ٹیکسٹائل کے مرکزی وزیر جناب گری  راج سنگھ نے آج لوک سبھا میں ایک سوال کے تحریری  جواب میں بتایا کہ حکومت ہند پورے ہندوستان میں ٹیکسٹائل کے شعبے کو فروغ دینے کے مقصد سے مختلف اسکیموں/اقدامات کو نافذ کر رہی ہے ۔  بڑی اسکیموں/اقدامات میں پی ایم میگا انٹیگریٹڈ ٹیکسٹائل ریجنز اینڈ اپیرل (پی ایم مترا) پارکس اسکیم شامل ہے جس کا مقصد ایک جدید ، مربوط بڑے پیمانے پر ، عالمی معیار کا صنعتی ماحولیاتی نظام تیار کرنا ہے ، جس سے سرمایہ کاری کو راغب کرنے اور روزگار کو فروغ دینے میں مدد ملے گی؛ پیداوار سے منسلک ترغیب (پی ایل آئی) جس میں بڑے پیمانے پر مینوفیکچرنگ کو فروغ دینے اور مسابقت کو بڑھانے کی خاطرانسان ساختہ فائبر اور اپیرل اور ٹیکنکل ٹیکسٹائل پر توجہ مرکوز کی جائے گی ؛ نیشنل ٹیکنیکل ٹیکسٹائل مشن جس میں تحقیقی اختراع اور ترقی ، تشہیر اور  مارکیٹ ڈیولپمنٹ ، ہنرمند بنانا اور برآمدات کے فروغ  پر توجہ مرکوز کی جائے گی؛  سمرتھ-ٹیکسٹائل کے شعبے میں صلاحیت سازی کی اسکیم جس کا مقصد طلب  پر مبنی ، پلیسمنٹ پر مبنی ، ہنر مندی کا پروگرام فراہم کرنا ہے ؛ اے ٹی یو ایف ایس بینچ مارک ٹیکسٹائل مشینری میں اہل سرمایہ کاری کے لیے سرمایہ کاری سبسڈی کے ذریعے ٹیکنالوجی کی اپ گریڈیشن اور جدید کاری کی حوصلہ افزائی کرے گا ؛ ریشم کے کیڑوں کی پرداخت سے متعلق  ویلیو چین کی جامع ترقی کے لیے سلک سمگر-2 ؛ہتھ کرگھے اور دستکاری کے شعبوں وغیرہ کے لیے اینڈ ٹو اینڈ سپورٹ کے لیے ہتھ کرگھے کی ترقی کا قومی پروگرام اور دستکاری کی ترقی کا پروگرام۔

حکومت ہند نے ملک کو ٹیکسٹائل مینوفیکچرنگ اور برآمدات کا عالمی مرکز بنانے کے لیے گرین فیلڈ/براؤن فیلڈ سائٹس میں 7 (سات) پی ایم میگا انٹیگریٹڈ ٹیکسٹائل ریجن اینڈ اپیرل (پی ایم مترا) پارکس کے قیام کو منظوری دے دی ہے جس پر 2027-28 تک سات سال کی مدت میں 4,445 کروڑ روپے خرچ کیے جائیں گے۔  حکومت نے پی ایم مترا پارکس کے قیام کے لئے تمل ناڈو (ویرودھ نگر) تلنگانہ (ورنگل) گجرات (نوساری) کرناٹک (کلبرگی) مدھیہ پردیش (دھار) اتر پردیش (لکھنؤ/ہردوئی) اور مہاراشٹر (امراوتی) میں 7مقامات کو حتمی شکل دے دی ہے ۔  یہ پارک ٹیکسٹائل کی صنعت کو عالمی سطح پر مسابقتی بننے ، بڑی سرمایہ کاری کو راغب کرنے اور روزگار کے مواقع پیدا کرنے کے قابل بنائیں گے ۔  حکومت ہتھ کرگھے کے شعبے کو فروغ دینے اور ملک بھر میں ہتھ کرگھے کے کارکنوں کی فلاح و بہبود اور فائدے کے لیے ہتھ کرگھے کی ترقی کے پروگرام اور خام مال سپلائی اسکیم کا انتظام کر رہی ہے ۔  ان اسکیموں کے تحت ، ہتھ کرگھے کی اہل ایجنسیوں/کارکنوں کو خام مال ، اپ  گریڈ شدہ لومز اور لوازمات کی خریداری ، سولر لائٹنگ یونٹس ، ورک شیڈ کی تعمیر ، مصنوعات کے تنوع اور ڈیزائن انوویشن ، تکنیکی اور مشترکہ بنیادی ڈھانچہ ، گھریلو/بیرون ملک منڈیوں میں ہتھ کرگھے کی مصنوعات کی مارکیٹنگ ، بنکروں کی مدرا اسکیم اور سماجی تحفظ وغیرہ کے تحت رعایتی قرضوں کے لیے مالی مدد فراہم کی جاتی ہے ۔

مزید برآں ، آفس آف ڈیولپمنٹ کمشنر (دستکاری) ملک بھر میں دستکاری کے شعبے کی مجموعی ترقی اور فروغ کے لیے دو اسکیمیں یعنی نیشنل ہینڈی کرافٹس ڈیولپمنٹ پروگرام (این ایچ ڈی پی) اور کمپری ہینسیو ہینڈی کرافٹس کلسٹر ڈیولپمنٹ اسکیم (سی ایچ سی ڈی ایس) نافذ کررہا ہے ۔  ان اسکیموں کے تحت کاریگروں کو مارکیٹنگ ایونٹس ، ہنر مندی کے فروغ ، کلسٹر ڈیولپمنٹ ، پیداواری کمپنیوں کی تشکیل ، کاریگروں کو براہ راست فائدہ ، بنیادی ڈھانچے اور ٹیکنالوجی کی مدد ، تحقیق اور ترقی کی مدد وغیرہ کے ذریعے ضرورت پر مبنی مدد فراہم کی جاتی ہے ، جس سے ملک بھر کے کاریگروں کو فائدہ ہو رہا ہے ۔

۔۔۔۔۔۔۔۔۔۔

ش ح۔ک ح۔ر ب

U-8092

(Release ID: 2110176) Visitor Counter : 14