ہیما شیلڈ-2024 گرینڈ چیلنج، جس کا اہتمام (سینٹر فار ڈیولپمنٹ آف ایڈوانسڈ کمپیوٹنگ) سی-ڈیک ترواننت پورم ، وزارت برائے الیکٹرانکس اور انفارمیشن ٹکنالوجی کے تحقیقی اقدامات کے تحت، ترواننت پورم میں قومی یوم سائنس کے موقع پر کامیابی کے ساتھ اختتام پذیر ہوا۔ گولف گلیشیئر لیک آؤٹ برسٹ فلڈ (جی ایل او ایف )گلیشیئرکے تخفیف میں جدت کو فروغ دینے کے مقصد سے، اس چیلنج نے نوجوان محققین اور اختراع کاروں کو اس اہم ماحولیاتی چیلنج سے نمٹنے کے لیے مقامی، پائیدار حل تیار کرنے کے لیے ایک پلیٹ فارم فراہم کیا۔

اس ملک گیر عظیم چیلنج کو 24 اگست 2024 کو جناب ا یس کرشنن آئی اے ایس، سکریٹری، ایم ای آئی ٹی وائی نے شروع کیا تھا۔ ہیماشیلڈ کے ابتدائی راؤنڈ میں 151 ٹیموں نے شرکت کی۔ تیس ٹیمیں اگلے راؤنڈ میں پہنچ گئیں۔ فائنل راؤنڈ میں کل سات ٹیموں نے حصہ لیا۔

 

جیتنے والوں کی تفصیلات درج ذیل ہیں:

 

• فاتح (5 لاکھ روپے، ٹرافی اور سرٹیفکیٹ): گلوفسنس ٹیم میں بناری اماں انسٹی ٹیوٹ آف ٹیکنالوجی، ستھیامنگلم، تمل ناڈو کے وینکٹیش آر، نوین کرشنا ایس اور نتیش ٹی شامل ہیں۔
• فرسٹ رنرز اپ (3 لاکھ روپے، ٹرافی اور سرٹیفکیٹ): کریو وزراڈز ٹیم سوربھ آنند (واڈیا انسٹی ٹیوٹ آف ہمالین جیولوجی، دہرادون) اور سنیل مہتو، سدیپ بنرجی، نکتا رائے مکھرجی (برلا انسٹی ٹیوٹ آف ٹیکنالوجی، میسرا) پر مشتمل ہے۔
• سیکنڈ رنرز اپ (2 لاکھ روپے، ٹرافی اور سرٹیفکیٹس): کریو سینس ٹیم ڈاکٹر آشم ستار، ڈاکٹر سدیپتا ساہا، ڈاکٹر دیبا جیوتی بسواس، ابھینو اے، کٹاموری موہن کرشنا، کارتک چیروکوری (آئی آئی ٹی بھونیشور) پر مشتمل ہے۔

ممتاز ماہرین اور اہلکار ایوارڈ کی تقریب کی صدارت کر رہے تھے

 

ایوارڈ تقریب کی صدارت محترمہ سنیتا ورما، سائنسدان جی اینڈ گروپ کوآرڈی نیٹر، آر اینڈ ڈی، ایم ای آئی ٹی وائی نے کی۔ ڈاکٹر کلائی سیلون اے، ڈائریکٹر، سی-ڈی اے سی، ترواننت پورم، جناب اروند کمار،سی سی اے، ایم ای آئی ٹی وائی کمیونٹی کے لیے بیداری پیدا کرنے اور سائنس ڈے تکنیکی بات چیت شروع کرنے کے لیے ڈاکٹر ڈی ڈی رے، سابق ممتاز سائنسدان-ایچ، بھابھا اٹامک ریسرچ سینٹر؛  جناب ڈی جی شریشٹا، سکریٹری، محکمہ سائنس اور ٹیکنالوجی، حکومت سکم اور ڈاکٹر منوج کھرے، سائنٹسٹ-جی اینڈ گروپ ہیڈ، ہائی پرفارمنس کمپیوٹنگ - ارتھ سائنس انجینئرنگ اور جیو اسپیشل ایپلی کیشنز گروپ، سی -ڈیک پونے بھی موجود تھے۔

 

ہیما شیلڈ-2024 کے عظیم چیلنج کے بارے میں

 

ہیما شیلڈ- 2024 ایک عظیم چیلنج ہے جو موسمیاتی تبدیلی سے گلیشیئر پگھلنے کی وجہ سے گلیشیئر لیک آؤٹ برسٹ فلڈز (گولفس) کے بڑھتے ہوئے خطرے سے نمٹنے کے لیے وقف ہے۔ جدت کو فروغ دینے کے لیے منظم، یہ چیلنج محققین، انجینئرز اور اختراع کاروں کے لیے ایک پلیٹ فارم فراہم کرتا ہے تاکہ گلیشیئراور جھیلوں کی نگرانی اور ان کے انتظام کے لیے جدید حل تیار کیا جا سکے، ابتدائی انتباہی نظام کو ڈیزائن کیا جائےاور سیلاب کے خطرات کو کم کرنے کے لیے موثر انجینئرنگ اقدامات کو نافذ کیا جا سکے۔اس کا مقصد عملی، توسیع پذیر اور مقامی حل تیار کرنا ہے جو کمزور کمیونٹیز کی حفاظت کر سکتے ہیں، اہم بنیادی ڈھانچے کی حفاظت کر سکتے ہیں اور آفات سے لچک کو بڑھا سکتے ہیں۔ اس چیلنج کے ذریعے شرکاء کو مدعو کیا جاتا ہے کہ وہ اپنی ٹیموں کو ہیما شیلڈ کی آفیشل ویب سائٹ کے ذریعے رجسٹر کرائیں اور اپنے اختراعی نظاموں، صلاحیتوں اور سماجی اثرات کے بارے میں تجاویز پیش کریں۔ اندراجات کا جائزہ جدت، تکنیکی فزیبلٹی، اورجو حقیقی دنیا کے قابل اطلاق کی بنیاد پر کیا جاتا ہے۔  ہیما شیلڈ-2024 وژنری مفکرین کے لیے موسمیاتی لچک کی حدود کو آگے بڑھانے اور ایک محفوظ، زیادہ پائیدارجو مستقبل میں اپنا حصہ ڈالنے کا ایک موقع ہے۔

***

ش ح- ظ ا

UR No.7713

(Release ID: 2107398) Visitor Counter : 24