خوراک کی ڈبہ بندی اور صنعتوں کے وزیرمملکت جناب روونیت سنگھ نے آج لوک سبھا میں ایک سوال کے تحریری جواب میں اطلاع فراہم کی کہ خوراک کی ڈبہ بندی کی صنتعوں کی وزارت (ایم او ایف پی آئی) مرکزی سیکٹر کی ایک وسیع اسکیم پردھان منتری کسان سمپدا یوجنا (پی ایم کے ایس وائی) نافذ کر رہی ہے۔ پی ایم کے ایس وائی کی ذیلی اسکیموں کے تحت، وزارت 15 کروڑ روپے کی مالی امداد فراہم کرتی ہے ۔ اس کے تحت عام علاقوں میں  پروجیکٹوں کیلئے پروجیکٹ لاگت کا 35 فیصد اور مشکل علاقوں کے ساتھ ساتھ درج فہرست ذاتوں/ درج فہرست قبائل، زرعی پیداوار کرنے والے کسانوں کی تنظیموں(ایف پی اوز) اور اپنی مدد آپ گروپوں (ایس ایچ جی) کے لیے پروجیکٹ لاگت کا  50 فیصد فراہم کیا جاتا ہے ، تاکہ وہ خوراک کی ڈبہ بندی کی صنعتوں کو قائم کرسکیں ۔ پردھان منتری کسان سمپدا یوجنا (پی ایم کے ایس وائی) ذیلی اسکیموں کا ایک جامع پیکج ہے، یعنی۔ (i) مربوط کولڈ چین اور ویلیو ایڈیشن بنیادی ڈھانچہ(کولڈ چین اسکیم)، (ii) آپریشن گرینز  (او جی ا سکیم) - طویل مدتی اقدام، (iii) زرعی اشیا کی ڈبہ بند کے کلسٹر (اے پی سی اسکیم) کے لیے بنیادی ڈھانچے کی تعمیر ، (iv) خوراک کی ڈبہ بندی اور تحفظ کی صلاحیت سازی / توسیع (سی ای ایف پی پی سی) (v) آگے اور پیچھے کیلئے رابطے قائم کرنا (سی بی ایف ایل اسکیم) – یکم اپریل 2021 سے اس کو جاری نہیں رکھا گیا ہے ۔ اور میگا فوڈ پارک اسکیم (ایم ایف پی اسکیم) – یکم اپریل 2021 سے اس کو جاری نہیں رکھا گیا ہے ، جس کا مقصد کھیتوں سے لے کر خوردہ دکانوں تک موثر سپلائی چین مینجمنٹ کے ساتھ جدید بنیادی ڈھانچے کی تعمیر ہے ۔ یہ اسکیم ملک میں خوراک کی ڈبہ بندی کے شعبے کی ترقی کو فروغ دیتی ہے، کسانوں کو بہتر قیمتیں فراہم کرنے میں مدد فراہم کرتی ہے، خاص طور پر دیہی علاقوں میں روزگار کے مواقع پیدا کرتی ہے، زرعی پیداوار کے نقصان کو کم کرتی ہے، پروسیسنگ کی سطح کو بڑھاتی ہے اور ڈبہ بند غذائی اشیا کی برآمد کو بڑھاتی ہے۔ پردھان منتری کسان سمپدا یوجنا (پی ایم کے ایس وائی) کی ذیلی اسکیموں میں منظور شدہ پروجیکٹوں کی تعداد کی تفصیلات ضمیمہ-I میں دی گئی ہیں۔

خوراک کی ڈبہ بندی کی صنتعوں کی وزارت باغبانی اور غیر باغبانی پیداوار کی کٹائی کے بعد ہونے والے نقصانات کو کم کرنے اور کسانوں کو ان کی پیداوار کی مناسب قیمت فراہم کرنے کے مقصد سے پردھان منتری کسان سمپدا یوجنا کے ایک جزو کے طور پر مربوط کولڈ چین اور ویلیو ایڈیشن بنیادی ڈھانچے کے لیے مرکزی سیکٹر کی اسکیم کو نافذ کر رہی ہے۔ یہ اسکیم عام علاقوں میں پروجیکٹوں کے لیے اہل پروجیکٹ لاگت کے 35 فیصد پر مالی مدد کی صورت میں اور مشکل علاقوں کے پروجیکٹوں کے لیے اہل پروجیکٹ لاگت کے 50 فیصد کے ساتھ ساتھ درج فہرست ذاتوں/ درج فہرست قبائل، زرعی پیداوار کرنے والے کسانوں کی تنظیموں(ایف پی اوز) اور اپنی مدد آپ گروپوں (ایس ایچ جی) کے پروجیکٹوں کے لیے مالی امداد فراہم کرتی ہے، جس کے لیے زیادہ سے زیادہ 10 کروڑ روپے فی پروجیکٹ شامل ہیں، بغیر کسی رکاوٹ کے کھیتوں سے لے کر صارفین تک سہولتوں سمیت کولڈ بریک کے پروجیکٹ کے قیام کے لیے۔ مربوط کولڈ چین اور ویلیو ایڈیشن بنیادی ڈھانچے کے تحت منظور شدہ، مکمل کیے گئے اور صلاحیتوں کی تعداد کی تفصیلات ضمیمہ II میں دی گئی ہیں۔

خوراک کی ڈبہ بندی کا بنیادی ڈھانچہ کاشتکاروں کی آمدنی میں نمایاں طور پر نقصان کو کم کر کے، قیمتوں کی بہتر وصولی، اور بہتر آگے اور پسماندہ روابط فراہم کر کے اضافہ کرتا ہے۔ کولڈ چین اسکیم مانگ پر مبنی ہے اور اس اسکیم کے تحت فنڈز کی دستیابی کی بنیاد پر وقتاً فوقتاً مفادات کے اظہار (ای او آئیز) کے ذریعے پورے ملک سے وزارت کی طرف سے تجاویز طلب کی جاتی ہیں۔

ضمیمہ I

ضمیمہ  II

 

*************

ش ح ۔ م ع۔ م الف

U. No.7010

(Release ID: 2103225) Visitor Counter : 16