نوکری تلاش کرنے والے نوجوانوں کے لیے روزگار کے امکانات میں اضافہ کرنے کی جانب ایک بڑا قدم اٹھاتے ہوئے، محنت و روزگار کی وزارت (ایم او ایل ای)  نے بھارت کے سرکردہ روزگار بھرتی پلیٹ فارموں میں سے ایک، اے پی این اے کے ساتھ ایک مفاہمتی عرضداشت پر دستخط کیے ہیں۔ اس شراکت داری  سے قومی کریئر خدمت (این سی ایس) پورٹل پر سالانہ 10 لاکھ سے زائد روزگار مواقع دستیاب ہوں گے

این سی ایس پورٹل روزگار کے متلاشی افراد آجرین کے درمیان ایک اہم پل کے طور پر کام کرتا ہے، اس کے تحت 40 لاکھ سے زائد آجرین درج رجسٹر ہیں  اور اس کے آغاز سے لے کر اب تک 4.40 کروڑ اسامیاں پیدا کی جا چکی ہیں۔ اس پورٹل پر کسی بھی وقت 10 لاکھ اسامیاں دستیاب  ہوتی ہیں، جو وافر تعداد میں مواقع  کی دستیابی کو یقینی بناتی ہیں۔

مفاہمتی عرضداشت کے اہم فوائد :

• توسیع شدہ ملازمت تک رسائی: این سی ایس پر ملازمت کے متلاشی میٹرو اور نان میٹرو شہروں میں روزگار کے وسیع تر اختیارات حاصل کریں گے۔

• بلارکاوٹ ارتباط: اے پی این اے ، این سی ایس پورٹل پر نوکریوں کی فہرستیں پوسٹ کرے گا، جس سے آجروں کو رسمی اور غیر رسمی شعبوں میں امیدواروں سے جوڑا جائے گا۔

• مبنی بر شمولیت بھرتی: یہ شراکت داری خواتین اور معذور افراد کے لیے مساوی مواقع کو فروغ دے گی، بھرتی کے منصفانہ عمل کو یقینی بنائے گی۔

• متنوع ٹیلنٹ پول: اے پی این اے ، این سی ایس کے امیدواروں کے وسیع ڈیٹا بیس تک رسائی حاصل کرے گا، جبکہ ایم او ایل ای یوزر فرینڈلی آن لائن اور آف لائن انٹرفیس کے ذریعے ہموار انضمام کی سہولت فراہم کرے گا۔

• روزگار منڈی کو مضبوط بنانا: یہ پہل قدمی این سی ایس کے مشن کے ساتھ ہم آہنگ ہے تاکہ ایک متحرک، جامع روزگار ایکو نظام تشکیل دیا جائے، جس سے تمام پس منظر کے ملازمت کے متلاشی افراد کو مناسب مواقع تلاش کرنے میں مدد ملے۔

یہ اشتراک ہنر اور روزگار کے درمیان فاصلے کو پر کرنے میں ایک اہم قدم کی حیثیت رکھتا ہے، جس سے بھارت میں اقتصادی نمو مہمیز ہوگی اور افرادی قوت میں ترقی رونما ہوگی۔

**********

 

(ش ح –ا ب ن)

U.No:7308

(Release ID: 2104483) Visitor Counter : 18