کوئلہ اور کانوں کے مرکزی وزیر جناب جی کشن ریڈی نے آج نئی دہلی میں سعودی عرب کے صنعت اور معدنی وسائل کے وزیر جناب بندر ابراہیم الخریف کے ساتھ ایک اعلیٰ سطحی میٹنگ کی۔ میٹنگ کا مقصد معدنیات کے اہم شعبے میں تعاون کو مضبوط بنانا اور سرمایہ کاری اور تکنیکی تعاون کے لیے نئی راہیں تلاش کرنا تھا۔

بحث کے دوران ایک اہم پیش رفت کا تعلق جیولوجیکل سروے آف انڈیا ٹریننگ انسٹی ٹیوٹ (GSITI) کو فیوچر منرلز فورم کے تحت سنٹر آف ایکسیلنس کے طور پر نامزد کرنے سے ہے۔ یہ اقدام سعودی عرب، افریقہ اور وسطی ایشیا کے ماہرین ارضیات کے لیے خصوصی تربیتی پروگراموں کی سہولت فراہم کرے گا، جس سے کان کنی کے عالمی شعبے میں صلاحیت کی تعمیر میں مدد ملے گی۔

اجلاس کے اہم نکات میں شامل ہیں:

لچکدار معدنی سپلائی چین: دونوں رہنماؤں نے درآمدات پر انحصار کم کرنے کے لیے قابل اعتماد اور محفوظ معدنی سپلائی چین قائم کرنے کی ضرورت پر زور دیا۔

ویلیو ایڈڈ پروسیسنگ میں سرمایہ کاری: کلین انرجی ٹیکنالوجیز کو سپورٹ کرنے کے لیے اہم معدنیات کی پروسیسنگ کے لیے مشترکہ منصوبوں کو فروغ دینے پر توجہ مرکوز کی گئی۔

تکنیکی تعاون: بات چیت میں معدنیات کی پائیدار تلاش اور نکالنے کے لیے جدید کان کنی ٹیکنالوجیز اور اختراعات کو اپنانے میں تعاون کا بھی جائزہ لیا گیا۔

یہ بات چیت  ریاض میں فیوچر منرلز فورم(ایف ایم ایف )2025میں ہندوستان کی مصروفیت پر مبنی ہے، جہاں جناب  ریڈی نے توانائی کی منتقلی اور صاف توانائی کے نظام کے لیے ضروری معدنیات کو محفوظ کرنے کے لیے ہندوستان کے عزم کو اجاگر کیا۔ ایف ایم ایف 2025 میں، جناب  ریڈی نے عالمی شراکت داری کو فروغ دینے کے لیے برازیل، اٹلی اور مراقش کے نمائندوں کے ساتھ بھی بات چیت کی۔

یہ میٹنگ نیشنل کریٹیکل منرلز مشن (NCMM) کے ساتھ منسلک معدنی سلامتی اور پائیدار ترقی کے لیے بین الاقوامی شراکت داری کو فروغ دینے کی ہندوستان کی کوششوں میں ایک اہم قدم ہے۔

India and Saudi Arabia are deepening cooperation in the critical minerals sector. Union Minister Shri @kishanreddybjp and Saudi Minister Mr. Bandar bin Ibrahim Alkhorayef discussed fostering resilient supply chains, investments in mineral value addition, and technological… pic.twitter.com/FuvDy9NhbW

— Ministry of Mines (@MinesMinIndia) February 4, 2025

Union Minister Shri @kishanreddybjp had a fruitful meeting today with Saudi Minister Mr. Bandar bin Ibrahim Alkhorayef in New Delhi. Discussions focused on designating GSITI Hyderabad as a Centre of Excellence under the Future Minerals Forum to train geologists from Saudi Arabia,… pic.twitter.com/6ik1KKtls6

— Ministry of Mines (@MinesMinIndia) February 4, 2025

****

ش ح۔ ف خ

U.No: 6103

(Release ID: 2099864) Visitor Counter : 43