محنت اور روزگار کی وزارت کے سکریٹری اور ایل بی ایس این اے اے کے ڈائریکٹر کی قیادت میں ہندوستان میں خواتین کی افرادی قوت  کی شرکت کو بہتر بنانے سے متعلق گول میز مباحثہ 3 اور 4 مارچ 2025 کو لال بہادر شاستری نیشنل اکیڈمی آف ایڈمنسٹریشن (ایل بی ایس این اے اے) مسوری میں منعقد کیاگیا ۔  یہ تقریب وکست بھارت 2047 کے 70فیصد  خواتین کی  افرادی قوت کی شرکت کے وژن کو عملی جامہ پہنانے کی طرف ایک اہم قدم ہے ۔

ہندوستان کی خواتین لیبر فورس میں شرکت کی شرح  (ایف ایل ایف پی آر ) 41.7 فیصد (پی ایل ایف ایس 24-2023)پر ہونے کے ساتھ ، اس پلیٹ فارم پر حکومتی پالیسی سازوں، صنعت کے رہنماؤں، عالمی تنظیموں اور ہنر مندی کے اداروں کو اہم چیلنجوں اور رکاوٹوں بشمول روزگار کی رکاوٹیں، کام کی جگہ کی حفاظت، تنخواہ کی برابری اور ڈیجیٹل ملازمت کے مواقع کو حل کرنے کے لیے ایک ساتھ لایاگیاہے۔ دو روزہ بات چیت میں پالیسی اصلاحات اور صنعت سے چلنے والے حل کی تشکیل پر توجہ مرکوز کی گئی جو کہ ہندوستان کی مکمل افرادی قوت کی صلاحیت کو غیر مقفل کریں گے، محفوظ، جامع اور مساوی کام کی جگہوں کو یقینی بنائیں گے جو اقتصادی ترقی کو آگے بڑھاتے ہیں۔

حکومت ہند  میں محنت و روزگار کی وزارت کی سکریٹری محترمہ سومیتا ڈاؤرا  نے مؤثر افرادی قوت کی پالیسیوں کی تشکیل میں اس گول میز کے اہم کردار پر زور دیا۔ انہوں نے کہا کہ‘‘نظاماتی رکاوٹوں اور پالیسی کے خلاء کی نشاندہی پر مرکوز بات ایسا  اختراعی حل تیار کرنے کے لیے اہم ہے ، جو ہندوستان کے وسیع تر اقتصادی اور سماجی ترقی کے اہداف سے ہم آہنگ ہوں، خواتین کے لیے پائیدار اور مساوی افرادی قوت کی شرکت کو یقینی بنائیں’’۔ انہوں نے اس بات پر روشنی ڈالی کہ کس طرح ہندوستان نے گزشتہ چھ برسوں  میں خواتین کی افرادی قوت کی شمولیت میں ایک مثبت رجحان دیکھا ہے، جس میں اعلیٰ اقتصادی مصروفیت، کم ہوتی  ہوئی بے روزگاری، اور زیادہ تعلیم یافتہ خواتین افرادی قوت میں داخل ہو رہی ہیں۔

انہوں نے بتایا کہ 15 سال اور اس سے زیادہ عمر کی خواتین کے لئے ورکر پاپولیشن تناسب (ڈبلیو پی آر) 18-2017 میں 22.0 فیصد سے بڑھ کر 24-2023 میں 40.3 فیصد ہو گیا ہے،  جب کہ خواتین کے لیے لیبر فورس پارٹیسیپیشن شرح (ایل ایف پی آر) اسی مدت میں23.3 فیصد سے بڑھ کر 41.7 فیصد  ہو گئی ہے۔ انہوں نے مزید کہا کہ خاص طور پر، خواتین کی بے روزگاری نمایاں طور پر 5.6 فیصد سے کم ہو کر صرف 3.2 فیصد رہ گئی ہے، جو زیادہ شمولیت اور معاشی بااختیار بنانے کی طرف تبدیلی کی عکاسی کرتی ہے۔

