مالیات اور کارپوریٹ امور کی مرکزی وزیر محترمہ نرملا سیتا رمن1 مارچ 2025 کو نئی دہلی میں بھارتی سول اکاؤنٹس سروس کے فاؤنڈیشن ڈے کی مناسبت سے 49ویں سول اکاؤنٹس ڈے کی تقریبات کی صدارت کریں گی۔

افتتاحی سیشن کے دوران پبلک فنانشل مینجمنٹ سسٹم (پی ایف ایم ایس) پر مشتمل ایک کمپنڈیئم بعنوان "بھارت میں پبلک فنانشل مینجمنٹ کی ڈیجیٹلائزیشن: متحول دہائی (2014-24)" بھی جاری کیا جائے گا۔ پی ایف ایم ایس، جو کنٹرولر جنرل آف اکاؤنٹس (سی جی اے) کے ادارے کے ذریعے ڈیزائن، تیار اور نافذ کیا گیا ہے، حکومت کی مالی انتظامیہ کے لیے اہم آئی ٹی پلیٹ فارم ہے، جس میں ادائیگی، وصولی، اکاؤنٹنگ، نقدی کے انتظام اور مالی رپورٹنگ شامل ہیں۔ پی ایف ایم ایس نے حکومت کی ایک اہم پبلک اخراجات مینجمنٹ اصلاحات یعنی ڈائریکٹ بینیفٹ ٹرانسفرز کو عملی جامہ پہنانے کے لیے ڈیجیٹل انفراسٹرکچر فراہم کیا ہے۔

فاؤنڈیشن ڈے کی تقریبات کے دوسرے سیشن میں، جناب اروند پناگڑھیا، چیئرمین، 16ویں فنانس کمیشن "بھارت اور عالمی معیشت: اگلی دہائی" پر کلیدی خطاب دیں گے۔

بھارتی سول اکاؤنٹس سروس (آئی سی اے ایس) 1976 میں عوامی مالی انتظام میں اہم اصلاحات کے بعد قائم کی گئی تھی۔ یکم مارچ 1976 کو، بھارت کے صدر نے یونین حکومت کے اکاؤنٹس کی دیکھ بھال کو آڈٹ کی سرگرمیوں سے علیحدہ کرنے والے آرڈیننس جاری کیے، جس کے نتیجے میں محکماتی اکاؤنٹس کی تخلیق ہوئی۔ تب سے، آئی سی اے ایس، جو کنٹرولر جنرل آف اکاؤنٹس (سی جی اے) کی قیادت میں کام کرتا ہے، مالی حکمرانی میں پیش پیش رہا ہے۔

آئی سی اے ایس اپنے 49ویں فاؤنڈیشن ڈے کی تقریبات کے دوران(1 مارچ2025)، مکمل ڈیجیٹلائزیشن کے ذریعے خدمت کی فراہمی کو بہتر بنانے، محفوظ اور مؤثر مالی انتظام کو یقینی بنانے کے لیے اور ڈیٹا پر مبنی فیصلہ سازی کے لیے جدید ٹیکنالوجیز کو بروئے کار لانے کے اپنے عزم کا اعادہ کرے گا۔ پبلک فنانشل مینجمنٹ سسٹم (پی ایف ایم ایس)، جو اب یونین حکومت کے پورے بجٹ کے حساب کتاب اور اس کے بجٹ کے 65 فی صد  کی ادائیگیوں کا انتظام کرتا ہے، اس بات کا گواہ ہے کہ آئی سی اے ایس نے اس سمت میں کتنی قیادت فراہم کی ہے۔

انڈین سول اکاؤنٹس آرگنائزیشن کے افسران اور عملہ، حکومت ہند کے سیکریٹریز، مالی مشیران، محکمہ اخراجات اور دیگر وزارتوں/محکموں کے سینئر افسران، ریٹائرڈ آئی سی اے ایس افسران، بینکوں اور ریاستی حکومتوں کے سینئر افسران، اور دیگر افراد بھی ان تقریبات میں شرکت کریں گے۔

****

(ش ح۔ اس ک۔ا ک م )

UR-7618