ہندوستانی بحریہ کا پہلا تربیتی اسکواڈرن (1 ٹی ایس) -آئی این ایس سجاتا ، اور آئی سی جی ایس ویرا پر مشتمل، اپنا کامیاب دورہ مکمل کر کے 17 فروری 25 کو سیہانوکویل ، کمبوڈیا سے روانہ ہوا ۔  تین روزہ دورے کے دوران ، ہندوستانی بحریہ نے رائل کمبوڈین نیوی کے ساتھ مختلف محاذوں پر کام کیا ،جس کے ذریعہ  گہرے تعلقات استوار کیے گئے اور دوستی کے پل بنائے گئے ۔

اس سلسلے میں میڈیا سے بات چیت کا اہتمام کیا گیا ، جس میں آئی این ایس سجاتا اور آئی سی جی ایس ویرا کے کمانڈنگ افسران کے ساتھ ، 1 ٹی ایس کے سینئرافسران نے شرکت کی ۔  اس بات چیت میں علاقائی بحری افواج کے ساتھ ہندوستانی بحریہ کے وسیع تر سمندری تال میل اور اس مشن کو آگے بڑھانے میں فرسٹ ٹریننگ اسکواڈرن کے کردار کو اجاگر کیاگیا ۔  بندرگاہ کی بات چیت کے دوران ، ، 1 ٹی ایس  کے سینئر افسر کیپٹن انشول کشور نے بحریہ کے صدر دفاتر ، پنوم پینہ میں رائل کمبوڈین نیوی (آر سی این) کے کمانڈر ایڈمرل ٹی وینہا سے ملاقات کی ۔  ملاقات میں وی سی این ایس ، ڈی سی این ایس ، سی او ایل اور آر سی این کے چیف آف آپریشنز نے بھی شرکت کی ۔  دو طرفہ کراس ٹریننگ ، باہمی تال میل ، مشترکہ مشقوں ، علاقائی سلامتی اور خیر سگالی کی سرگرمیوں کے امور پر بات چیت ہوئی ۔  1 ٹی ایس کے سینئر افسر نے صوبہ سیہانوکویل کے گورنر اور ریم نیول بیس کے کمانڈرریئر ایڈمرل می ڈینا سے بھی ملاقات کی ۔

حالیہ تبادلوں اور دفاعی شراکت کے ضمن میں ایک چھوٹا آرمس سمیولیٹر رائل کمبوڈین آرمی کے حوالے کیا گیا ۔  عوام سے عوام کے تعلقات کو مضبوط کرتے ہوئے ، فرسٹ ٹریننگ اسکواڈرن اور رائل کمبوڈین نیوی کے زیر تربیت اہلکاروں نے دوستانہ کھیلوں میں حصہ لیا جس سے دوستی اور باہمی مفاہمت میں اضافہ ہوا ۔  سیہانوکویل میں موجود ہندوستانی برادری کے لوگوں کے لیے بحری جہازوں پر گائیڈڈ واک کا اہتمام کیا گیا۔ جنگی جہاز پر استقبالیہ کا اہتمام کیا گیا ، جس میں مختلف ممالک کے سفیروں اور سفارت کاروں ، رائل کمبوڈین نیوی اور آرمی کی سینئر اہلکاروں کے ساتھ ساتھ ہندوستانی تارکین وطن کے دیگر ممتاز ارکان نے شرکت کی ۔

1 ٹی ایس کے خیر سگالی دورہ سے ساگر (خطے میں سب کے لیے سلامتی اور ترقی) کے وژن کے مطابق ہندوستان اور کمبوڈیا کے درمیان دو طرفہ تعلقات اور پائیدار سمندری شراکت کی تصدیق ہوتی ہے ۔

********

 ( ش  ح ۔ م ش ع  ۔  م  ا )

UNO: 7348