ای کامرس کی تیزی سے توسیع اور بنیادی ڈھانچے کی ترقی پر حکومت کی توجہ کے ساتھ، گودام اور لاجسٹکس کے شعبے کو اقتصادی ترقی کے کلیدی محرک کے طور پر دیکھا جا رہا ہے۔ یہ بات  امور صارفین، خوراک اور عوامی تقسیم، نئی اور قابل تجدید توانائی  کے مرکزی وزیر جناب پرہلاد جوشی نے آج نئی دہلی میں سنٹرل ویئر ہاؤسنگ کارپوریشن (سی ڈبلیو سی) کے 69ویں یوم تاسیس کے موقع پر کہی۔ 1957 میں اپنے قیام کے بعد سے ہندوستان کے لاجسٹکس اور سپلائی چین کے بنیادی ڈھانچے میں اس کے اہم کردار کو تسلیم کرتے ہوئے، انہوں نے ڈیجیٹل اقدامات کے انضمام کے ذریعے آپریشنل کارکردگی، شفافیت اور جوابدہی میں کارپوریشن کی کوششوں کی تعریف کی۔

جناب جوشی نے حکومتی اقدامات جیسے پردھان منتری غریب کلیان انّ یوجنا (PMGKAY) اور پردھان منتری انّ داتا آی سنرکشن ابھیان (PM-ASHA) میں سی ڈبلیو سی کے اہم کردار پر زور دیا جس میں غذائی اجناس، دالوں، کپاس اور مونگ پھلی سمیت ضروری اشیاء کی موثر ذخیرہ اندوزی، ہینڈلنگ اور نقل و حمل کو یقینی بنایا جا رہا ہے۔

لاجسٹکس کے اخراجات کو کم کرنے کے لیے حکومت کے عزم کو اجاگر کرتے ہوئے، وزیر نے کہا، "نیشنل لاجسٹک پالیسی (NLP) اور پی ایم گتی شکتی  پروگرام کے آغاز کے ساتھ، ہمارا مقصد لاجسٹکس کی لاگت کو موجودہ 13-14 فیصد سے کم کر کے عالمی معیارات کے تقریباً 8 فیصد تک لانا ہے۔ "

اس موقع پر بات کرتے ہوئے، وزیر نے  سی ڈبلیو سی  کی روایتی گودام یونٹ سے ایک متحرک لاجسٹکس سروس فراہم کرنے والے میں تبدیلی پر روشنی ڈالی اور کہا، " سی ڈبلیو سی   700 سے زیادہ گوداموں کے وسیع نیٹ ورک اور 198 لاکھ ٹن کی آپریشنل سٹوریج کی گنجائش کے ساتھ کارکردگی، جدت اور بھروسے کی ایک مثال کے طور پر تیار ہوا ہے۔"

گودام میں ہندوستان کی تاریخی وراثت پر غور کرتے ہوئے، جناب جوشی نے تبصرہ کیا، "بھارت میں ذخیرہ کرنے کے حل کی ایک بھرپور تاریخ ہے، جو موریان اور گپتا سلطنتوں میں وادی سندھ کی تہذیب اور پاٹلی پترا سے ملتی ہے۔ آج، جدید ٹکنالوجی سے چلنے والے گودام نے اس شعبے میں انقلاب برپا کر دیا ہے، جس کے ساتھ ہندوستان کی گودام سازی کی مارکیٹ میں 2027 تک 15فیصد سی اے جی آر  سے بڑھنے کی توقع ہے، جو کہ 2027 تک $35 بلین تک پہنچ جائے گی۔" وزیر نے بنیادی ڈھانچے کی ترقی میں سی ڈبلیو سی  کی اہم شراکت کو تسلیم کیا اور کہا کہ سی ڈبلیو سی  نے مالی سال 2023-24 میں 613 کروڑ روپے کے ریکارڈ سرمایہ خرچ کے ساتھ اپنی ذخیرہ کرنے کی گنجائش کو 21.65 لاکھ مربع فٹ تک بڑھایا ہے۔ انہوں نے مزید کہا کہ اس کی ای کامرس کی صلاحیت 2021 سے بارہ گنا بڑھ کر 2025 میں تقریباً 80 لاکھ مربع فٹ ہو گئی ہے۔

انہوں نے 18 مقامات پر اثاثوں کو منیٹائز کرنے کے لیے سی ڈبلیو سی کی تعریف کی، اس طرح اثاثہ منیٹائزیشن اسکیم کے تحت 820 کروڑ روپے کی سرمایہ کاری کو متحرک کیا گیا۔آتم نربھر بھارت مشن کے تحت، سی ڈبلیو سی   کا مقصد نجی شعبے کی شراکت، ٹیکنالوجی کی ترقی میں سرمایہ کاری اور ایک سازگار ماحول کے ذریعے ایک موثر اور مناسب سپلائی چین تشکیل دے کر خود انحصاری کو فروغ دینا ہے۔

صارفین کے امور، خوراک اور عوامی تقسیم کے مرکزی وزیر مملکت جناب بی ایل۔ ورما اور محترمہ نیمو بین جینتی بھائی بامبھانیا نے بھی پروگرام میں شرکت کی۔

دونوں وزراء نے اپنے خطابات کے دوران بلاتعطل ذخیرہ کی فراہمی کو فعال کرکے قوم کی غذائی تحفظ کو یقینی بنانے کے لیے سی ڈبلیو سی  کے عزم کا اعادہ کیا۔ عزت مآب وزیر اعظم جناب نریندر مودی کی طرف سے 2025-26 کے مارکیٹنگ سیزن کے لیے ربیع کی تمام لازمی فصلوں کے لیے کم از کم امدادی قیمت (ایم ایس پی) میں اضافے کے لیے کیے گئے فیصلے کا نوٹس لیتے ہوئے، انھوں نے کسانوں کی فلاح و بہبود کے لیے حکومت کی کوششوں پر روشنی ڈالی۔

پروگرام کا آغاز سی ڈبلیو سی  کی کارکردگی کے جائزہ پر ایک پریزنٹیشن کے ساتھ ہوا، جس میں سی ڈبلیو سی  کے منیجنگ ڈائریکٹر جناب  سنتوش سنہا تھے۔ انہوں نے Tier-I اور Tier-II شہروں میں روایتی گوداموں کو جدید بنانے، پی پی پی ماڈل کے تحت کولڈ اسٹوریج کی سہولت کی ترقی اور اسٹیک ہولڈرز کے ساتھ شراکت داری پر زور دیا۔ سی ڈبلیو سی   نے 2024-25 کے دوران 120 لاکھ مربع فٹ سے زیادہ گنجائش لیز پر دے کر نئی صلاحیتوں میں اضافہ کیا ہے، موجودہ سیزن میں 70 لاکھ روئی کی گانٹھیں اور 1.90 کروڑ مونگ پھلی کے تھیلے ذخیرہ کیے ہیں۔ بہتر کارکردگی اور ٹیم کی مسلسل کوششوں کی وجہ سے، کارپوریشن کو حال ہی میں اپریل، 2024 کے دوران ’نورتن  کا درجہ‘ دیا گیا ہے۔

*****

ش ح۔ح ن۔س ا

U.No:7733

(Release ID: 2107579) Visitor Counter : 32