ٹیلی کمیونیکیشنز (ڈی او ٹی )، وزارت مواصلات، حکومت ہند، اور بین الاقوامی ٹیلی کمیونیکیشن یونین (آئی ٹی یو ) نے آج جنیوا (سوئٹزرلینڈ) میں ایک لیٹر آف انٹینٹ (ایل او آئی ) پر دستخط کیے ہیں تاکہ ٹیلی کمیونیکیشن اور اس سے وابستہ ٹیکنا لوجی کے شعبے میں ایک باہمی پی ایچ ڈی فیلوشپ اسکیم پر بات چیت شروع کی جائے۔ اس اقدام کا مقصد ہندوستانی اکیڈمی اور آئی ٹی یو کے درمیان قریبی تعلقات کو فروغ دے کر عالمی ٹیلی کام تحقیق اور معیارات میں ہندوستان کے تعاون کو مضبوط کرنا ہے۔ مجوزہ اسکیم آئی ٹی یو فوکس ایریاز میں پانچ سالوں کے دوران پی ایچ ڈی فیلو شپس کو سپورٹ کرنے کا تصور کرتی ہے۔

ایل او آئی پر دستخط کے بعد سکریٹری (ٹیلی کام)، محکمہ ٹیلی کمیونیکیشن (ڈی او ٹی)، حکومت ہند، ڈاکٹر نیرج متل کی محترمہ ڈورین بوگڈان-مارٹن، سکریٹری جنرل، آئی ٹی یو  اور دیگر اہم عہدیداروں کے ساتھ ملاقات ہوئی۔ ڈاکٹر متل ہندوستان کی عالمی ڈیجیٹل قیادت کو مزید مضبوط کرنے اور ٹیلی کمیونیکیشن کے شعبے میں اہم بین الاقوامی اسٹیک ہولڈرز کے ساتھ گہرا تعلق بڑھانے کے لیے جنیوا (سوئٹزرلینڈ) کے سرکاری دورے پر ہیں۔

مجوزہ اقدام کا مختصر خاکہ :

ہندوستان کا تیزی سے پھیلتا ہوا ٹیلی کام سیکٹر، جو عالمی سطح پر دوسرا سب سے بڑا ہے، مسلسل جدت کی ضرورت ہے۔ ٓئی ٹی  یو ، اقوام متحدہ کی ایک خصوصی ایجنسی، عالمی آئی سی ٹی  معیارات کی تشکیل میں کلیدی کردار ادا کرتی ہے۔ ڈی او ٹی اور ٓئی ٹی  یو کے درمیان تعاون ہندوستانی تحقیق کو ٓئی ٹی  یو ترجیحات کے ساتھ ہم آہنگ کرنے کی کوشش کرتا ہے، عالمی ٹیلی کمیونیکیشن میں ہندوستان کی آواز کو بڑھاتا ہے، خاص طور پر ترقی پذیر ممالک کے فائدے کے لیے۔

ڈی او ٹی ایک متعین فوکل پوائنٹ کے ذریعے ٓئی ٹی  یو کے ساتھ رابطہ قائم کرے گا، شرکت کرنے والی یونیورسٹیوں کی شناخت اور مدد کرے گا، تحقیقی موضوعات پر فیڈ بیک فراہم کرے گا، پی ایچ ڈی سکالرز کو فیلوشپ دے گا، اور ٓئی ٹی  یو کے ساتھ ان کی مصروفیت کو آسان بنائے گا، بشمول مطالعاتی دوروں میں۔ ان کی یونیورسٹی کی مشاورتی کمیٹی کا ایک حکومتی نامزد رکن اسکالرز کی نگرانی کرے گا۔

اکیڈمیا اور عالمی ٹیلی کام معیارات کی تلاش:

ایل او آئی پر دستخط کے ساتھ، حکومت ہند اور آئی ٹی یو نے ایک باہمی تعاون پر مبنی پہل قائم کرنے کے اپنے ارادے کا اظہار کیا ہے جو ہندوستان کے اہم اداروں کے پی ایچ ڈی اسکالرز کو آئی ٹی یو اسٹڈی گروپس یا ترجیحی علاقوں سے متعلقہ اسٹریٹجک شعبوں میں تحقیق کرنے کی ترغیب دیتا ہے۔ یہ شراکت داری ہندوستانی محققین اور عالمی ٹیلی کام ماہرین کے درمیان علم کے تبادلے میں سہولت فراہم کرے گی، اس بات کو یقینی بنائے گی کہ ہندوستانی اختراعات مستقبل کی ٹیلی کام ٹیکنالوجیز اور بین الاقوامی معیارات کی ترقی میں اپنا حصہ ڈالیں۔

مجوزہ تعاون کی اہم جھلکیاں:

بین الاقوامی نمائش: ہندوستانی اسکالرز کو ٓئی ٹی  یو ماہرین کے ساتھ مشغول ہونے، ٓئی ٹی  یو اسٹڈی گروپ میٹنگز میں شرکت کرنے اور بین الاقوامی فورمز پر تحقیق پیش کرنے کے مواقع حاصل ہوں گے۔

ادارہ جاتی تعاون: حصہ لینے والے ہندوستانی اداروں کو حکومت ہند کی اسپانسر شدہ ٓئی ٹی  یو -اکیڈمیا کی رکنیت ملے گی، جس سے ٓئی ٹی  یو کے وسیع تحقیقی وسائل، ڈیٹا بیس، اور عالمی تعلیمی نیٹ ورکس تک رسائی حاصل ہوگی۔

