میں اپنی خوشی بانٹنا چاہتا ہوں، ڈاکٹر سدیش دھنکھڑ اور میں جب سے یہاں آئے ہیں تب سے  خوش ہیں۔ ہماری توانائی کی سطح میں اضافہ ہوا ہے۔ ہماری خوشیوں میں اضافہ ہوا ہے۔ ہم اس جگہ پر آکر خود کو خوش قسمت محسوس کررہے ہیں۔ میں انسٹی ٹیوٹ اور دیگر لوگوں کو مبارکباد پیش کرتا ہوں جو 'تعلیم اور روزگار کے لیے تعاون' کے انتہائی اہم موضوع پر اس تیسرے نیشنل ڈیف بلائنڈ  سیمینار کا انعقاد کرنے کے لیے اکٹھے ہوئے ہیں۔ تعلیم اور روزگار، دونوں بنیادی چیزیں ہیں۔ موجود لڑکے اور لڑکیاں، میں نے دیکھا ہے کہ  طبعی ، جسمانی نقصان کی تلافی کی جا سکتی ہے۔ لیکن آپ کے پاس ایک وژن ہے، ایک ایسا وژن جو ہمارے لیے اہمیت رکھتا ہے۔ جب وہ بصارت بگڑ جاتی ہے تو خطرات پیدا ہوتے ہیں۔

جب یہاں خطاب ہوا تو میں نے جو دیکھا، اس سے میں مرعوب ہوگیا ،نہ صرف میں نے دیکھا بلکہ اس کے بعد جو جواب ملا اس سے بھی ۔ میں ان مفکرین، پیشہ ور افراد، تبدیلی سازوں کا تہہ دل سے شکر گزار ہوں جو انسانیت کے اس عظیم مقصد میں اپنا تعاون دینے  کے لیے اکٹھے ہوئے۔ یہ اجتماعی احساس شمولیت اور ہمدردی کا جذبہ بیدار کرے گا۔ مختلف طور پر معذور افراد کے حقوق کی قدر کرنا بنیادی کام ہے۔ ان  کے پاس بے پناہ ٹیلنٹ اور صلاحیت ہے۔ ان  کے پاس اپنا حصہ ڈالنے کی بے پناہ صلاحیت ہے۔ انہیں کچھ سہارا دینے کی ضرورت ہے۔ میں آپ کو ہمارے عظیم مہاکاویہ رامچرت مانس کے ایک شعر کا حوالہ دے کر یاد دلانا چاہوں گا۔ یہ شعر اترکانڈ میں ہے: “पर हित सरिस धर्म नहिं भाई। पर पीड़ा सम नहिं अधमाई॥۔" ترجمہ میں اس کا مطلب یہ ہے کہ اگر آپ کسی کی تکلیف کو دور کرتے ہیں، اگر آپ کسی کے درد  کو کم کرتے ہیں، اگر آپ کسی کا ہاتھ تھامتے ہیں تو یہ سب سے اعلیٰ دھرم ہے۔ اگر آپ کسی کو کسی قسم کی تکلیف پہنچاتے ہیں تو یہ ظلم ہے۔ ہمیں اس سے سبق سیکھنا چاہیے۔مجھے اس میں کوئی شک نہیں ہے کہ مختلف صلاحیتوں کے حامل افراد کی صلاحیت بہت زیادہ ہے۔ جنہیں وزیر اعظم نے بجا طور پر دیویانگ (معذور)کا نام دیا ہے۔ معذوری الوہیت کا اظہار ہے۔ انسان کے تئیں  سب سے بڑی عزت ہے ۔ آپ کی شمولیت سے قوم ترقی کرے گی۔ تاریخ گواہ ہے کہ معذوری انسانی جذبات پر غالب  نہیں رہ  سکتی۔ آپ کے اندر موجود جوانسانی روح  ہے اس پر قابو نہیں پایا جا سکتا، آپ مشکل حالات پر قابو پا سکتے ہیں۔ پہاڑ پر چڑھائی بھی کی گئی  ہے۔ ندیوں کو عبور کیا گیا ہے۔ پیرا اولمپکس میں ریکارڈ قائم کیے گئے ہیں۔ مجھے ہندوستان میں بین الاقوامی پیرالمپکس گیمز دیکھنے کا شرف حاصل ہوا ہے۔

