زراعت اور کاشتکاروں کی فلاح و بہبود کے وزیر مملکت جناب رام ناتھ ٹھاکر نے آج لوک سبھا میں ایک تحریری جواب میں کہا  کہاس وزارت کی طرف سے بے زمین کسانوں کی کوئی مخصوص مردم شماری/سروے نہیں کرایا گیا ہے۔اس لیے ملک میں بے زمین کسانوں کی صحیح تعداد اور زمین کے مالکان کے ساتھ فصل کی تقسیم کی بنیاد پر کاشتکاری دستیاب نہیں ہے۔ تاہم، تازہ ترین زرعی مردم شماری 16-2015 کے مطابق، ملک میں مکمل لیز پر آپریشنل ہولڈنگز/بے زمین کسانوں کی تعداد 5,31,285 ہے۔

 

زراعت ایک ریاستی حکومتوں کا معاملہ ہونے کے باعث، ریاستی حکومتیں کسانوں کی فلاح و بہبود کے لیے زرعی اسکیموں/پروگراموں کو نافذ کرتی ہیں جن میں بے زمین کسان شامل ہیں اور حکومت ہند بھی مختلف مرکزی سیکٹر/مرکزی طور پر اسپانسر شدہ اسکیموں/پروگراموں کے نفاذ کے ذریعے ان کوششوں کی تکمیل کرتی ہے۔ ان میں سے، وہ اسکیمیں جو خاص طور پر بے زمینوں، حصہ داروں اور بٹائی پر کاشت کرنے والوں کا احاطہ کرتی ہیں ان میں پردھان منتری فصل بیمہ یوجنا (پی ایم ایف بی وائی) اور ری اسٹرکچرڈ ویدر بیسڈ کراپ انشورنس اسکیم (آر ڈبلیو بی سی آئی ایس) اور کسان کریڈٹ کارڈ (کے سی سی) اسکیم شامل ہیں۔

 

کسان کریڈٹ کارڈ (کے سی سی) اسکیم کے تحت، کسانوں کو 7 فیصد کی رعایتی شرح سود پر کے سی سی قرض ملتا ہے۔ اس کی سہولت کے لیے، ترمیم شدہ سود سبسڈی اسکیم (ایم آئی ایس ایس ) کے تحت مالیاتی اداروں کو 1.5 فیصد کی پیشگی سود سبسڈی (آئی ایس) فراہم کی جاتی ہے۔ اسکے علاوہ، اپنے قرضوں کی فوری ادائیگی کرنے والے کسانوں کو 3 فیصد فوری ادائیگی کی ترغیب (پی آر آئی) ملتی ہے، جو مؤثر طریقے سے شرح سود کو  فیصد سالانہ تک کم کرتی ہے۔ 3 لاکھ روپے تک کے قرض کی حد کے لیے آئی ایس  اور پی آر آئی  فوائد دستیاب ہیں۔ تاہم، اگر قلیل مدتی قرض متعلقہ سرگرمیوں کے لیے لیا جاتا ہے (فصل کی دیکھ بھال کے علاوہ)، قرض کی رقم صرف 2 لاکھ روپے تک محدود ہے۔

 

ریزرو بینک کے 4 جولائی 2018 کے ماسٹر سرکلر کے مطابق، کے سی سی اسکیم کے تحت، زبانی کرایہ دار اور حصہ لینے والے، سیلف ہیلپ گروپس یا کاشتکاروں کے مشترکہ ذمہ داری گروپس بشمول حصص کاشت کرنے والے، بٹائی پر کاشت کرنے والے قلیل مدتی قرض کے  اہل ہیں۔

 

اسکے علاوہ قدرتی آفات کی صورت میں کسانوں کو راحت فراہم کرنے کے لیے، بینکوں کو پہلے سال کے لیے ری اسٹرکچرڈ رقم پر سود میں رعایت دینے والا حصہ دستیاب ہے اور ایسے ری اسٹرکچرڈ قرضے آر بی آئی کی تجویز کردہ پالیسی کے مطابق دوسرے سال سےمعمولی شرح سود پر فراہم کئے جائیں گے۔

آئی ایس اور پی آر آئی  کو این ڈی آر ایف ریلیف گرانٹس اور نیشنل ایگزیکٹیو کمیٹی (ایس سی –این ای سی) کی ذیلی کمیٹی کی رپورٹ کی بنیاد پر شدید قدرتی آفات سے متاثر کسانوں کو زیادہ سے زیادہ 5 سال کی مدت کے لیے ری اسٹرکچرڈ فصل بیمہ پر بھی دیا جاتا ہے۔

 

ش ح ۔  ع و  ۔ ف ر

U. No - 6125

(Release ID: 2100115) Visitor Counter : 23