سائنسی اور صنعتی تحقیق کی کونسل - نیشنل انسٹی ٹیوٹ آف سائنس کمیونیکیشن اینڈ پالیسی ریسرچ (سی ایس آئی آر-این آئی ایس سی پی آر) نے نئی دہلی میں اپنے احاطے میں "ہندوستان میں ابلاغی سائنس کی ضرورت اور اہمیت" پر ایک روزہ ورکشاپ کا کامیابی سے انعقاد کیا۔ اس تقریب کا مقصد ہندوستانی زبانوں میں سائنس کے ابلاغ میں موجودہ کوششوں کا جائزہ لینا اور ہندوستان کی متنوع لسانی برادریوں میں سائنس کے ساتھ عوامی مشغولیت کو بڑھانے کے لیے حکمت عملیوں کو تلاش کرنا تھا۔

اپنے خطبہ استقبالیہ میں، پروفیسر رنجنا اگروال، ڈائریکٹر، سی ایس آئی آر-این آئی ایس سی پی آر ، نے سائنسی تحقیق اور معاشرے کے درمیان خلیج کو ختم کرنے میں سائنس مواصلات کے اہم کردار پر زور دیا۔ انہوں نے شمولیت اور وسیع تر رسائی کو یقینی بنانے کے لیے علاقائی زبانوں میں سائنس کے ابلاغ کی اہمیت کو اجاگر کرتے ہوئے کہا، ‘‘حقیقی سائنسی پیشرفت سب پر مشتمل ہے۔ علاقائی زبانوں میں سائنس کو فروغ دینا اس بات کو یقینی بناتا ہے کہ علم معاشرے کے ہر کونے تک پہنچ جائے۔’’ ڈاکٹر نریش کمار، سربراہ، پی ایم ای، نے تعارفی کلمات پیش کیے، جس سے علاقائی زبانوں میں سائنسی علم کو پھیلانے کی ضرورت کو تقویت ملی۔ ڈاکٹر منیش موہن گوڑ، سینئر سائنسدان، سی ایس آئی آر-این آئی ایس سی پی آر اور ہندوستانی زبان کے پروجیکٹ کے پرنسپل انویسٹی گیٹر نے کہا کہ ملک کی علاقائی زبانوں میں سائنس اور ٹیکنالوجی کی مستند معلومات کو پھیلانے کے لیے عوامی مشغولیت ضروری ہے۔

ورکشاپ میں مختلف سائنسی اور میڈیا اداروں کے معزز مقررین کی طرف سے بصیرت انگیز گفتگو کی گئی۔ سائنسی اور تکنیکی اصطلاحات کے کمیشن کے اسسٹنٹ ڈائریکٹر جناب  دیپک کمار نے "سائنس کی اصطلاحات کی موجودہ شکل، مسائل، اور افادیت" کے موضوع پر  خطاب کیا۔ مائیکروسافٹ کے ڈیجیٹل میڈیا کمیونیکیشن کے سربراہ جناب  بالندو شرما نے "اے آئی  اور ڈیجیٹل دنیا کا حال اور مستقبل" کے بارے میں بصیرت فراہم کی۔ ڈاکٹر سنتوش کمار شکلا، ایگزیکٹو سکریٹری، نیشنل اکیڈمی آف سائنسز، انڈیا، نے "ہندوستانی زبانوں میں سائنس کی تحریر اور مقبول سائنس لٹریچر" پر گفتگو کی، جب کہ ڈیجیٹل اور سوشل میڈیا کی ماہر محترمہ نیہا ترپاٹھی نے "سائنسی مواد کے مختلف ذرائع اور ان کی صداقت" پر تفصیل سے روشنی ڈالی۔

اس کے علاوہ ، ڈاکٹر کرشنا نند پانڈے، سابق سائنسدان-ایف، آئی سی ایم آر، نے "ہندوستانی معاشرے میں بیداری پیدا کرنے میں صحت سے متعلق ابلاغ کے کردار" پر روشنی ڈالی۔ محترمہ انکیتا مشرا، ایڈیٹر، این آر ڈی سی ، نے "سوشل میڈیا کے دور میں سائنس کی مقبولیت میں پرنٹ میڈیا کی افادیت اور اہمیت" کی تلاش کی۔

دوپہر کے اجلاس میں علاقائی تناظر پیش کیا گیا۔ آل انڈیا ریڈیو کے پروگرام ایگزیکٹو جناب شیوانندن نے "ریڈیو اور زرعی سائنس کے پروگرام: فطرت اور امکانات" کے بارے میں بصیرت کا اشتراک کیا۔ سائنس مصنف جناب سمیر گانگولی نے "سائنس فکشن کہانیوں کے سماجی حوالہ جات" پر روشنی ڈالی۔

اس ورکشاپ میں  ماہرین، کمیونیکیٹرز، اور شرکاء کو بامعنی بات چیت میں مشغول ہونے کے لیے ایک متحرک پلیٹ فارم فراہم کیاگیا۔ مباحثوں نے ہندوستانی زبانوں میں سائنس مواصلات کو مضبوط بنانے کے لیے پالیسی سفارشات پیش کیں، جس میں اکیڈمیا-حکومت-میڈیا کے تعاون میں اضافہ اور سائنس کے ابلاغ کاروں کے درمیان صلاحیت کی تعمیر کے لیے حکمت عملیوں پر زور دیا گیا۔ اس تقریب نے 40 شرکاء کو متوجہ کیا، جن میں بنارس ہندو یونیورسٹی، سنٹرل سنسکرت یونیورسٹی، گروگرام یونیورسٹی، اور سی ایس آئی آر-این آئی ایس سی پی آر کے فیکلٹی اور طلباء سمیت سائنسدانوں، محققین اور پالیسی ساز شامل تھے۔ کل 8 مقررین نے شرکت کی، جس میں 06 نے آن لائن شمولیت اختیار کی اور 02 نے ذاتی طور پر شرکت کی، خیالات کے بھرپور تبادلے کو فروغ دیا۔

 

تقریب کا اختتام ایک انٹرایکٹو سیشن اور طلباء کے ساتھ سوال و جواب کے دور کے ساتھ ہوا،۔ ڈاکٹر منیش موہن گوڑ، سینئر سائنسدان، سی ایس آئی آر-این آئی ایس سی پی آر ، اور ورکشاپ کے کوآرڈینیٹر نے شکریہ کے کلمات ادا کئے ۔ ورکشاپ نے ہندوستان میں قابل رسائی اور جامع سائنس مواصلات کو فروغ دینے کے لیے سی ایس آئی آر-این آئی ایس سی پی آر کے عزم کا اعادہ کیا۔

سی ایس آئی آر-این آئی ایس سی پی آر کے بارے میں

 

سی ایس آئی آر-این آئی ایس سی پی آر –(نیشنل انسٹی ٹیوٹ آف سائنس کمیونی کیشن اینڈ پالیسی ریسرچ ) سائنس اور ٹکنالوجی کی وزارت، حکومت ہند کی کونسل آف سائنٹفک اینڈ انڈسٹریل ریسرچ کے تحت ایک جزوی تجربہ گاہ ہے۔ یہ سائنس مواصلات، پالیسی تحقیق، اور عوام میں سائنسی بیداری کے فروغ کے لیے وقف ہے۔

***

ش ح۔ ام ۔

 (U:7116

(Release ID: 2103587) Visitor Counter : 27