وزیراعظم جناب نریندر مودی نے آج گجرات میں گیر نیشنل پارک کا دورہ کیا جہاں انھوں نے نیشنل بورڈ فار وائلڈ لائف کے ساتویں اجلاس کی صدارت کی۔

نیشنل بورڈ فار وائلڈ لائف نے جنگلی حیات کے تحفظ کے لیے حکومت کے ذریعے اٹھائے گئے مختلف اقدامات کا جائزہ لیا، جس میں نئے محفوظ علاقوں کی تخلیق اور انواع سے متعلق فلیگ شپ پروگراموں جیسے پروجیکٹ ٹائیگر، پروجیکٹ ہاتھی، پروجیکٹ سنو لیپرڈ سمیت دیگر کو اجاگر کیا گئی۔ بورڈ نے ڈولفن اور ایشیائی شیروں کے تحفظ کی کوششوں اور انٹرنیشنل بگ کیٹس الائنس کے قیام پر بھی تبادلہ خیال کیا۔

اجلاس کے دوران وزیراعظم نے ملک میں پہلی بار دریائی ڈولفن کے تخمینے کی رپورٹ جاری کی جس میں مجموعی طور پر 6 ہزار 327 ڈولفنز کا تخمینہ لگایا گیا ہے۔ اس اہم کوشش میں آٹھ ریاستوں میں 28 ندیوں کا سروے شامل تھا ، جس میں 8،500 کلومیٹر سے زیادہ کا احاطہ کرنے کے لیے 3150 مین ڈے وقف کیے گئے تھے۔ اتر پردیش میں سب سے زیادہ تعداد درج کی گئی، اس کے بعد بہار، مغربی بنگال اور آسام ہیں۔

وزیر اعظم نے ڈولفن کے تحفظ کے بارے میں آگاہی کی اہمیت پر زور دیا جس میں ان علاقوں میں مقامی آبادی اور دیہاتیوں کی شمولیت شامل ہے۔ انھوں نے ڈولفن کے مسکنوں میں اسکولی بچوں کے دوروں کے انعقاد کا بھی مشورہ دیا۔

وزیراعظم نے جوناگڑھ میں نیشنل ریفرل سینٹر فار وائلڈ لائف کا سنگ بنیاد بھی رکھا جو جنگلی حیات کی صحت اور بیماریوں کے انتظام سے متعلق مختلف پہلوؤں کے تال میل اور نظم و نسق کے مرکز کے طور پر کام کرے گا۔

ایشیائی شیروں کی آبادی کا تخمینہ ہر پانچ سال میں ایک بار لگایا جاتا ہے۔ اس طرح کی آخری مشق 2020 میں کی گئی تھی۔ وزیر اعظم نے 2025 میں شیروں کے تخمینے کے 16 ویں دور کے آغاز کا اعلان کیا۔

اس بات کو مدنظر رکھتے ہوئے کہ ایشیائی شیروں نے اب قدرتی پھیلاؤ کے ذریعے باردا وائلڈ لائف سینکچوری کو اپنا گھر بنا لیا ہے ، وزیر اعظم نے اعلان کیا کہ باردا میں شیروں کے تحفظ کو شکار میں اضافے اور رہائش کی بہتری کی دیگر کوششوں کے ذریعہ مدد فراہم کی جائے گی۔ جنگلی حیات کے مسکنوں کی ترقی اور تحفظ کے لیے ایکو ٹورازم کی اہمیت پر زور دیتے ہوئے انھوں نے زور دیا کہ جنگلی حیات کی سیاحت کے لیے سفر اور رابطے میں آسانی ہونی چاہیے۔

انسانوں اور جنگلی حیات کے درمیان تصادم کے موثر انتظام کے لیے وزیر اعظم نے کوئمبٹور کے ایس اے سی او این میں وائلڈ لائف انسٹی ٹیوٹ آف انڈیا کیمپس (سلیم علی سینٹر فار آرنیتھولوجی اینڈ نیچرل ہسٹری) میں سینٹر آف ایکسیلینس قائم کرنے کا اعلان کیا۔ مرکز ریپڈ رسپانس ٹیموں کو جدید ٹکنالوجی ، ٹریکنگ کے لیے آلات ، پیشگی انتباہ سے لیس کرنے میں ریاستوں اور مرکز کے زیر انتظام علاقوں کی بھی مدد کرے گا۔ انسانی اور جنگلی حیات کے تنازعات کے ہاٹ اسپاٹس میں نگرانی اور دراندازی کا پتہ لگانے کے نظام تجویز کرنا؛ اور تنازعات کو کم کرنے کے اقدامات کو عملی جامہ پہنانے کے لیے فیلڈ پریکٹیشنرز اور کمیونٹی کی صلاحیت میں اضافہ کریں۔

وزیر اعظم نے جنگلوں میں آگ اور انسانوں اور جانوروں کے درمیان تنازعات جیسے مسائل سے نمٹنے کے لیے ریموٹ سینسنگ اور جغرافیائی نقشہ سازی اور مصنوعی ذہانت اور مشین لرننگ کے استعمال پر زور دیا۔ انھوں نے وائلڈ لائف انسٹی ٹیوٹ آف انڈیا کو بھاسکراچاریہ نیشنل انسٹی ٹیوٹ فار اسپیس ایپلی کیشنز اینڈ جیو انفارمیٹکس (بی آئی ایس اے جی-این) کے ساتھ شامل کرنے کی تجویز دی تاکہ انسانوں اور جنگلی حیات کے تصادم کے چیلنج سے نمٹا جاسکے۔