گائیڈڈ ریسرچ: اسکالرز اپنے کام کو عالمی تحقیقی ترجیحات کے ساتھ ہم آہنگ کرنے کے لیے آئی ٹی  یو کے مقرر کردہ ماہرین اور اپنی ریسرچ ایڈوائزری کمیٹی (آر اے سی ) میں ڈی او ٹی کے نامزد کردہ ممبر کی مشترکہ نگرانی میں کام کریں گے۔

عالمی ٹیلی کام ریسرچ میں ہندوستان کے کردار کو مضبوط کرنا:

ہندوستان کا ٹیلی کام سیکٹر 5جی ، اے آئی ، ایل او ٹی ، سائبر سیکیورٹی اور کوانٹم کمپیوٹنگ میں ترقی کے ساتھ تیزی سے ترقی کر رہا ہے۔ پی ایچ ڈی تحقیق کو آئی ٹی یو کے فوکس ایریاز کے ساتھ جوڑ کر، یہ مجوزہ اسکیم عالمی ٹیلی کام کی معیاری کاری اور پالیسی سیٹنگ ایکو سسٹم میں ہندوستان کی موجودگی کو بڑھا دے گی۔

ایل او آئی  پر دستخط کا خیرمقدم کرتے ہوئے، ڈاکٹر نیرج متل نے کہا،  آئی ٹی یو کے ساتھ اس ایل او آئی  پر دستخط جدید تحقیق کو فروغ دینے اور ہندوستان کو عالمی ٹیلی کام معیارات میں کلیدی شراکت دار کے طور پر پوزیشن دینے کی طرف ایک اہم قدم ہے۔ اس تعاون کے ذریعے، محکمہ ٹیلی کمیونیکیشن (ڈی او ٹی)، حکومت ہند کا مقصد ہندوستانی محققین اور اداروں کو مستقبل کی ٹیلی کام ٹیکنالوجیز میں جدت لانے کے لیے بااختیار بنانا ہے۔"

تعاون کے کلیدی فوائد:

یہ تعاون تمام اسٹیک ہولڈرز کے لیے اہم فوائد پیش کرتا ہے:

ڈی او ٹی کے لیے: قومی ٹیلی کام کے اہداف کے ساتھ منسلک تحقیق کی حمایت کرتا ہے، عالمی کنیکٹیویٹی کی سہولت فراہم کرتا ہے اور عالمی معیار کی ترتیب میں ہندوستان کے نقطہ نظر کو یقینی بناتا ہے۔

آئی ٹی یو کے لیے: تحقیقی ٹیلنٹ اور قیمتی بصیرت کے بھرپور تالاب تک رسائی حاصل کرتے ہوئے، ہندوستانی اکیڈمی کے ساتھ قریبی تعلق کو قابل بناتا ہے۔

ریسرچ اسکالرز کے لیے: آئی ٹی یو ماہرین کے ساتھ بات چیت، عالمی وسائل تک رسائی، اور بین الاقوامی تعاون کے مواقع کے ذریعے انمول تجربہ فراہم کرتا ہے۔

آگے کا راستہ: ٹیلی کام اسٹینڈرڈائزیشن میں ہندوستان کو ایک لیڈر کے طور پر پوزیشن دینا:

ایل او آئی  پر دستخط فیلوشپ اسکیم کی مخصوص تفصیلات پر بات چیت کے آغاز کی نشاندہی کرتا ہے، بشمول ممکنہ ڈیلیوری ایبلز، ٹائم لائنز، اور نفاذ کی حکمت عملی۔ ڈی او ٹی اور آئی ٹی یو دونوں ٹیلی کام کی تحقیق کو آگے بڑھانے اور جدید ترین تکنیکی اختراعات کو فروغ دینے میں اس تعاون کی اہمیت کو تسلیم کرتے ہیں جس سے ہندوستان اور عالمی برادری دونوں کو فائدہ ہوتا ہے۔ آئی ٹی یو کے اہم تحقیقی ترجیحی شعبوں میں شامل ہو کر، ہندوستان کا مقصد ابھرتی ہوئی ٹیلی کام ٹیکنالوجیز میں اپنی صلاحیتوں کو مضبوط کرنا ہے، عالمی ٹیلی کام تحقیق اور معیاری کاری میں ایک رہنما کے طور پر اپنے کردار کو بڑھانا ہے۔ اس اقدام سے ہندوستان کو ٹیلی کمیونیکیشن کے مستقبل کی تشکیل میں مدد ملے گی، عالمی معیارات اور پالیسیوں کی وضاحت میں اس کی فعال شرکت کو یقینی بنایا جائے گا۔

مزید تفصیل کے لئے فالو کیجئے:

X - https://x.com/DoT_India

Insta - https://www.instagram.com/department_of_telecom?igsh=MXUxbHFjd3llZTU0YQ==

Fb - https://www.facebook.com/DoTIndia

YT- https://www.youtube.com/@departmentoftelecom]

 

Follow CDRI Handles here:

X- https://x.com/cdri_world

LI – https://company/coalition-for-disaster-resilient-infrastructure

*****

ش ح ۔ ال

U-7270

(Release ID: 2104260) Visitor Counter : 11