اس گروپ میں جو ٹیلنٹ ہے، وہ گروپ جو میرے سامنے ہے، وہ ان تمام لوگوں کے لیے حوصلہ افزائی اور فخر کا باعث ہے جو سمجھتے ہیں کہ وہ قابل ہیں، کیونکہ ان کے پاس بصارت ہے، وہ سن سکتے ہیں، وہ بول سکتے ہیں۔ جیسا کہ میں نے کہا کہ آپ کو حقیقی وژن سے نوازا گیا ہے، آپ کے پاس ایک انمول جوہر ہے۔ میں آپ کو اپنی نسل کے اس عظیم سائنسدان کے بارے میں بتاتا ہوں جس نے فزکس کی سمجھ کو بدل کر رکھ دیا، پروفیسر اسٹیفن ہاکنگ ایک عظیم  انسان تھے اور ہیلن کیلر کو کون نہیں جانتا۔ انہیں بولنے اور سننے میں دشواری تھی، لیکن وہ عظیم مصنفین میں سے ایک بن گئیں۔ میں اسٹیفن ہاکنگ اور ہیلن کیلر کو اپنے ملک میں ہر جگہ دیکھتا ہوں۔ میں نے خود انہیں دیکھا ہے۔ ہمارا مشن بالکل واضح ہونا چاہیے اور یہ ہمارے آئین میں ہے۔ ہمیں وقار، مقصد اور تکمیل کی زندگی فراہم کرنا ہے۔ خوش قسمتی سے، وزیر اعظم نریندر مودی معذوروں کی خدمت کے لیے مشن موڈ میں کام کر رہے ہیں۔

انھوں  نے انہیں ووٹنگ میں، الیکشن میں، گورننس میں، زندگی کے ہر شعبے میں شامل کیا ہے۔ انھوں نے ایسی پالیسیاں مرتب کی ہیں جو ہمارے معذور افراد کو ان کی  صلاحیتوں، ان کے ہنر  کو مکمل طور پر استعمال کرنے اور اپنے خوابوں کو پورا کرنے کی اجازت دیتی ہیں۔ میں آپ کو ایسی  اسکیموں کے بارے میں بتاتا ہوں جو ہمارے لئے قابل فخر  ہیں، جامع حکومت اور ترقی یافتہ ہندوستان کی اسکیمیں آپ کی شرکت کے بغیر ممکن نہیں ہیں۔ اگر آپ اپنی صلاحیتوں کو بروئے کار لا کر اطمینان حاصل نہیں  کریں گے تو جمہوریت نامکمل رہے گی اور ایک عظیم خلا کا سامنا کرنا پڑے گا۔ 2016 میں، جیسا کہ ہمارے دوست نے بتایا، قوم نے معذور افراد کے حقوق کا ایکٹ پاس کیا۔ 2016 وزیراعظم کے اقتدار کا تیسرا سال تھا۔ اس کا مقصد ان کی ووٹنگ، خصوصی قطاروں، گھر سے ووٹنگ، ای وی ایم پر بریل کی سہولیات اور کئی دیگر اقدامات کو آسان بنانا تھا۔ اس سے ہمارے جمہوری عمل میں شرکت کے معیار میں اضافہ ہوا ہے۔ الیکشن کمیشن آف انڈیا نے اسے وسعت دینے کے لیے کافی کوششیں کیں۔ یہاں تک کہ تعلیم کے میدان میں بھی بڑے اداروں میں ریزرویشن 3% سے بڑھا کر 5% کر دیا گیا ہے۔ میں ذاتی طور پر اس سے واقف ہوں اور مجھے خوشی محسوس ہوتی ہے جب کوئی معذور شخص انڈین فارن سروس، انڈین ایڈمنسٹریٹو سروس میں شامل ہوتا ہے۔ 2015 میں قائم ہونے والا انڈین سائن لینگویج ریسرچ اینڈ ٹریننگ سینٹر اور 2019 میں قائم ہونے والا نیشنل انسٹی ٹیوٹ آف مینٹل ہیلتھ ری ہیبلیٹیشن، صحیح سمت میں قدم ہیں۔

