ایئر چیف مارشل اے پی سنگھ، چیف آف دی ایئر اسٹاف (سی اے ایس) نے سالانہ ساؤتھ ویسٹرن ایئر کمانڈ (ایس ڈبلیو اے سی) کمانڈروں کی کانفرنس میں شرکت کی، جو 05 سے 07 فروری 2025 تک ہیڈ کوارٹر ساؤتھ ویسٹرن ایئر کمانڈ، گاندھی نگر میں منعقد ہوئی۔ ائیر مارشل نرمدیشور تیواری، ائیر آفیسر کمانڈنگ اِن چیف، ساؤتھ ویسٹرن ائیر کمان نے اُن کا استقبال کیا اور آمد پر اُنہیں رسمی گارڈ آف آنر پیش کیا گیا۔

سی اے ایس نے ایس ڈبلیو اے سی کی آپریشنل تیاریوں کا جائزہ لیا اور کسی بھی ہنگامی صورتحال سے نمٹنے کے لیے آپریشنل تیاری کی اعلیٰ ترین سطح کو یقینی بنانے کے لیے تمام اہلکاروں کی تعریف کی۔

 اپنے خطاب میں، سی اے ایس نے کمانڈ کے ذریعے ادا کیے گئے اہم کردار پر روشنی ڈالی۔ انہوں نے صلاحیتوں کی نشوونما پر زور دیا اور تمام اہلکاروں کو ایل اے ایف کے نظریے کی روح کو اپنانے کی تلقین کی، جس میں ایل اے ایف کو ایک چست، موافق اور فیصلہ کن ایرو اسپیس پاور کے طور پر تصور کیا گیا ہے۔ انہوں نے تمام کمانڈروں سے اپیل کی کہ وہ پرواز اور آپریشن کے لیے سازگار ماحول کے ساتھ ساتھ صحت مند کام کی زندگی کے توازن کو برقرار رکھنے کے لیے اپنی کوششیں جاری رکھیں۔ انہوں نے انہیں مزید مشورہ دیا کہ وہ فوجی ہوا بازی میں ہونے والی تازہ ترین پیش رفتوں سے ، خاص طور پر خلا، سائبر اور الیکٹرانک وارفیئر کے شعبوں میں باخبر رہیں ۔

سی اے ایس نے خاص طور پر ترنگ شکتی 24 مشق کے دوران کمانڈروں کی کوششوں کو سراہا۔ اختتام پر، سی اے ایس نے مختلف شعبوں میں اسٹیشنوں کو ان کی قابل ذکر کارکردگی کے لیے ٹرافیوں سے نوازا۔

*********

ش ح ۔  اک۔  ت ع

U. No.6296

(Release ID: 2101094) Visitor Counter : 23