مرکزی وزیر صحت جگت پرکاش نڈا نے آج رورل ہیلتھ ٹریننگ سنٹر (آر ایچ ٹی سی) نجف گڑھ اور آیوشمان آروگیہ مندر، پالم کا دورہ کیا۔ اس موقع پر جنوبی دہلی سے رکن پارلیمنٹ (لوک سبھا) جناب رام ویر سنگھ بیدھوری اور مغربی دہلی سے رکن پارلیمنٹ (لوک سبھا) محترمہ کمل جیت سہراوت بھی موجود تھیں۔

جناب نڈا نے دونوں مراکز صحت میں مریضوں اور طبی عملے سے بات چیت کی۔ انہوں نے’ایک پیڑماں کے ایک نام‘ پر ایک درخت اقدام کے تحت دونوں کیمپس میں ایک ایک پودا بھی لگایا۔

مرکزی وزیر صحت نے آر ایچ ٹی سی کی پیش رفت رپورٹ کا بھی جائزہ لیا اور مرکزی حکومت کے تحت نجف گڑھ، اجوا اور پالم میں پرائمری ہیلتھ سینٹرز (پی ایچ سی) کو برقرار رکھنے کی منظوری دی اور 3 ماہ کے اندر این کیو اے ایس اور آئی پی ایچ ایس کی منظوری اور 6 ماہ کے اندر آر ایچ ٹی سی اسپتال کو مکمل طور پر فعال کرنے کی ہدایت کی۔ انہوں نے مہارت کی ترقی پر زور دینے کے ساتھ مربوط پرائمری، سیکنڈری، آیوش اور تربیتی خدمات کے ماڈل کے طور پرآر ایچ ٹی سی کے کردار کو نوٹ کیا اور ادارے کی صحت کی سہولیات کو بڑھانے میں مرکزی حکومت کے تعاون کا یقین دلایا۔

پس منظر:

نجف گڑھ، دہلی میں واقع رورل ہیلتھ ٹریننگ سینٹر (آر ایچ ٹی سی)، صحت کے شعبے میں مہارت کی ترقی کے ساتھ ساتھ صحت اور خاندانی بہبود کی وزارت، حکومت ہند کے تحت بنیادی اور ثانوی صحت کی دیکھ بھال کے لیے ایک اہم ادارے کے طور پر کام کر رہا ہے۔ اس ادارہ کو 1937 میں ایک صحت مرکز کے طور پر قائم کیا گیا اور کئی سالوں میں 3 کیمپس (نجف گڑھ، پالم اور اجوا) میں اپ گریڈ کیا گیا،آر ایچ ٹی سی اب پرائمری، سیکنڈری، آیوش اور اسکل ڈیولپمنٹ اور مستقبل میں دیکھ بھال کے لیے ایک ماڈل مربوط مرکز کے طور پر تیار کیا جا رہا ہے۔

پرائمری سروسز کی توسیع کے ساتھ نجف گڑھ میں صحت کی خدمات ایک اہم تبدیلی سے گزر رہی ہیں تاکہ پہلے سے شروع کی گئی ثانوی صحت کی دیکھ بھال کی خدمات کو بھی شامل کیا جا سکے۔ آیوشمان آروگیہ مندر (اے اے ایم ) کو این کیو اے ایس کے ذریعے تسلیم کیا جائے گا، جس سے ہر گھر میں معیاری، اعلیٰ معیار کی صحت کی دیکھ بھال کی خدمات فراہم کرنے کے حکومت کے عزم کو تقویت ملے گی۔

بنیادی اور ترتیری صحت کی دیکھ بھال کے درمیان فرق کو ختم کرنے کے لیے آر ایچ ٹی سی ہسپتال کو 183 بستروں کے جنرل ہسپتال کے طور پر تیار کیا گیا ہے۔ یہ صحت کی دیکھ بھال کا ایک منفرد سیٹ اپ ہے جو فی الحال ایک ہی کیمپس میں بنیادی، ثانوی نگہداشت اور آیوش خدمات فراہم کرتا ہے۔ ہسپتال معیاری طبی علاج، ہنگامی دیکھ بھال اور خصوصی خدمات کے حل فراہم کرنے کے لیے تیار ہے، اس بات کو یقینی بناتے ہوئے کہ لوگوں کو گھر کے قریب بہتر طبی سہولیات تک رسائی حاصل ہو۔

