یوروپی یونین کے ایک اعلیٰ سطحی وفد نے، جس کی قیادت محترمہ ایکیٹرینہ ژاہریوا جو فی الحال بھارت کے دورے پر ہیں، نے آج مرکزی وزیر مملکت (آزادانہ چارج) برائے سائنس اور ٹیکنالوجی، ڈاکٹر جتیندر سنگھ سے ملاقات کی اور بنیادی طور پر اسٹارٹ اپ اور اختراعی تعاون پر تبادلہ خیال کیا۔

محترمہ ایکیٹرینہ ژاہریوا ، جو کہ اسٹارٹ اپس، ریسرچ اینڈ انوویشن کے لیےیورپییونین کی کمشنر ہیں اوربھارتی وزیر کے درمیان ملاقات سائنس اور ٹیکنالوجی کے میدان میں بھارت –یوروپی یونین کے تعاون میں ایک اہم سنگ میل کی نشاندہی کرتی ہے۔

سائنس اور ٹیکنالوجی کے وزیر نے بھارت  اور یوروپی یونین کے درمیان دیرینہ شراکت داری پر زور دیا، جو 2001 میں بھارت- یوروپی یونین سائنس اور ٹیکنالوجی کے معاہدے پر دستخط کے بعد سے شروع ہوئی ہے، جس کی 2015 اور 2020 میں تجدید کی گئی ہے، اور 2030-2025 کی مدت کے لیے ایک بار پھر تجدید کی جائے گی۔

ڈاکٹر جتیندر سنگھ نے وزیر اعظم نریندر مودی کو ان کی دور اندیش قیادت اور غیر متزلزل حمایت کی ستائش کی، جس نے سائنس اور ٹیکنالوجی میں بھارت کی نمایاں پیش رفت میں اہم کردار ادا کیا ہے۔ انہوں نے نوٹ کیا کہ پی ایم مودی ملک کو جدید تحقیق کا مرکز بننے، اختراع کو فروغ دینے اور مختلف سائنسی شعبوں میں تبدیلی کے اقدامات کو آگے بڑھانے میں اہم کردار ادا کر رہے ہیں۔

بات چیت کے دوران، ڈاکٹر جتیندر سنگھ نے کئی اہم شعبوں پر روشنی ڈالی، جہاں  بھارت اور یوروپی یونین اختراعات اور پائیدار ترقی کو آگے بڑھانے کے لیے مزید تعاون کر سکتے ہیں۔

یہ شعبے  ہیں:

آبی وسائل کا انتظام

صاف توانائی اور اسمارٹ گرڈز

مصنوعی ذہانت (اےآئی)، ڈیٹا اور روبوٹکس

صحت کی دیکھ بھال (بشمول ویکسین کی نشوونما اور وبائی امراض کی تیاری)

موسمیاتی تبدیلی اور پولر ریسرچ

وزیر موصوف نے اس بات پر زور دیا کہ ان شعبوں میں تعاون سے بھارت اور یوروپ دونوں کی صلاحیتوں کو بروئے کار لایا جائے گا، جس میں ہم آہنگی بڑھانے اور علم اور وسائل کے اشتراک پر زور دیا جائے گا۔

ڈاکٹر سنگھ نے یوروپی یونین کے ساتھ مشترکہ تحقیقی اقدامات کو آگے بڑھانے کے لیے بھارت کی وابستگی پر زور دیا، خاص طور پر 2020 سے 2024 کے دوران۔ انہوں نے جاری منصوبوں کا حوالہ دیا جیسے:

سائنس اور ٹیکنالوجی کا شعبہ (ڈی ایس ٹی): پانی، توانائی،اے آئی ڈیٹا، اور روبوٹکس پر منصوبے

بایو ٹیکنالوجی کا شعبہ (ڈی بی ٹی): آبی وسائل اور ویکسین کی ترقی پر باہمی تعاون کے ساتھ کام

زمینی سائنس کی وزارت (ایم او ای ایس): موسمیاتی تبدیلی اور قطبی تحقیق پر مشترکہ تحقیق

وزیر موصوف نے ان پروجیکٹوں میں بھارت  کی خاطر خواہ شراکت پر زور دیا، جس کی رقم €20.92 ملین ہے۔ انہوں نے کئی قابل ذکر کامیابیوں اور منصوبوں کا نام بھی لیا، جن میں شامل ہیں:

پوائنٹ/نان پوائنٹ آلودگی کے ذرائع کی جغرافیائی نقشہ سازی (ایس پی آر آئی این جی)

پاویترا گنگا: کانپور اور بارہ پلا، نئی دہلی میں گندے پانی کی صفائی کی نئی ٹیکنالوجیز کا مظاہرہ

اینڈفلو: انفلوئنزا کے بڑھے ہوئے تناؤ کے خلاف بہتر تحفظ کے لیے ایک بہتر انفلوئنزا ویکسین (ایم وائی این 002) کی تیاری

برک-ٹی ایچ ایس ٹی آئی:اینڈ فلواور انسینٹیو  منصوبوں کے ذریعے گھریلو انفلوئنزا ویکسین کی جانچ کی صلاحیت کی ترقی

پی آر ای ایس سی آر آئی پی-ٹی ای سی:ایچ پی وی سے آگاہی اور اسکریننگ کے اقدامات

آر یو ٹی آئی ®:ٹی بی کی روک تھام کی ویکسین کے پہلے مرحلے کا ٹیسٹ

ارضیاتی سائنس کے وزیر ڈاکٹر سنگھ نے سمندری اور موسمیاتی  چیلنجوں سے نمٹنے کے لیے بین الاقوامی تعاون کی اہمیت پر مزید زور دیا۔ تحقیق کے کلیدی شعبوں میں شامل ہیں: سمندر کی گرمی، ڈی آکسیجنیشن، اور تیزابیت؛ قطبی آب و ہوا کا مطالعہ؛ سمندر سے متعلق پیشن گوئی۔