گوالیار میں معذور شہریوں کے لیے ایک معذور اسپورٹس سنٹر قائم کیا جا رہا ہے۔ لڑکوں اور لڑکیوں کے پیرالمپکس، جو مختلف معذوری کے چار زمروں میں ہوتے ہیں، اب ایک عالمی ایونٹ بن گیا ہے جس میں ہندوستانی شرکت فخر کی بات ہے۔ قابل رسائی ہندوستان مہم 2015 میں شروع کی گئی تھی، جس کے نتائج تمام اداروں میں دیکھے گئے۔ انفراسٹرکچر معذور دوست ہونا چاہیے۔ دراصل یہ ایک سماجی ذمہ داری ہے، مجھے یہ دیکھ کر خوشی ہوتی ہے کہ ہر کوئی اسے پورا کر رہا ہے۔

معذوروں میں بہتری  لانے کے لیے ہم سب کو اکٹھے ہونے کی ضرورت ہے۔ اس کے لیے خصوصی اساتذہ، خصوصی نصاب اور طریقہ کار درکار ہے۔ اب وقت آ گیا ہے کہ ہم ٹیکنالوجی، مصنوعی ذہانت، جدید ٹیکنالوجی کا استعمال کریں، تاکہ انسانی وسائل کا یہ انتہائی  قیمتی طبقہ بہتر کارکردگی کا مظاہرہ کر سکے۔

یہ میرے اور میری اہلیہ ڈاکٹر سدیش کے لیے سب سے خوشی کا لمحہ تھا جب ہم نے دہلی میں ایک آٹزم اسکول کا دورہ کیا، جسے رشمی داس نے شروع کیا تھا۔ انھوں نے اس چیلنج کو جذبے کے ساتھ ایک مشن کے طور پر لیا۔ انھوں  نے اس پروجیکٹ کو عالمی معیار کا بنایا۔ یہیں سے میں نے محسوس کیا کہ آٹزم ایک مختلف قسم کا چیلنج ہے، جس کے لیے آپ کو ایک مختلف قسم کے ماحولیاتی نظام کی ضرورت ہے۔ مجھے اس میں کوئی شک نہیں ہے کہ رشمی داس انسٹی ٹیوٹ جلد ہی آٹزم میں عالمی معیار کا بن جائے گا، کیونکہ ہمیں نہ صرف ان کا ساتھ دینا ہے بلکہ جذباتی طور پر انھیں سہارا دینا ہے۔ ہمیں ان کی حمایت کرنے کی ضرورت ہے۔ یہ صرف وقت کی بات ہے جب ان کے ساتھ  ہاتھ ملانے سے  ہمیں توانائی ملے گی ۔ وہ ہمیں اس سے کہیں زیادہ دیں گے جتنا وہ ہم سے لیں گے۔

ہمیں ان کی صحت کی ضروریات کے لیے انتہائی حساس ہونے کی ضرورت ہے۔ ہمیں ایک ایسا طریقہ کار تیار کرنے کی ضرورت ہے جو ان کے لیے موثر، آرام دہ، مددگار، مثبت اور نتیجہ خیز ہو۔ ہمیں ہمیشہ اس بات کو یقینی بنانا چاہیے کہ وہ خود کو تنہا محسوس نہ کریں۔ انہیں ہمارا ساتھ ملنا چاہیے۔ یہ دونوں فریقوں کے لیے سکون  بخش  ہوگا۔ بعض اوقات انہیں مشاورت کی ضرورت پڑ سکتی ہے، لیکن کس کو مشاورت کی ضرورت نہیں ہے؟ اس لیے کمیونٹی کی شمولیت ہمدردی کے جذبے سے نہیں بلکہ ہمدردی کے احساس کے ساتھ ہونا چاہئے ۔ اسی طرح کے حالات میں کمیونٹی کی مصروفیت۔ کمیونٹی کی مصروفیت جو انہیں موسیقی، فنون لطیفہ، کھیلوں اور دیگر پہلوؤں میں اپنا اظہار کرنے کی اجازت دیتی ہے۔ مجھے یقین ہے کہ تمام اقدامات کیے جائیں گے کیونکہ حکومت نے اس زمرے کو سنبھالنے کے لیے مستقبل کے لیے مثبت پالیسیاں متعارف کرائی ہیں۔

