Ka Tnad Development of North Eastern Region (MDoNER) kan pynlong ia ka North East Trade bad Investment roadshow ha Kolkata ha ka 7 tarik Lber, 2025, ban sdang naduh ka por 10:30 mynstep ha Hotel JW Marriott Kolkata. Ia kane ka prokram yn plie paidbah da u Dr. Sukanta Majumdar, Myntri Khynnah, Tnad Development of North Eastern Region bad Tnad Pule Puthi, sorkar India. U Dharmvir Jha, Statistical Adviser, Tnad Development of North Eastern Region lem bad ki nongmihkhmat na ki jylla ka thain shatei lammihngi kin iashim bynta ha kane ka prokram.

La pynlong ia ka roadshow ha ka jingiatreilang bad ki sorkar jylla jong ka thain shatei lammihngi, FICCI (Industry Partner), bad Invest India (Investment Facilitation Partner).

Ka Kolkata roadshow kadei ka roadshow kaba khyndai kum shi bynta ki kam shuwa ka summit jong ka North East Investors Summit bad kin don ki jingpynshai na ki nongmihkhmat jong phra tylli ki jylla ka thain shatei lammihngi ba kynthup Arunachal Pradesh, Assam, Manipur, Meghalaya, Mizoram, Nagaland, Sikkim bad Tripura. Kine ki jylla kin pyni ia ki lad bei tyngka ha ki kam bapher bapher ba kynthup ki jingdon jingem bad ki kam logistics, kam rep & ki kam ba iadei bad ka kam rep, IT & ITES, kam bording, kam ba iadei bad ki jain, Handloom & Handicraft, kam jngoh kai & kam ai jaka sah ia ki nongleit nongwan, pule puthi & kyntiew ia ki sap, kam ai jingsumar, kam pynbyrnia bad kam ialehkai.  Ha kane ka roadshow yn don ruh ki jingialang B2G (Business-to-Government), ka ban plie ka rynsan ba kyrpang ia ki nongbei tyngka ban ioh iakren markhmat bad ki nongmihkhmat na ki jylla bad peit ia ki lad kiba don ha ki kam bapher bapher ha ka thain shatei lammihngi.

Ka North East Investors Summit ban pynlong da ka Tnad DoNER, ka thmu ban khring ia ki jingbei tyngka bad pynshlur ka jingkyntiew ka ioh ka kot. Ki roadshow kiba la dep ha Mumbai, Hyderabad, Kolkata, Bengaluru, Ahmedabad bad Chennai ki la sakhi ia ka jingiashim bynta shibun ngut ki briew.

Ka Kolkata roadshow ka dei kaba ar ha ka nongbah bad ka thmu ban rah shakhmat ia ki kam na ka bynta kaba la dep, da kaba ai ka rynsan ia ki nongbei tyngka ba kin iakren markhmat bad ki ophisar na ka jylla. Ka jingjan ka Kolkata ia ki jylla ka thain shatei lammihngi ka pynlong ia ka kum ka khyrdop kaba biang bha na ka bynta ka jingbei tyngka bad ka jingjop jong ki roadshow kiba la dep ka la pynkhlain ia ka jingsngew skhem ki nongbei tyngka shaphang ka thain, kaba la iarap ia ka jingpynurlong ia ka jingthmu jong u Myntri Rangbah Duh na ka bynta ka ‘Viksit Bharat Viksit North East’.

Ka roadshow ba dang shu dep pynlong ha Chennai ha ka 5 tarik u Rymphang 2025 ka dei kaba la wan iashim bynta da u Jyotiraditya M. Scindia, Myntri Sorkar Pdeng ba dei khmih ia ka tnad Development of North Eastern Region (DoNER), bad ka la long kaba jop. Ka jingiashim bynta ki nongbei tyngka ha ki jingialang B2G ka la long ka dak jong ka jingkhring kane ka thain kum ka jaka ban bei tyngka.

La khmih lynti ba ka roadshow ha Kolkata kan khring ia ki nongbei tyngka kiba la khreh ban don bynta ha ka jingiaid lynti ka thain shatei lammihngi sha ka roi ka par.

*****