اقلیتوں کی بہبود کے لیے وزیر اعظم کا نیا 15 نکاتی پروگرام ایک ایسا پروگرام ہے جس میں حصہ لینے والی وزارتوں/ محکموں کی مختلف اسکیموں/ اقدامات پر احاطہ کیا گیا ہے جس کا مقصد اس امر کو یقینی بنانا ہے کہ مرکزی طور پر مطلع شدہ چھ اقلیتی برادریوں کے پسماندہ اور کمزور طبقات کو مختلف سرکاری فلاحی اسکیموں سے فائدہ اٹھانے کے مساوی مواقع میسر ہوں اور وہ ملک کی مجموعی سماجی اقتصادی ترقی میں تعاون دے سکیں۔

پروگرام کے مختلف  وسیع تر مقاصد ہیں: (1) تعلیم کے مواقع میں اضافہ کرنا؛ (2) موجودہ اور نئی اسکیموں، ازخود روزگار کے لیے افزوں قرض تعاون اور ریاستی و مرکزی حکومت کی نوکریوں میں بھرتی کے توسط سے معاشی سرگرمیوں اور روزگار میں اقلیتوں کے لیے یکساں حصہ داری کو یقینی بنانا؛ (3) بنیادی ڈھانچہ ترقیاتی پروجیکٹوں میں ان کے لیے مناسب حصہ داری کو یقینی بناکر اقلیتوں کے معیار زندگی میں بہتری لانا؛ اور (4) فرقہ وارانہ عدم آہنگی اور تشدد کی روک تھام اور اس پر قابو پانا۔

وزیر اعظم کے 15 نکاتی پروگرام کے تحت اقلیتی امور کی وزارت کی اسکیمیں صرف مطلع شدہ اقلیتوں کے لیے ہیں۔ تاہم، دیگر شریک وزارتوں/محکموں کی جانب سے نافذ کی جانے والی اسکیموں/اقدامات کا 15فیصد، ممکنہ حد تک، مطلع شدہ اقلیتوں کے لیے مختص کیا گیا ہے۔

اقلیتوں کی تعلیم اور ہنرمندی کی ترقی کے اقدامات سمیت فلاحی اسکیمیں، جو پروگرام کے تحت اقلیتی امور کی وزارت اور دیگر شریک وزارتوں کے ذریعہ نافذ کی جارہی ہیں، درج ذیل ہیں:

1. پری میٹرک اسکالرشپ اسکیم
2. پوسٹ میٹرک اسکالرشپ اسکیم
3. میرٹ کم مینس پر مبنی اسکالر شپ اسکیم
4. قومی اقلیتی ترقیاتی مالیاتی کارپوریشن (این ایم ڈی ایف سی) قرض اسکیمیں
5. سمگر شکشا ابھیان (وزارت تعلیم)
6. دین دیال انتودیہ یوجنا (ڈی اے وائی – این آر ایل ایم)- (دیہی ترقیات کی وزارت)
7. دین دیال اپادھیائے – گرامین کوشلیہ یوجنا (دیہی ترقیات کی وزارت)
8. پردھان منتری آواس یوجنا (دیہی ترقیات کی وزارت)
9. دین دیال انتودیہ یوجنا – قومی شہری روزی روٹی مشن (ہاؤسنگ اور شہری امور کی وزارت)
10. بینکوں کے ذریعہ ترجیحی شعبے کا قرض(مالی خدمات کا محکمہ)
11. پردھان منتری مدرا یوجنا (مالی خدمات کا محکمہ)
12. پوشن ابھیان (خواتین و اطفال کی ترقی کی وزارت)
13. قومی صحتی مشن (صحت و خاندانی بہبود کا محکمہ)
14. آیوشمان بھارت (صحت و خاندانی بہبود کا محکمہ)

• xv. قومی دیہی پینے کے پانی کا پروگرام (جل جیون مشن)، (پینے کے پانی اور صفائی ستھرائی کا محکمہ)

اسکیموں کو متعلقہ وزارتوں/محکموں کے ذریعے حکومت کے سیچریشن اپروچ کے تحت نافذ کیا جا رہا ہے۔ حکومت کے سنترپتی نقطہ نظر کے تحت بہت سے اجزاء نے مرکزی دھارے میں شمولیت حاصل کی ہے۔

یہ اطلاع اقلیتی اور پارلیمانی امور  کے مرکزی وزیر جناب کرن رجیجو کے ذریعہ آج راجیہ سبھا میں ایک تحریری جواب کے تحت فراہم کی گئی۔

**********

 (ش ح –ا ب ن)

U.No:6377

(Release ID: 2101551) Visitor Counter : 16