ڈاکٹر جتیندر سنگھ نے ان خطرات سے نمٹنے اور کرہ ٔارض کے ماحولیاتی نظام کی صحت کو یقینی بنانے کے لیے عالمی تعاون کی ضرورت پر زور دیا۔

مستقبل کے پیش نظر، ڈاکٹر سنگھ نے مستقبل میں بھارت-یوروپی یونین تعاون کے لیے کئی امید افزا شعبوں کا خاکہ پیش کیا:

کوانٹم ریسرچ: ہندوستان کی ابھرتی ہوئی کوانٹم آر اینڈ ڈی صلاحیتیںیورپییونین کے جدید کوانٹم ہارڈویئر کے ساتھ مل کر محفوظ مواصلات اور کمپیوٹنگ میں کامیابیاں حاصل کر سکتی ہیں۔

بایو اکانومی: ہندوستان کی اپنی نوعیت کی پہلی بایو اکانومی (بایوای-3)پالیسی،ای یو کی مہارت کے ساتھ، اس شعبے میں ترقی کو فروغ دے سکتی ہے۔

گرین ہائیڈروجن: بھارت  کے اسکیلنگ قابل تجدید ہائیڈروجن پروجیکٹس، جو کہ ای یو کی قیادت کے ساتھ الیکٹرولائسز ٹیکنالوجی میں ہیں، توانائی میں تبدیلی کو آگے بڑھا سکتے ہیں۔

بیٹری ٹیکنالوجی اور بلیو اکانومی: توانائی کے ذخیرہ کرنے اور سمندری وسائل کے پائیدار استعمال میں اختراعات کی تلاش۔

ہائی پرفارمنس کمپیوٹنگ: سائنسی اور صنعتی ایپلی کیشنز کے لیے کمپیوٹیشنل صلاحیتوں کو بڑھانا۔

ڈاکٹر سنگھ نے صاف توانائی کے تعاون کے ذریعے موسمیاتی تبدیلیوں سے نمٹنے کے لیے ہندوستان کے عزم کو بھی اجاگر کیا، خاص طور پر سمندری ہوا اور شمسی منصوبوں میں۔ انہوں نے کہا کہ اس سے بھارت-یوروپی یونین دونوں کی طرف سے مقرر کردہ آب و ہوا کے اہداف کو پورا کرنے میں مدد ملے گی۔

ایس اینڈ ٹی کے وزیر نے نشاندہی کی کہ بھارت کا قومی اے آئی مشن، جس کی حمایت کافی فنڈنگ ​​سےحاصل ہے ، بھارت-یوروپی یونین کے درمیان تعاون کا ایک کلیدی شعبہ ہوگا۔ انہوں نے دونوں خطوں کے لیےاے آئی کی حفاظت اور سلامتی میں رہنمائی کرنے کی صلاحیت پر زور دیا، جس نے  پائیدار، مساوی اور جامع انداز  میں اے آئی کی ترقی کو یقینی بنایا ہے۔

صحت کے شعبے میں، ڈاکٹر سنگھ نے کئی اہم شعبوں کی نشاندہی کی جہاں بھارت-یوروپی یونین تعاون کر سکتے ہیں: متعدی اور غیر متعدی بیماریاں؛ نئے علاج، حیاتیات، اور ابتدائی تشخیص؛ منشیات کی بحالی؛ ہیلتھ کیئر اینٹی مائکروبیل ریزسٹنس (اے ایم آر) میں اےآئی ؛ شامل ہے۔

انہوں نے زور دے کر کہا کہ بھارت-یوروپی یونین کے درمیان شراکت داری صحت کے ان اہم چیلنجوں تک بڑھ سکتی ہے، جن کے عالمی اثرات مرتب ہوتے ہیں۔

ڈائریکٹوریٹ جنرل فار ریسرچ اینڈ انوویشن کی طرف سے، جناب مارک لیماٹرے، ڈائریکٹر جنرل؛ محترمہ نینکےبزمین ، یونٹ کی سربراہ، اختراع، خوشحالی، اور بین الاقوامی تعاون؛ اور کمشنر کی کابینہ سے، محترمہ سوفی الیگزینڈروا، کابینہ کے نائب سربراہ، جناب  ایوان دیموف، کابینہ کے رکن کے ساتھ؛ جناب پیئرک فلن-اشیدا، پہلے کونسلر اور ریسرچ اینڈ انوویشن سیکشن کے سربراہ؛ ڈاکٹر وویک دھام، پالیسی آفیسر، ریسرچ اینڈ انوویشن سیکشن،یوروپی یونین ڈیلیگیشن ٹو انڈیا، اس وفد کا حصہ تھے۔

ڈاکٹر جتیندر سنگھ نے سائنس اور ٹیکنا لوجی  میں یوروپی یونین  کے ساتھ اپنی شراکت داری کو مضبوط بنانے کے لیے ہندوستان کی گہری وابستگی کا اعادہ کرتے ہوئے مذاکرات مکمل کیے۔ انہوں نے اس یقین کا اظہار کیا کہ کلیدی شعبوں میں تعاون کا مشترکہ وژن عالمی چیلنجوں کے حل اور باہمی مفادات کو آگے بڑھانے کی راہ ہموار کرے گا۔

************

ش ح۔ع و۔ ج ا

 (U: 7637)