جنگلات کی آگ کی نگرانی اور انتظام کو بہتر بنانے کے لیے ، خاص طور پر انتہائی حساس محفوظ علاقوں میں ، پیشگوئی ، پتہ لگانے ، روک تھام اور کنٹرول پر توجہ مرکوز کرتے ہوئے ، وزیر اعظم نے خلائی ٹکنالوجی کے استعمال کے ذریعہ فاریسٹ سروے آف انڈیا ، دہرادون اور بی آئی ایس اے جی - این کے مابین تعاون کا مشورہ دیا۔

وزیر اعظم نے یہ بھی اعلان کیا کہ چیتا کے تعارف کو مدھیہ پردیش میں گاندھی ساگر پناہ گاہ اور گجرات میں بنی گھاس کے میدانوں سمیت دیگر علاقوں میں توسیع دی جائے گی۔

وزیر اعظم نے ٹائیگر ریزرو کے باہر شیروں کے تحفظ پر توجہ مرکوز کرنے والی ایک اسکیم کا اعلان کیا۔ اس اقدام کا مقصد مقامی برادریوں کے ساتھ بقائے باہمی کو یقینی بنا کر ان ریزرو سے باہر کے علاقوں میں انسانی شیروں اور دیگر شریک شکاری تنازعات کو حل کرنا ہے۔

گھڑیالوں کی گھٹتی ہوئی آبادی کو تسلیم کرتے ہوئے اور گھڑیالوں کے تحفظ کو یقینی بنانے کے نقطہ نظر کو تسلیم کرتے ہوئے وزیر اعظم نے ان کے تحفظ کے لیے گھڑیال پر ایک نیا پروجیکٹ شروع کرنے کا بھی اعلان کیا۔

وزیر اعظم نے گریٹ انڈین بسٹرڈ کے تحفظ کے لیے کی گئی کوششوں کی ستائش کی۔ تحفظ کی کوششوں کو بڑھانے کی ضرورت کو مدنظر رکھتے ہوئے ، انھوں نے نیشنل گریٹ انڈین بسٹارڈ کنزرویشن ایکشن پلان کا اعلان کیا۔

جائزہ اجلاس کے دوران وزیر اعظم نے بورڈ اور وزارت ماحولیات سے کہا کہ وہ تحقیق و ترقی کے لیے جنگلات اور جنگلی حیات کے تحفظ اور انتظام کے سلسلے میں بھارت کے مختلف خطوں کے روایتی علم اور مخطوطات جمع کریں۔ وزیر اعظم نے جنگلی حیات کے تحفظ کی حکمت عملی اور وزارت کے لیے مستقبل کے اقدامات کے لیے ایک روڈ میپ تیار کیا اور بھارتی سلاتھ بیئر ، گھریال اور گریٹ انڈین بسٹرڈ کے تحفظ اور ترقی پر کام کرنے کے لیے مختلف ٹاسک فورس تشکیل دینے کو بھی کہا۔

وزیر اعظم نے کہا کہ گیر شیر اور چیتے کے تحفظ کی ایک اچھی کامیابی کی کہانی ہے۔ انھوں نے کہا کہ اس روایتی علم کو مصنوعی ذہانت کی مدد سے دیگر نیشنل پارکس اور پناہ گاہوں میں استعمال کے لیے دستاویزی شکل دی جانی چاہیے۔

وزیر اعظم نے جنگلی جانوروں کی مہاجر نسلوں کے تحفظ سے متعلق اقوام متحدہ کے کنونشن (سی ایم ایس) کے تحت کوآرڈینیشن یونٹ میں تعاون بڑھانے کی بھی تجویز دی۔

وزیر اعظم نے تحفظ میں مقامی برادریوں کی فعال شرکت کی ستائش کی، خاص طور پر کمیونٹی ریزرو کے قیام کے ذریعے۔ گذشتہ ایک دہائی کے دوران، بھارت نے کمیونٹی ریزرو کی تعداد میں چھ گنا سے زیادہ اضافہ دیکھا ہے۔ انھوں نے جنگلی حیات کے تحفظ میں مصنوعی ذہانت سمیت جدید ٹیکنالوجی کے استعمال کی اہمیت پر بھی زور دیا۔

وزیراعظم نے جنگلاتی علاقوں میں ادویاتی پودوں کی تحقیق اور دستاویزات تیار کرنے کا بھی مشورہ دیا جو جانوروں کی صحت کے انتظام میں اہم کردار ادا کرسکتے ہیں۔ انھوں نے عالمی سطح پر جانوروں کی صحت کے انتظام کے لیے پودوں پر مبنی ادویات کے نظام کے استعمال کو فروغ دینے کے امکانات کا بھی ذکر کیا۔

اجلاس کے بعد وزیر اعظم نے فرنٹ لائن فاریسٹ اسٹاف کی نقل و حرکت کو بڑھانے کے لیے موٹر سائیکلوں کو بھی جھنڈی دکھاکر روانہ کیا۔ انھوں نے گیر میں فیلڈ سطح کے عہدیداروں سے بھی گفت و شنید کی جس میں فرنٹ لائن اسٹاف ، ایکو گائیڈاور ٹریکر شامل تھے۔

***

(ش ح – ع ا)

U. No. 7776