مرکزی وزیر تعلیم جناب دھرمیندر پردھان نے آج نئی دہلی میں ہندو کالج کے 126ویں یوم تاسیس کی تقریب میں شرکت کی۔ تقریب میں ماہرین تعلیم، اسٹاف ممبران اور طلبہ بھی موجود تھے۔ انہوں نے اسکل ڈیولپمنٹ اور انٹرپرینیورشپ سرگرمیوں سے متعلق نمائش کا دورہ کرتے وقت کالج کے طلبہ اور فیکلٹی ممبران سے ملاقات کی۔خیالات ، پروٹو ٹائپ اور کاروباری ماڈلز کی کھوج کرتے ہوئے  انہوں نے اعتماد کا اظہار کیا کہ وہ آنے والے وقت میں اختراع ، صنعت کاری ، روزگار کے مواقع پیدا کرنے اور آمدنی پیدا کرنے کے پرچم بردار کے طور پر کام کریں گے ۔

تقریب سے خطاب کرتے ہوئے جناب دھرمیندر پردھان نے ہندو کالج کی بے مثال  وراثت پر روشنی ڈالی اور اسے سیکھنے کا مندر اور تعلیمی معیار، اختراع، تنوع، کثیرالسانی، جمہوری اخلاقیات، قوم پرستانہ جذبے اور قوم کی تعمیر کا گہوارہ قرار دیا۔

انہوں نے جناب کرشن داس جی گروالے کے ذریعہ کالج کی بنیاد رکھنے کا تذکرہ کرتے ہوئے کہاکہ انہوں نے ہندوستان کے تعلیمی نظام اور ثقافت کو ختم کرنے کی میکالے کی کوششوں کا مقابلہ کرنے کی کوشش کی ۔  انہوں نے اس بات پر زور دیا کہ کس طرح ہندو کالج نے ہندوستان کی فکری ، ثقافتی اور قومی شناخت کی تشکیل میں ایک بے مثال میراث قائم کی ہے ۔  انہوں نے زور دے کر کہا کہ ترقی اور خوشحالی کی جس راہ پر آج ہندوستان کھڑا ہے ، اسے ہندو کالج نے ہموار کیا ہے ۔

جناب پردھان نے یہ بھی تبصرہ کیا کہ وراثت بنانا آسان ہے، لیکن اسے برقرار رکھنے کے لیے انتھک لگن کی ضرورت ہے۔ کالج کے معیار کی روایت کو برقرار رکھنے میں طلبہ، اساتذہ اور عملہ کو ان کی غیر متزلزل ’سادھنا‘ پر مبارکباد دیتے ہوئے انہوں نے ان پر زور دیا کہ وہ اس عزم کو جاری رکھیں اور  ادارے کو عالمی مرکز میں تبدیل کرنے کی کوشش کریں۔

انہوں نے اس بات پر بھی زور دیا کہ وکست بھارت 2047 تمام ہندوستانیوں کے لیے ایک اجتماعی ہدف ہے ۔  انہوں نے کہا کہ اگلے 22 سے25 سال امرت کال کو نشان زد کرتے ہیں ، جو ہندو کالج کمیونٹی کے لیے ایک اہم دور ہے ۔  انہوں نے زور دے کر کہا کہ جیسے جیسے ہندوستان اپنی آزادی کی صد سالہ تقریبات منا رہا ہے ، ہندو کالج بھی اپنا 150 واں یوم تاسیس منائے گا ۔  انہوں نے مزید کہا کہ اس اہم مرحلے کے دوران کالج کو خود کو تحقیق ، اختراع ، صنعت کاری اور 21 ویں صدی کے چیلنجوں کے حل کے مرکز کے طور پر قائم کرنے کی خواہش رکھنی چاہیے ۔

ہندوستان کے مستقبل کی تشکیل میں ہندو کالج کے کردار پر اعتماد کا اظہار کرتے ہوئے انہوں نے آنے والی دہائیوں میں ہندوستان کی تبدیلی کے ‘کپٹن’ کے طور پر ابھرنے کا تصور کیا۔ انہوں نے امید ظاہر کی کہ کالج کے طلبہ آمدنی پیدا کرنے والے، نوکری پیدا کرنے والے، گہری تکنیکی اختراع کرنے والے، پالیسی ساز اور کل کے عالمی شہری بنیں گے۔

***

(ش ح۔م ح ۔ش ت)

U:7276

(Release ID: 2104276) Visitor Counter : 20