گول میز میں چار اہم موضوعات پر توجہ مرکوز کی گئی :اس میں  کیئر ایکو سسٹم، نوکریوں اور ہنر کا مستقبل، محفوظ اور مساوی کام کی جگہیں، اور اے آئی اور ڈیجیٹل مداخلت شامل ہیں۔ وزارت محنت اور روزگار نے اپنے مینڈیٹ کے تحت خواتین کی افرادی قوت کی شرکت کو بڑھانے کے لیے اہم کارروائی کے شعبوں کی نشاندہی کی۔ کفایتی  اور معیاری نگہداشت کی خدمات کو توسیع دینے کو لیبر مارکیٹ کے قابل بنانے والے کے طور پر تسلیم کیا گیا، جس میں کام کرنے والی خواتین کی مدد کے لیے نگہداشت کی پالیسیوں کو روزگار کے فریم ورک میں ضم کرنے کی ضرورت پر زور دیا گیا۔ صنعت کی طلب کے ساتھ ہنر مندی کے اقدامات کی صف بندی کو اعلی ترقی والے شعبوں تک خواتین کی رسائی کو یقینی بنانے کے لیے ضروری قرار دیا گیا، جس سے مانگ پر مبنی ہنر مندی اور روزگار کے روابط کو آسان بنانے میں وزارت کے کردار کو تقویت ملی۔ کام کی جگہ کی حفاظت کو مضبوط بنانا، مساوی پالیسیاں، اور صنفی حساس لیبر قوانین ایک ترجیح کے طور پر ابھرے، جس نے تعمیل کے طریقہ کار، صنفی آڈٹ، اور پی او ایس ایچ ضوابط کے نفاذ کی ضرورت پر زور دیا۔ آخر میں، جیسا کہ ہندوستان اے آئی اور ڈیجیٹل تبدیلی میں ترقی کر رہا ہے، حکومت ڈیجیٹل روزگار کے پلیٹ فارم سے فائدہ اٹھانے، خواتین کی ڈیجیٹل خواندگی کو بڑھانے، اور اے آئی سے چلنے والے ہنر مندی کے پروگراموں کو مربوط کرنے پر مرکوز ہے تاکہ کام کے مستقبل میں خواتین کی مساوی شرکت کو یقینی بنایا جا سکے۔

گول میز مباحثوں کا اختتام واضح، قابل عمل سفارشات کے ساتھ ہوا جس کا مقصد خواتین کی افرادی قوت کی شمولیت کو تیز کرنا ہے۔ شرکاء نے رکاوٹوں کو توڑنے اور ایک محفوظ، ہنر مند اور جامع افرادی قوت کی تعمیر کے لیے پالیسی اصلاحات، صنعت سے چلنے والے اقدامات، اور ادارہ جاتی میکانزم کا خاکہ پیش کیا۔ محنت اور روزگار کی وزارت کی سکریٹری سُمیتاڈاؤرا نے اس بات کی توثیق کی کہ یہ ایک بار کی بحث نہیں ہے بلکہ ایک مستقل کوشش کا آغاز ہے، جس میں ایک ٹاسک فورس مسلسل تعاون اور عمل درآمد کو یقینی بناتی ہے۔ وزارت محنت اور روزگار کے جوائنٹ سکریٹری،جناب  اجے  شرما نے تمام شرکاء اور ایل بی ایس این اے اے کا شکریہ ادا کیا کہ اس اہم مکالمے میں سہولت فراہم کرنے کے لیے، خواتین کی افرادی قوت کی شمولیت کے لیے ان بحثوں کو قابل پیمائش پیش رفت میں ترجمہ کرنے کے لیے وزارت کے عزم کا اعادہ کیا۔

***

ش ح۔ ک ا۔ ت ع

U.NO.7831

 

(Release ID: 2108341) Visitor Counter : 22