ہندوستان میں دیہی مقامی حکومت کو مزید مستحکم کرنے کے اہم اقدام کے طور پر پنچایتی راج کی وزارت اور ماہی گیری ، مویشی پروری اور ڈیری کی وزارت کے وزیر مملکت پروفیسر ایس پی سنگھ بگھیل 13 فروری 2025 کو انڈین انسٹی ٹیوٹ آف پبلک ایڈمنسٹریشن (آئی آئی پی اے) نئی دہلی میں جامع ڈیوولیوشن انڈیکس رپورٹ جاری کریں گے۔  ‘‘ریاستوں میں پنچایتوں کو تفویض اختیارات کی حالت- اشاریہ جاتی شواہد  پر مبنی درجہ بندی 2024’’ کے عنوان سے  پیش ہونے والی یہ رپورٹ پنچایتی راج اداروں (پی آر آئی) کو بااختیار بنانے اور 73 ویں آئینی ترمیم کے ‘‘لوکل سیلف گورنمنٹ’’ کے وِژن کو عملی جامہ پہنانے کی سمت میں  ہندوستان کے سفر میں ایک سنگ میل کی نشاندہی کرتی ہے۔  اس تقریب رسم اجراء میں پنچایتی راج کی وزارت کے سکریٹری جناب وویک بھاردواج اور وزارت کے دیگر سینئر افسران اور آئی آئی پی اے، نئی دہلی کے فیکلٹی ممبران شرکت کریں گے۔

ڈیوولیوشن  اِنڈیکس، جو محتاط تحقیق اور ماہرانہ تجزیے کا نتیجہ ہے، ریاستوں اور مرکز کے زیر انتظام علاقوں میں لامرکزیت کی پیش رفت کے بارے میں معلومات فراہم کرتا ہے۔  روایتی میٹرکس سے آگے بڑھ کر، اِس  انڈیکس میں چھ اہم جہتوں کا جائزہ لیا گیاہے:فریم ورک، کام کاج ، مالیات،عملہ، صلاحیت سازی اور پنچایتوں کا احتساب۔  اِنڈیکس میں خاص طور پر اس بات کا جائزہ لیاگیا ہے کہ آئین کے آرٹیکل 243 جی کی حقیقی روح کی عکاسی کرتے ہوئے آزادانہ فیصلے کرنے اور ان پر عمل درآمد کرنے کے لیے پنچایتیں کس قدر‘ بااختیار’ہیں۔ یہ آرٹیکل ریاستی قانون سازوں کو گیارہویں شیڈول میں درج 29 مضامین میں پنچایتوں کو اختیارات اور ذمہ داریاں منتقل کرنے کا اختیار دیتا ہے۔

 

 

ڈیولیوشن اِنڈیکس  باہمی تعاون پر مبنی وفاقیت اور مقامی خود مختاری کو مضبوط کرنے کے وسیلہ کے طور پر کام کرتا ہے، جس سے ریاستیں بہتری کے شعبوں کی نشاندہی کر سکتی ہیں اور زیادہ بااختیار اور مؤثر پنچایتوں کے لیے بہترین طریقوں کو اپنا سکتی ہیں ۔  جو چیز اس ڈیوولیوشن اِنڈیکس کو ممتاز بناتی ہے، وہ متعددشراکت داروں کے لیے اس کی عملی افادیت ہے۔  شہریوں کے لیے ، یہ پنچایت کے کام کاج اور وسائل کی تقسیم پر نظر رکھنے میں شفافیت فراہم کرتا ہے۔  منتخب نمائندوں کے لیے، یہ وکالت اور اصلاحات کی خاطر ڈیٹا پر مبنی معلومات پیش کرتا ہے۔  سرکاری اہلکاروں کے لیے، یہ لامرکزیت کی مؤثر پالیسیوں کو نافذ کرنے کے روڈ میپ کے طور پر کام کرتا ہے۔  پالیسی ساز ادارے مقامی حکمرانی کی مجموعی صحت کا جائزہ لینے اور اس بات کی نشاندہی کرنے کے لیے کہ اصلاحات کی سب سے زیادہ فوری ضرورت کہاں ہے، ڈیوولیوشن اِنڈیکس کا استعمال کر سکتے ہیں۔  یہ پہل وکست بھارت کے وِژن سے ہم آہنگ ہے، جہاں ترقی یافتہ اور بااختیار پنچایتیں دیہی تبدیلی کی بنیاد کے طور پر کام کرتی ہیں ، جس سے نچلی سطح پر جامع ترقی اور پائیدار ترقی کو فروغ ملتا ہے۔

 

********

 

ش ح۔م ش ع۔ن ع

U-6411

 

(Release ID: 2101813) Visitor Counter : 33