آر ایچ ٹی سی آیوشمان بھارت ڈجیٹل مشن (اے بی ڈی ایم) کے تحت آئی ٹی سے چلنے والے صحت کی دیکھ بھال کے حل کو اپنا رہا ہے تاکہ ڈیجیٹل طور پر بااختیار صحت کی دیکھ بھال کے نظام کا ایکو سسٹم بنا کر کارکردگی، رسائی اور مریض پر مرکوز دیکھ بھال کو بہتر بنایا جا سکے۔

صحت کی دیکھ بھال کے بڑھتے ہوئے انفراسٹرکچر کو سپورٹ کرنے کے لیے ہنر مندی اور تربیت کے شعبے میں نمایاں کوششیں کی جا رہی ہیں۔ موجودہ اے این ایم اسکولوں کو عالمی معیار کے فرنٹ لائن ہیلتھ کیئر ورکرز تیار کرنے کے لیے اپ گریڈ کیا جائے گا۔ اے این ایم کورس 1985 میں شروع ہوا جس میں فی بیچ 20 طلباء تھے، لڑکیوں کے لیے ڈپلومہ کورس کرانے شروع کئے گئے۔ اے این ایم اسکول کی عمارت بھی 1985 میں قائم کی گئی۔ فی الحال 44 طلباء کو سالانہ انتخاب کیا جاتا ہے، جس سے ایک وقت میں کل 88 طلباء بنتے ہیں۔آر ایچ ٹی سی ہر سال (44) اور لیڈی ریڈنگ ہیلتھ اسکول (ایل آر ایچ ایس) (44) کے لیے آن لائن مشترکہ داخلہ امتحان منعقد کرتا ہے، 2024 میں 672 بچوں نے 88 نشستوں کے لیے درخواست دی تھی۔ اے این ایم اسکول کے لیے پرنسپل اور 8 سسٹر ٹیوٹرز کی پوسٹیں تخلیق کی جا رہی ہیں۔

نرسنگ کورس کے لیے بنیادی طور پر دیہی کمیونٹی میں پوسٹنگ کی ضرورت ہوتی ہے۔ دیہی سیٹ اپ، ایک وقف کمیونٹی اور ذیلی مراکز کے ساتھ آر ایچ ٹی سی لازمی انٹرن شپ پروگرام کے لیے دہلی نرسنگ کونسل کے معیار پر پورا اترتا ہے۔ وہ کورسز جن کے لیے نرسنگ انٹرنز آر ایچ ٹی سی میں آتے ہیں اور اس کی مختلف شاخیں اے این ایم، جی این ایم، بی ایس سی نرسنگ، اور ایم ایس سی نرسنگ ہیں۔ 19 کالجوں کے کل 2821 طلباء کو آر ایچ ٹی سی میں اس کے تمام اے اے ایمز اور ذیلی مراکز کے ذریعے انٹرن شپ فراہم کی گئی۔

نجف گڑھ کے ایک کمپلیکس میں پرائمری، سیکنڈری اور آیوش خدمات کو مضبوط بنانا صحت عامہ اور سماجی بہبود کے تئیں مرکزی حکومت کے مضبوط عزم کی عکاسی کرتا ہے۔ ایلوپیتھک سہولیات، دیسی آیوش نظام کو مہارت کی ترقی کے پروگراموں کے ساتھ مربوط کرنے کی پہل کا مقصد صحت کی دیکھ بھال تک رسائی کو مضبوط بنانا، مریضوں کے نتائج کو بہتر بنانا اور مستقبل کے لیے ایک مضبوط طبی افرادی قوت تیار کرنا ہے۔

ان سہولیات سے نجف گڑھ اور آس پاس کے علاقوں میں صحت کی دیکھ بھال کی خدمات تک رسائی اور دستیابی میں نمایاں بہتری آئے گی اور دہلی اور ہریانہ کے آس پاس کے اضلاع کے لوگوں کو بھی فائدہ پہنچے گا۔

مرکزی صحت سکریٹری محترمہ پنیہ سلیلا شریواستو، مرکزی وزارت صحت کی جوائنٹ سکریٹری ڈاکٹر منشوی کمار، آر ایچ ٹی سی کے ڈائریکٹر ڈاکٹر جی کوشلیا اور مرکزی وزارت صحت کے سینئر افسران اس موقع پر موجود تھے۔

***

ش ح- ظ ا

UR No7760

(Release ID: 2107849) Visitor Counter : 13