மத்திய துறைமுகங்கள், கப்பல் மற்றும் நீர்வழிகள்  அமைச்சர் திரு சர்பானந்த சோனாவால் நாளை (2025 பிப்ரவரி 27) மும்பையில் உயர்நிலை தொழில்துறை ஆலோசனைக் கூட்டத்திற்குத் தலைமை தாங்குகிறார். இந்த சந்திப்புக் கூட்டத்தில் தொழில்துறை தலைவர்கள், அரசு அதிகாரிகள் மற்றும் பங்குதாரர்கள் ஒன்றிணைந்து மத்திய பட்ஜெட் 2025-ல் அறிவிக்கப்பட்டு உள்ள முக்கிய கடல்சார் துறை அறிவிப்புகள் குறித்தும் நாட்டின் கடல்சார் துறை வளர்ச்சியில் அவற்றின் தாக்கம் குறித்தும் விவாதிக்கின்றனர்.

துறைமுகங்கள், கப்பல் மற்றும் நீர்வழிகள் அமைச்சகத்தின் செயலாளர், துறைமுக அதிகாரிகள், அனைத்து துணை அமைப்புகள், முக்கிய கடல்சார் நாடுகளின் துணைத் தூதர்கள், கடல்சார் சங்கங்கள் மற்றும் முக்கிய கடல்சார் தொழில்துறையினர் ஆகியோர் கடல்சார் உள்கட்டமைப்பை நவீனமயமாக்குதல், செயல்பாட்டு செயல்திறனை மேம்படுத்துதல் மற்றும் துறையில் நிலைத்தன்மையை மேம்படுத்துதல் குறித்த விவாதங்களில் பங்கேற்பார்கள்.

பட்ஜெட்-2025 குறித்த உத்திசார்ந்த  கலந்துரையாடல்:

ரூ.25,000 கோடி மதிப்பில் கடல்சார் மேம்பாட்டு நிதியத்தை அமைத்தல்: இந்த நிதி இந்தத் துறையில் நீண்ட கால முதலீடுகளை ஆதரிப்பதை நோக்கமாகக் கொண்டுள்ளது, அரசு 49% நிதி பங்களிப்பையும், மீதமுள்ள 51% நிதி, துறைமுகங்கள் மற்றும் தனியார் துறை முதலீடுகளிலிருந்தும் திரட்டப்படுகிறது.

புதுப்பிக்கப்பட்ட கப்பல் கட்டும் நிதி உதவிக் கொள்கை அறிமுகம்: ரூ .18,090 கோடி ஒதுக்கீட்டுடன், இந்த கொள்கை உள்நாட்டு கப்பல் கட்டும் தளங்களை வலுப்படுத்தும் மற்றும் அவற்றின் உலகளாவிய போட்டித்தன்மையை அதிகரிக்கும்.

புதிய கடல்சார் முயற்சிகள்-2025

உலகளாவிய கடல்சார் இந்தியா உச்சி மாநாடு: இந்தியாவின் உலகளாவிய கடல்சார் தலைமையை வலுப்படுத்துவதை நோக்கமாகக் கொண்ட இந்த குறிப்பிடத்தக்க நிகழ்வுகளுக்கான நாட்களை மத்திய அமைச்சர் அறிவிப்பார்.

முக்கிய கடல்சார் முயற்சிகள்: உலகளாவிய கடல்சார் தலைமைத்துவமாக இந்தியாவின் நிலையை மேலும் வலுப்படுத்துவதை நோக்கமாகக் கொண்ட முயற்சிகளையும் மத்திய அமைச்சர் அறிவிப்பார்.

மேலும் விவரங்களுக்கு இந்த ஆங்கிலச் செய்திக்குறிப்பைக் காணவும் https://pib.gov.in/PressReleseDetail.aspx?PRID=2106477

***

TS/IR/AG/DL

 

(Release ID: 2106489) Visitor Counter : 17