مرکزی وزیر مملکت برائے  ترقی خواتین و اطفال محترمہ ساوتری ٹھاکر نے لوک سبھا میں آج ایک سوال کےجواب میں بتایا کہ خواتین کی تعلیم، ہنر مندی اور روزگار کے حوالے سے حکومت کی مسلسل کوششوں کے نتیجے میں ان کے لیے روزگار کے مواقع میں اضافہ ہوا ہے اور اب زیادہ سے زیادہ خواتین اپنے گھروں کے اندر یا باہر کام کر کے فائدہ مند روزگار تلاش کر رہی ہیں۔ بڑھتی ہوئی صنعت کاری اور شہری کاری کی وجہ سے شہروں کی طرف نقل مکانی میں بھی اضافہ ہوا ہے۔ گزشتہ چند دہائیوں میں علاحدہ رہنے والے خاندانوں میں تیزی سے اضافہ دیکھنے میں آیا ہے۔ اس طرح ایسی کام کرنے والی خواتین کے بچے، جنہیں پہلے کام کے دوران مشترکہ خاندانوں سے تعاون حاصل تھا، اب انہیں ڈے کیئر سروسز کی ضرورت ہوتی ہے جو بچوں کو معیاری دیکھ بھال اور تحفظ فراہم کرتےہیں۔ مناسب ڈے کیئر سروسز کا فقدان اکثر خواتین کو باہر جانے اور کام کرنے سے روکتا ہے۔ لہذا، منظم اور غیر منظم دونوں شعبوں میں تمام سماجی و اقتصادی گروپوں میں کام کرنے والی خواتین کے لیے بہتر معیار اور ڈے کیئر سروسز/کریچ تک (بچوں کی نگرانی کا مرکز)رسائی کی فوری ضرورت ہے۔

کام کرنے والی ماؤں کو اپنے بچوں کی مناسب دیکھ بھال اور تحفظ فراہم کرنے میں درپیش مشکلات کو حل کرنے کے لیے، پالنا اسکیم کے ذریعے دن کی دیکھ بھال کےلیے’ کریچ ’کی سہولتیں فراہم کی جا رہی ہیں۔ کریچ(دیکھ بھال کی خدمات) خدمات بچوں کی نگرانی کی ذمہ داریوں کو باقاعدہ بناتی ہیں، جو پہلے گھریلو کام کا حصہ سمجھی جاتی تھیں۔ دیکھ بھال کے کام کو منظم بنانے سے ’اچھے کام کی مہم’(ڈیسنٹ ورک کمپین) کو فروغ ملتا ہے تاکہ پائیدار ترقی کے مقصد 8 – اچھے کام اور معاشی ترقی کو حاصل کیا جا سکے۔ اس سے مزید ماؤں کو بھی فائدہ ہوگا، جو بغیر ادائیگی کے بچوں کی دیکھ بھال کی ذمہ داریوں سے آزاد ہو کر اچھی اور مفید ملازمت اختیار کر سکیں گی۔

آنگن واڑی مراکز دنیا کے سب سے بڑے بچوں کی دیکھ بھال کے ادارے ہیں، جو بچوں کو ضروری دیکھ بھال اور معاونت فراہم کرنے کے لیے وقف ہیں اور آخری چھوڑ تک نگرانی  کی سہولتوں کی فراہمی کو یقینی بناتے ہیں۔ ایک نئی نوعیت کے طریقہ کار میں، وزارت نے آنگن واڑی کم کریچ (اے ڈبلیو سی سی)کے ذریعے بچوں کی دیکھ بھال کی خدمات کو بڑھایا ہے۔ اس سے پورے دن کی بچوں کی دیکھ بھال کی مدد فراہم کی جائے گی، جو بچوں کی فلاح و بہبود کو ایک محفوظ اور سیکور ماحول میں یقینی بنائے گا۔ آنگن واڑی کم کریچ اقدام کا مقصد معیشت میں ‘خواتین کی ورک فورس کی شرکت’ کو بڑھانا ہے۔ پالنا اسکیم کا مقصد بچوں (6 ماہ سے 6 سال تک) کے لیے محفوظ اور سلامتی سے پر ماحول میں معیاری کریچ کی سہولت فراہم کرنا ہے، جس میں غذائیت کی معاونت، صحت اور بچوں کی ذہنی ترقی، نشوونما کی نگرانی اور حفاظتی ٹیکہ کاری شامل ہے۔ پالنا اسکیم کے تحت کریچ (بچوں کی نگرانی کا مرکز)کی سہولتیں تمام ماؤں کو فراہم کی جاتی ہیں، چاہے ان کی ملازمت کی حالت کوئی بھی ہو۔

پالنا ایک مرکز کی مدد یافتہ اسکیم ہے، جس میں ریاست/مرکز کے زیر انتظام حکومتوں کی شرکت کو یقینی بنایا گیا ہے تاکہ اسکیم کی بہتریومیہ نگرانی اور صحیح نفاذ کو ممکن بنایا جا سکے اور یہ اسکیم مرکزی اور ریاستی حکومتوں اور  مرکز کے زیر انتظام علاقوں کے درمیان 60:40 کے فنڈنگ تناسب کے ساتھ عملدرآمد کی جاتی ہے، سوائے شمال مشرقی اور خصوصی نوعیت کی ریاستوں کے، جہاں فنڈنگ تناسب 90:10 ہے۔ مرکز کے زیرانتظام علاقے جہاں قانون ساز ادارہ نہیں ہے، وہاں 100؍فیصد فنڈنگ مرکزی حکومت فراہم کرتی ہے۔

اے ڈبلیو سی سی ایز کے قیام اور آپریشن کے لیے تجاویز متعلقہ ریاستی حکومتوں/مرکز کے زیرانتظام علاقوں کی انتظامیہ سےموصول کی جاتی ہیں۔ آج تک، مختلف ریاستوں/مرکز کے زیر انتظام علاقوں سے موصول ہونے والی تجاویز کے مطابق کل 11,395  اے ڈبلیو سی سی ایز کی منظوری دی جا چکی ہے۔

 

***

UR-6248

ش ح۔ م ع ن- ن م

 

(Release ID: 2100700) Visitor Counter : 29