ایک جامع ہندوستان، ایک ترقی یافتہ ہندوستان، ہمارے خوابوں کا ہندوستان بنانے کا ہمارا سفر اس وقت تک نتیجہ خیز نہیں ہو سکتا جب تک کہ آپ کے خواب پورے نہ ہوں۔ آپ اکیلے اپنے خوابوں کو پورا کرنے کی صلاحیت رکھتے ہیں، لیکن دوسروں کو اس کی راہ میں نہیں آنا چاہیے۔ اس عظیم کوشش میں این جی اوز کا بڑا کردار ہے۔ کردار دکھاوٹی  یا سطحی نہیں ہونا چاہیے۔ کردار کامیابی پر مبنی ہونا چاہیے۔ سی ایس آر  فنڈز کو اس زمرے کی ترقی کے لیے پابند کیا جانا چاہیے۔ ہم میں سے ہر ایک کو اپنا تعاون دینا  چاہیے کیونکہ ہم میں سے ہر ایک کا اپنا اپنا کردار ہے۔ پالیسی سازوں کے طور پر، ہمارے پاس دو نامور ممبران پارلیمنٹ اور راجیہ سبھا کے ڈپٹی چیئرمین ہیں۔ پالیسی سازوں، اساتذہ، وکالت، نگہداشت کرنے والے، یا محض ہمدرد انسانوں کے طور پر ان کا بہت بڑا کردار ہے۔ آئیے ہم اس  اہم  ذمہ داری کو نبھاتے ہیں اور اس بات کو یقینی بناتے ہیں کہ دنیا ہمارے پیارے  معذوروں  کے رہنے کے لیے ایک اچھی جگہ ہے۔

میں مہاتما گاندھی کے ایک اقتباس کے ساتھ بات ختم کرنا چاہوں گا: میں حوالہ دیتا  ہوں، "خود کو تلاش کرنے کا بہترین طریقہ یہ ہے کہ دوسروں کی خدمت میں خود کو کھو دیا جائے۔" آئیے ہم اپنے آپ کو ان لوگوں کی خدمت کے لیے وقف کریں جو ہمیں تلاش کرتے ہیں، جو ہم سے ہمدردی کی نہیں، بلکہ حمایت اور یکجہتی کی توقع رکھتے ہیں۔

میں آپ کو اپنی اور اپنی اہلیہ ڈاکٹر سدیش دھنکھڑ کی طرف سے یقین دلاتا ہوں کہ ہم اپنے طریقے سے  تعاون  کے مواقع تلاش کریں گے اور اس ادارے کے ساتھ رابطے میں رہیں گے۔

میں آپ سب کے روشن مستقبل کی  دعا  کرتا ہوں، کیونکہ گزشتہ 10 سالوں میں دنیا کے کسی ملک نے اتنی ترقی نہیں کی جتنی ہندوستان نے کی ہے۔ ہندوستان نے اقتصادی ترقی، بنیادی ڈھانچے کی ترقی، گہرے تکنیکی رسائی اور بیت الخلاء، گیس کنکشن، نل کے پانی کی فراہمی، ریل، سڑک، ہوائی رابطہ کے ذریعے عام لوگوں کی زندگیوں کو بہتر بنانے کے شعبوں میں ترقی کی ہے۔ اور یہ ہمارے ہندوستان کو اس وقت دنیا کا سب سے زیادہ پرجوش  ملک بناتا ہے۔ ملک کے سامنے چیلنج یہ ہے کہ ملک کے ہر انسانی وسائل کو اپنے اظہار کا موقع فراہم کیا جائے۔ آپ کا اظہار خیال اور آپ کے ساتھ مکالمہ ہماری تہذیب کی روح کو واضح کرے گا۔ ان کی کوششیں معذوروں کی مدد کرنے والوں کے لیے امرت ثابت ہوں گی۔

میں شکر گزار ہوں۔ آپ سب کے لیے میری نیک خواہشات۔

*****

U.No:6112

ش ح۔ح ن۔س ا

(Release ID: 2100018) Visitor Counter : 69