حکومت اس بات سے اتفاق کرتی ہے کہ الیکٹرک گاڑیوں (ای وی) کے کل پرزوں کے مینوفیکچررز کو ترغیب دے کر اور چارجنگ/سویپنگ انفرا اسٹرکچر کے ذریعے، بہت سے پلیئرز کو ملک میں ای وی کے لیے طویل مدتی عمل داری اور مستقبل میں ترقی کی اہم صلاحیت کے امکانات کے ساتھ مارکیٹ میں لایا جاسکتا ہے۔ حکومت نے ہندوستان میں الیکٹرک گاڑیوں (ای وی) کے ماحولیاتی نظام کو فروغ دینے اور مضبوط بنانے کے لیے کئی اقدامات کیے ہیں۔ تفصیلات حسب ذیل ہیں:

1. ہندوستان میں آٹوموبائل اور آٹو کل پرزوں (پارٹس) کی صنعت کے لیے پیداوار سے منسلک ترغیبی (پی ایل آئی) اسکیم (پی ایل آئی-آٹو): حکومت نے 25,938 کروڑ روپے کے بجٹ اخراجات کے ساتھ جدید آٹوموٹیو ٹیکنالوجی (اے اے ٹی) مصنوعات کے لیے ہندوستان کی مینوفیکچرنگ صلاحیتوں کو بڑھانے کی خاطر آٹوموبائل اور آٹو کل پرزوں کی صنعت کے لیے 15.09.2021 کو اس اسکیم کو منظوری دی ۔

2.  ہندوستان میں (ہائبرڈ اور) الیکٹرک گاڑیوں کو تیزی سے اپنانا اور مینوفیکچرنگ (فیم انڈیا) اسکیم مرحلہ-II: حکومت نے اس اسکیم کو 01.04.2019 سے  11,500 کروڑ روپے کی کل بجٹ امداد کے ساتھ نافذ کیا  ہے۔ ای-2 ڈبلیو ، ای-3 ڈبلیو ، ای-4 ڈبلیو ، ای بسوں اور ای وی پبلک چارجنگ اسٹیشنوں کی حوصلہ افزائی کرنا  اس کا مقصد ہے۔

3.  ایڈوانسڈ کیمسٹری سیل (اے سی سی) بیٹری اسٹوریج پر قومی پروگرام کے لیے پی ایل آئی اسکیم: حکومت نے 12.05.2021 کو 18,100 کروڑ روپے کے بجٹ اخراجات کے ساتھ ملک میں اے سی سی کی تیاری کے لیے پی ایل آئی اسکیم کو منظوری دی۔ اس اسکیم کا مقصد اے سی سی بیٹریوں کی 50 جی ڈبلیو ایچ کے لیے مسابقتی گھریلو مینوفیکچرنگ ماحولیاتی نظام قائم کرنا ہے۔

4.  پی ایم الیکٹرک ڈرائیو ریوولیوشن اِن اینوویٹیو وہیکل انہانسمنٹ (پی ایم، ای-ڈرائیو) اسکیم:  ای-2 ڈبلیو، ای-3 ڈبلیو، ای-ٹرک، ای-بسیں، ای-ایمبولینس، ای وی پی سی ایس اور وہیکل ٹیسٹنگ ایجنسیوں کے اپ گریڈیشن سمیت الیکٹرک گاڑیوں کی مدد کے لیے  29.09.2024 کو 10,900 کروڑ روپے کے اخراجات کے ساتھ اس اسکیم کو نوٹیفائی کیا گیا تھا۔

5.  پی ایم ای-بس سیوا-پیمنٹ سکیورٹی میکانزم (پی ایس ایم) اسکیم: یہ اسکیم 28.10.2024  کو نوٹیفائی کی گئی اور  اس پر 34333 کروڑ روپے کا خرچ آیا ہے  اور اس کا مقصد 38,000 سے زیادہ الیکٹرک بسوں کی تعیناتی میں مدد کرنا ہے۔ اس اسکیم کا مقصد پبلک ٹرانسپورٹ اتھارٹیز (پی ٹی اے) کے ذریعے ڈیفالٹ ہونے کی صورت میں ای بس آپریٹرز کو ادائیگی کی گیارنٹی فراہم کرنا ہے۔

6.  اسکیم فار پروموشن آف مینوفیکچرنگ آف الیکٹرک پسنجر کارس اِن انڈیا یعنی ہندوستان میں الیکٹرک مسافر کاروں کی تیاری کو فروغ دینے کی اسکیم (ایس پی ایم ای پی سی آئی) : اس اسکیم کو ہندوستان میں الیکٹرک مسافر کاروں کی تیاری کو فروغ دینے کے لیے 15.03.2024 کو نوٹیفائی کیا گیا تھا۔ اس کے لیے درخواست دہندگان کو کم از کم 4150 کروڑ روپے کی سرمایہ کاری کرنی ہوگی اور تیسرے سال کے اختتام پر کم از کم 25 فیصد ڈی وی اے اور پانچویں سال کے اختتام پر 50 فیصد ڈی وی اے حاصل کرنا ہوگا۔

یہ معلومات فولاد اور بھاری صنعتوں کے وزیر مملکت جناب بھوپتی راجو سری نواس ورما نے آج لوک سبھا میں ایک تحریری جواب میں دی۔

******

ش  ح۔ م م ۔ م ر

U-NO. 8115

(Release ID: 2110452) Visitor Counter : 11