امریکہ کے ایم آئی ٹی سلون اسکول آف مینجمنٹ کے سینئر لیکچرر پروفیسر جوناتھن فلیمنگ نے خواتین کو بااختیار بنانے میں حکومت ہند کی کوششوں اور قابل ذکر کامیابیوں کی تعریف کی  ہے ۔ آج نئی دہلی میں آئی سی اے آر پوسا احاطے میں نمو ڈرون دیدیوں سے بات چیت کرتے ہوئے انہوں نے کہا کہ وہ یہ دیکھ کر بہت خوش ہیں کہ بھارت کس طرح سے خواتین کو با اختیار بنانے کے لئے ٹیکنالوجی کا استعمال کر رہا ہے اور اس طرح کی پہل نہ صرف ہندوستان کے دیہی علاقوں کی خواتین کے لیے، بلکہ دوسرے ممالک کے لیے بھی ایک تحریک ہے جو اس تصور سے سیکھ سکتے ہیں۔ پروفیسر فلیمنگ تربیت کے عمل اور ہندوستان میں جدید ٹیکنالوجی کے استعمال سے خواتین کو حاصل ہونے والے فوائد سے بے حد متاثر ہوئے۔

ڈرون دیدیوں  نے وزیٹنگ پروفیسر کو حکومت ہند کی کوششوں کے بارے میں بتایا کہ وہ ڈرون ٹیکنالوجی کا استعمال کر سکیں اور ڈرون دیدیاں  بننے کے لیے مالی مدد فراہم کریں۔ پروفیسر جوناتھن فلیمنگ کے ساتھ بات چیت کرتے ہوئے، دیدیوں  نے بتایا کہ کس طرح ڈرون کا استعمال انہیں لہلہاتے  فصلوں میں کھاد اور کیڑے مار ادویات کے چھڑکاؤ  میں مدد کر رہا ہے جہاں مینوئل چھڑکاؤ کرنا ایک بڑا چیلنج رہا ہے۔ انہوں نے یہ بھی بتایا کہ وہ ڈرون دیدیاں  کہلانے پر فخر محسوس کرتے ہیں اور ان کی مالی حالت میں نمایاں بہتری آئی ہے۔ دیدیوں نے ذکر کیا کہ بھارت کے وزیر اعظم جناب نریندر مودی ایک عظیم بصیرت والے ہیں اور وہ ان کے لیے ایک عظیم اسکیم لائے ہیں۔

 

پروفیسر جوناتھن نے IRAI کے ڈرون روبوٹک اور مشین لرننگ سینٹر کا بھی دورہ کیا، جہاں انہیں ادارے کے تیار کردہ مختلف قسم کے ڈرونز کی نمائش کی گئی اور یہ بتایا گیا کہ وہ ٹیکنالوجی کے استعمال سے روایتی کاشتکاری میں کس طرح فرق لا رہے ہیں۔ ڈاکٹر روی ساہو، پرنسپل سائنسدان، ڈویژن آف ایگریکلچرل فزکس، IRAI، نئی دہلی نے انہیں بھارت  کے ڈرون سفر کے بارے میں بتایا اور انہیں بتایا کہ بھارت  کس طرح زرعی شعبے کی اصلاح کے لیے مقامی علم اور جدید ٹیکنالوجی کو یکجا کر رہا ہے جو بھارتی  معیشت اور سماجی نظام کی ریڑھ کی ہڈی ہے۔ پروفیسر جوناتھن نے اس تکنیکی ترقی کو بہت دلچسپ پایا اور کہا کہ ہندوستان نہ صرف موجودہ زرعی نظام کو بدل رہا ہے بلکہ مستقبل میں سرمایہ کاری بھی کر رہا ہے۔

 

 نمو ڈرون دیدی اسکیم کے بارے میں وزیٹنگ پروفیسر کو جناب  رمن وادھوا، ڈپٹی ڈائرکٹر، نیشنل رورل لائلی ہڈس مشن نے معلومات فراہم کی ۔ چار نمو دیدیوں یعنی محترمہ گیتا، محترمہ سیتا، محترمہ پرینکا، اور محترمہ ہیملتا نے امریکی معززین کے سامنے IARI کیمپس کے کھیتوں میں ڈرون کے ذریعے چھڑ کاؤ کا  براہ راست  مظاہرہ کیا۔

 

 بعد ازاں میڈیا سے بات کرتے ہوئے پروفیسر جوناتھن فلیمنگ نے کہا کہ امریکہ میں ڈرون ترغیبی اسکیم کے 100 فیصد مستفید ہونے والے مرد ہیں، جب کہ ہندوستان میں اس کے بالکل برعکس ہے کیونکہ تمام فائدہ اٹھانے والی خواتین ہیں جو اس بات کی ایک بڑی مثال ہے کہ ہندوستان کس طرح خواتین کو بااختیار بنانے کے لیے ٹیکنالوجی کا استعمال کر رہا ہے۔ انہوں نے کہا کہ "میں ہندوستان میں اپنے شاندار تجربات سے اپنی حکومت کے لیے بہت سارے مثبت پیغامات کے ساتھ اپنے ملک واپس جا رہا ہوں"۔

اس موقع پر ڈاکٹر راجیو رنجن، سینئر سائنسداں، ڈویژن آف ایگریکلچرل فزکس، آئی اے آر آئی، نئی دہلی اپنی سائنسدانوں کی ٹیم کے ساتھ،زراعت کی  وزارت کے جناب  ایس بی پوار، این آر ایل ایم کے جناب  بیبھو اور جناب  اروند، IFFCO کے کئی افسران، ہریانہ اور اتر پردیش ریاستوں کے اہلکار بھی اس موقع پر موجود تھے۔

*****

ش ح-  ف خ

UR No.7719

(Release ID: 2107426)