மத்திய மீன்வளத் துறை, மீன்வளர்ப்பு உட்பட மீன்வள மேம்பாட்டிற்காக பல்வேறு திட்டங்களைத் தொடங்கியுள்ளது. செயல்படுத்தப்படும் மத்திய திட்டங்களின் விவரங்கள் பின்வருமாறு:

* நாட்டில் மீன்வள மேம்பாட்டிற்காக 2015-16 முதல் 2019-20 வரை செயல்படுத்தப்பட்ட நீலப்புரட்சி தொடர்பான திட்டம்: ஒருங்கிணைந்த மீன்வள மேலாண்மைத் திட்டம் செயல்படுத்தப்பட்டது. மத்திய அரசின் நீலப்புரட்சி திட்டத்தின்படி, மீன் வளர்ப்பு நடவடிக்கைகளான நன்னீர், உவர் நீர்வாழ் உயிரின வளர்ப்பு, மீன் வளர்ப்பு வசதிகள், மீன் குஞ்சு வங்கிகள், குஞ்சு பொரிப்பகங்கள் அமைத்தல், நீர்த்தேக்கங்களில் கூண்டுகள் அமைத்தல் போன்ற மீன் வளர்ப்பு நடவடிக்கைகளுக்கு நிதி உதவி அளிக்கப்பட்டது.

* மீன்வள உள்கட்டமைப்பு வசதிகளை உருவாக்கவும், வலுப்படுத்தவும் சலுகைக் கடனுதவி வழங்குவதற்காக, 2018-19-ம் நிதியாண்டு முதல் 7,522.48 கோடி ரூபாய் மதிப்பீட்டில் 'மீன்வளம், நீர்வாழ் உயிரின வளர்ப்பு உட்கட்டமைப்பு மேம்பாட்டு நிதியம்' என்ற நிதிய திட்டம் செயல்படுத்தப்பட்டு வருகிறது.

*மீன்வளர்ப்பிற்கான நடைமுறை மூலதனத் தேவையை பூர்த்தி செய்ய உதவும் வகையில், 2018-19-ம் ஆண்டில் மீனவர்கள், மீன்வளர்ப்போருக்கு கிசான் கடன் அட்டை வசதி நீட்டிக்கப்பட்டுள்ளது.

* பிரதமரின் மீன்வள மேம்பாட்டு திட்டம், 2020-21-ம் நிதியாண்டு முதல் 5 ஆண்டு காலத்திற்கு ரூ. 20050 கோடி முதலீட்டில் செயல்படுத்தப்படுகிறது.

மத்திய அரசின் மீன்வளத்துறையின் பல்வேறு மீன்வள மேம்பாட்டுத் திட்டங்கள் மாநில அரசுகள் / யூனியன் பிரதேசங்கள் மூலம் செயல்படுத்தப்படுகின்றன. இந்தத் திட்டங்களின் கீழ் பயனாளிகள் சம்பந்தப்பட்ட மாநில அரசுகள் / யூனியன் பிரதேசங்களால் அடையாளம் காணப்படுகிறார்கள். மத்திய அரசின் மீன்வளத்துறையால் செயல்படுத்தப்படும் பிரதமரின் மீனவர்கள் நலத் திட்டத்தின் கீழ் மீன்வளர்ப்பு உள்ளிட்ட பல்வேறு மீன்வளத் தொழில்களில் ஈடுபட இதுவரை 47,16,216 மீனவர்கள், மீன்வளர்ப்போர், இதர பயனாளிகளுக்கு உதவி அளிக்கப்பட்டுள்ளது.

மக்களவையில் இன்று கேள்வி ஒன்றுக்கு எழுத்து மூலம் அளித்த பதிலில் மீன்வளம், கால்நடை பராமரிப்பு, பால்வளத்துறை அமைச்சர் திரு ராஜீவ் ரஞ்சன் சிங் என்கிற லாலன் சிங் இந்தத் தகவலைத் தெரிவித்தார்.

----

TS/PLM/KPG/DL

(Release ID: 2099852) Visitor Counter : 42