ کمیشن نے کھادی کاریگروں کے مفاد میں ایک اہم فیصلہ لیا ہے۔ کھادی کاریگروں کے معاوضے میں یکم اپریل 2025 سے 20 فیصد اضافہ کیا جائے گا۔ فی الحال، اسپنرز کو چرخہ پر کاتا ہوا فی اسٹرینڈ 12.50 روپے ملتے ہیں، جس میں یکم اپریل 2025 سے 2.50 روپے کا اضافہ کیا جائے گا۔ بڑھے ہوئے ریٹ کے مطابق، اب انہیں 15 روپے فی سٹرینڈ ملیں گے۔

کے وی آئی سی کے چیئرمین نے بتایا کہ گزشتہ 10 برسوں کے دوران وزیر اعظم جناب نریندر مودی کی قیادت میں ’کھادی انقلاب‘ نے کاریگروں کی زندگیوں میں زبردست تبدیلی لائی ہے۔ حکومت نے اسپنرز اور ویورز کی آمدنی میں تاریخی اضافہ کیا ہے۔

• یکم اپریل 2023 کو معاوضہ 7.50 روپے سے بڑھا کر 10 روپے فی لچھا کر دیا گیاتھا۔
• 17 ستمبر 2024 کو فی لچھہ 10 روپے سے بڑھا کر 12.50 روپے فی لچھا کر دیا گیاتھا۔
• یکم اپریل 2025 سے اسے بڑھا کر 15 روپے فی لچھا کیا جا رہا ہے۔
• پچھلے 11 سالوں میں مودی حکومت نے کھادی کاریگروں کی اجرت  میں 275 فیصد کا تاریخی اضافہ کیا ہے۔
• کے وی آئی سی کے چیئرمین نے بتایا کہ مہاکمبھ  2025 کے موقع پر 14 جنوری سے 27 فروری 2025 تک پریاگ راج میں قومی سطح کی کھادی اور گاؤں کی صنعت کی نمائش کا انعقاد کیا گیا تھا۔
• وزیر اعظم جناب نریندر مودی کے 'کھادی انقلاب' کے اثر سے 12.02 کروڑ روپے کی کھادی مصنوعات کی تاریخی فروخت ہوئی۔
• نمائش میں کھادی کے 98 اور دیہی صنعت کے 54 اسٹال لگائے گئے تھے، جس میں 9.76 کروڑ روپے کی کھادی اور 2.26 کروڑ روپے کی ولیج انڈسٹری کی مصنوعات فروخت کی گئیں۔

صحافیوں سے بات چیت کرتے ہوئے جناب منوج کمار نے کہا کہ وزیر اعظم جناب نریندر مودی نے بھارت منڈپم، دہلی میں منعقدہ بھارت ٹیکس-2025 کے دوران 'کھادی نشاۃ ثانیہ' کے لیے 'کھادی برائے فیشن' کا منتر دیا ہے۔اس منتر کو عوام میں پھیلانے اور کھادی کو ایک جدید لباس کے طور پر مقبول بنانے کے مقصد کے ساتھ، KVIC نے حال ہی میں ناگپور، پونے، وڈودرا، چنئی، جے پور، پریاگ راج سمیت ملک کے بڑے شہروں میں کھادی کے عظیم الشان فیشن شوز کا انعقاد کیا۔ انہوں نے کہا کہ وزیر اعظم کی تحریک کے تحت منعقد کیے گئے ان فیشن شوز کے ذریعے ’’نئے ہندوستان کی نئی کھادی‘‘ کو خاص طور پر نوجوان نسل تک پہنچانے کی کوشش کی گئی تھی، جو انتہائی کامیاب رہی ہے۔ اس سے کھادی کو ایک نئی جہت ملی ہے اور یہ ایک جدید لباس کے طور پر اپنی شناخت قائم کر رہی ہے۔

کے وی آئی سی کے چیئرمین نے بتایا کہ کھادی اور گاؤں کی صنعت کی مصنوعات کی فروخت میں پچھلے 10 سالوں میں تاریخی اضافہ ہوا ہے۔ کھادی اور گاؤں کی صنعت کی مصنوعات کی فروخت 5 گنا بڑھ گئی یعنی مالی سال 2023-24 میں 31,000 کروڑ روپے سے بڑھ کر 1,55,000 کروڑ روپے ہوگئی۔ جبکہ کھادی کپڑوں کی فروخت 6 گنا بڑھ گئی یعنی مالی سال 2023-24 میں 1,081 کروڑ روپے سے بڑھ کر 6,496 کروڑ روپے ہوگئی۔ جبکہ مالی سال 2023-24 میں 10.17 لاکھ نئے لوگوں کو روزگار ملا۔ ان کا مزید کہنا تھا کہ اب تک موصول ہونے والے اعداد و شمار کے مطابق مالی سال 2024-25 میں پیداوار اور فروخت کا نیا ریکارڈ بنایا جائے گا۔ کے وی آئی سی کے چیئرمین نے کہا، "وزیر اعظم جناب نریندر مودی کی قیادت میں کھادی انقلاب کے اثرات سے، کھادی صرف ایک ٹیکسٹائل ہی نہیں بلکہ دیہی ہندوستان کی اقتصادی بااختیار بنانے کی ریڑھ کی ہڈی بن گئی ہے۔"

****

U.No:8229

ش ح۔ح ن۔س ا