மகாத்மா காந்தி தேசிய ஊரக வேலைவாய்ப்புத் திட்டம் என்பது தேவை சார்ந்த கூலி வேலைவாய்ப்புத் திட்டமாகும். மேலும் இந்தத் திட்டத்தைச் செயல்படுத்தும் பொறுப்பு சம்பந்தப்பட்ட மாநிலங்கள்/யூனியன் பிரதேசங்களின் அரசுகளைச் சேர்ந்ததாகும். வேலை அட்டைகளைப் புதுப்பித்தல்/நீக்குதல் என்பது மாநிலங்கள்/யூனியன் பிரதேசங்களால் நடத்தப்படும் ஒரு வழக்கமான பயிற்சியாகும். போலி/நகல்/தவறான வேலை அட்டைகள், கிராமப் பஞ்சாயத்திலிருந்து நிரந்தரமாகக் குடும்பம் வெளியேறியது, கிராம பஞ்சாயத்து நகர்ப்புறமாக வகைப்படுத்தப்பட்டது போன்ற காரணங்களுக்காக வேலை அட்டைகள் முக்கியமாக நீக்கப்பட்டுள்ளன.

 

மாநிலங்கள்/யூனியன் பிரதேசங்களில் மகாத்மா காந்தி தேசிய ஊரக வேலைவாய்ப்பு உறுதித் திட்டத்தை செயல்படுத்துவதில் அதிக வெளிப்படைத்தன்மையை உறுதி செய்வதற்காக, பணித்தளத்தில் வருகைப் பதிவை மாநிலங்கள்/யூனியன் பிரதேசங்கள் உறுதி செய்ய வேண்டும் என்று அமைச்சகம் முடிவு செய்துள்ளது.

 

பணித்தளத்தில் நெட்வொர்க் வசதி  இல்லை என்பதாலோ அல்லது வேறு ஏதேனும் நெட்வொர்க் சிக்கல் காரணமாகவோ வருகைப் பதிவைப் பதிவேற்ற முடியாவிட்டால், ஆஃப்லைன் பயன்முறையில் வருகைப் பதிவை பதிவு செய்யலாம் மற்றும் சாதனம் நெட்வொர்க் பகுதிக்கு வந்ததும் பதிவேற்றலாம். விதிவிலக்கான சூழ்நிலைகளின் காரணமாக வருகைப் பதிவை பதிவேற்ற முடியவில்லை என்றால், விலக்குக்கான ஏற்பாடும் உள்ளது.

 

ஊரக மேம்பாட்டு அமைச்சகம் 25.01.2025 தேதியிட்ட கடிதத்தின் மூலம் அனைத்து மாநிலங்கள்/யூனியன் பிரதேசங்களுக்கும் வேலை அட்டைகளை நீக்குதல் மற்றும் மீட்டெடுப்பது தொடர்பான தெளிவான வழிகாட்டுதல்களுடன் ஒரு நிலையான செயல்பாட்டு நடைமுறையை வெளியிட்டுள்ளது.

 

நீக்குவதற்கு குறிக்கப்பட்ட வேலை அட்டைகளின் வரைவு பட்டியல்களை வெளியிடுதல், கிராம சபைகளில் சரிபார்ப்பு மற்றும் பாதிக்கப்பட்ட தொழிலாளர்களுக்கு மேல்முறையீடு செய்யும் உரிமை உள்ளிட்ட உரிய செயல்முறையின் முக்கியத்துவத்தை செயல்பாட்டு நடைமுறை வலியுறுத்துகிறது. நகல் மற்றும் மோசடி உள்ளீடுகளை அகற்ற வேலை அட்டைகளை ஆதாருடன் இணைப்பதையும் இது கட்டாயமாக்குகிறது. உண்மையான பயனாளிகள் விலக்கப்படவில்லை என்பதை உறுதி செய்வதோடு, வேலை அட்டைகளைத் தவறாகப் பயன்படுத்துவதைத் தடுப்பதே இந்த நடவடிக்கைகளின் நோக்கமாகும்.

 

இந்தத் தகவலை ஊரக வளர்ச்சி இணையமைச்சர் திரு. கமலேஷ் பாஸ்வான் இன்று மாநிலங்களவையில் எழுத்துப்பூர்வமாக அளித்த பதிலில் தெரிவித்தார்.  

 

மேலும் விவரங்களுக்கு இந்த ஆங்கிலச் செய்திக் குறிப்பைக் காணவும்:  https://pib.gov.in/PressReleasePage.aspx?PRID=2100658

***

TS/PKV/RJ/DL

(Release ID: 2100823) Visitor Counter : 34