నేపాల్, భారత్, శ్రీలంక దేశాల ఉమ్మడి బౌద్ధ వారసత్వాన్ని కలుపుతూ చేపడుతున్న హార్ట్‌ఫుల్‌నెస్ లార్డ్ బుద్ధ ట్రైనేషన్ ట్రై-సర్వీసెస్ మోటార్ సైకిల్ సాహసయాత్ర
 చారిత్రాత్మకమైన  కార్యక్రమంగా నిలవనుంది. కన్వీనర్ శ్రీ రాహుల్ లక్ష్మణ్ పాటిల్ నాయకత్వంలో ఈ సాహసయాత్ర జరుగుతుంది. దీనికి ఇంటర్నేషనల్ బుద్ధిస్ట్ కాన్ఫెడరేషన్ (ఐబీసీ)తో సహా ఇతర సంస్థలు మద్ధతు అందిస్తున్నాయి.

బుద్ధ భగవానుని జన్మస్థలమైన నేపాల్‌లోని లుంబినీలో ఈ నెల 16 న ఈ కార్యక్రమం ప్రారంభమవుతుంది. నేపాల్, భారత్, శ్రీలంక మధ్య విస్తరించి ఉన్న బౌద్ధ మతాన్ని, ఈ దేశాల మధ్య ఉన్న సాంస్కృతిక, ఆధ్యాత్మిక సంబంధాలను బలోపేతం చేసేలా ఈ యాత్ర కొనసాగుతుంది. ఈ మూడు దేశాల్లోని ప్రముఖ బౌద్ధ వారసత్వ ప్రదేశాలను కలుపుతూ ఈ యాత్ర కొనసాగుతుంది.

భారత్‌లో సాగే ఈ యాత్రను ల్యాండ్ ఫోర్ట్ అథారిటీ ఆఫ్ ఇండియా (హోం వ్యవహారాల మంత్రిత్వ శాఖ), నలంద విశ్వవిద్యాలయం, రాజ్‌గిర్ (విదేశీ వ్యవహారాల శాఖ) నిర్వహిస్తున్నాయి. బిమ్స్‌టెక్ వ్యూహాత్మక భాగస్వామిగా వ్యవహరిస్తుండగా, ఐబీసీ దిశానిర్దేశం చేయనుంది. ఈ యాత్రలో సందర్శించనున్న బౌద్ధ ప్రదేశాలు:

సారనాథ్, ఉత్తరప్రదేశ్ - బుద్ధుడు మొదటిసారిగా తన బోధనలు వెలువరించిన ప్రదేశం

బోధగయ – బుద్ధుడికి జ్ఞానోదయం కలిగిన ప్రదేశం

నలంద, బీహార్ - ప్రఖ్యాత ప్రాచీన బౌద్ధ విశ్వవిద్యాలయం

నాగార్జున సాగర్, ఆంధ్రప్రదేశ్ - ప్రసిద్ధ బౌద్ధ విద్యాలయం

ఉదయగిరి, ఒడిశా - ప్రముఖ బౌద్ధారామం

కర్ణాటక – భారత దేశ బౌద్ధ వారసత్వాన్ని తెలిపే వివిధ ప్రదేశాలు.

భారత్‌లో ఈ యాత్రను మాజీ రాష్ట్రపతి శ్రీ రామ్‌నాథ్ కోవింద్ అధికారికంగా ఈ నెల 19న ప్రారంభిస్తారు. ప్రఖ్యాత బౌద్ధ ప్రదేశం బోధగయ దీనికి వేదిక కానుంది. అక్కడి నుంచి ఈ యాత్ర శ్రీలంక వరకు చేరుకుంటుంది. ఈ చారిత్రాత్మక  యాత్ర పూర్తయ్యే సందర్భంలో శ్రీలంకలోని జాఫ్నాలో ముగింపు ఉత్సవం చేస్తారు. శ్రీలంకలో జరిగే ఈ యాత్ర మూడు దేశాల మధ్య ఉన్న సాంస్కృతిక దౌత్యాన్ని మరింత ప్రోత్సహిస్తుంది.

హార్ట్‌ఫుల్‌నెస్ లార్డ్ బుద్ధ ట్రైనేషన్ ట్రై-సర్వీసెస్ మోటార్ సైకిల్ సాహసయాత్ర లక్ష్యం:

బుద్ధుని బోధనల ద్వారా శాంతి, సామరస్యాలను పెంపొందించడం

సాంస్కృతిక, వారసత్వ పర్యాటకాన్ని దక్షిణాసియాలో ప్రోత్సహించడం.

పర్యావరణ పరిరక్షణ, సుస్థిరాభివృద్ధిపై అవగాహన పెంపొందించడం

భారత్, నేపాల్, శ్రీలంక దేశాల ప్రజల మధ్య సంబంధాలను బలోపేతం చేయడం

***