لیفٹیننٹ جنرل جانسن پی میتھو، چیئرمین چیفس آف اسٹاف کمیٹی (سی آئی ایس سی) کے چیف آف انٹیگریٹڈ ڈیفنس اسٹاف، لیفٹیننٹ جنرل این ایس راجہ سبرامنی، نائب چیف آف آرمی اسٹاف (وی سی او اے ایس)، وائس ایڈمرل کے سوامی ناتھن، نائب چیف آف نیول اسٹاف (وی سی این ایس)، ایئر مارشل ایس پی دھارکر، نائب چیف آف ایئر اسٹاف (وی سی اے ایس) اور لیفٹیننٹ جنرل اجے کمار، ڈائریکٹر جنرل انفنٹری نے 30 جنوری سے 31 جنوری 2025 تک مغربی ساحل پر بھارتی بحریہ کے جہازوں پر سوار ہو کر تھیٹر لیول آپریشنل ریڈنیس ایکسرسائز-2025 (ٹروپیکس-25) کے مشترکہ مرحلے کا مشاہدہ کیا، جس میں بھارتی فوج کے دستوں کی ایمفیبیس لینڈنگ بھی شامل تھی۔

سینئر افسران نے بھارتی بحریہ کے طیارہ بردار جہاز آئی این ایس وکرانت، گائیڈڈ میزائل ڈسٹرائر آئی این ایس وِشاکھاپٹنم، اسٹیلتھ فریگیٹ آئی این ایس ستپُرا اور لینڈنگ پلیٹ فارم ڈاک  آئی این ایس جلشوا  پر سوار ہو کر بھارتی بحری جہازوں، آبدوزوں اور طیاروں کے فعال آپریشنز کا مشاہدہ کیا،جو بحریہ کی  حربی صلاحیت اور تیاری کو ظاہرکرتا ہے۔ اس میں میزائل، توپ اور راکٹ فائرنگ اور اینٹی سب میرین مشقیں شامل تھیں۔ انہیں ٹروپیکس-25کے حصے کے طور پر تکنیکی صورتحال اور آپریشنز کے تصور پر بھی بریفنگ دی گئی۔ افسران اور سیلرز سے بارکھانہ پر بات چیت کرتے ہوئے، انہوں نے بھارتی بحریہ کو آئی او آر میں ابھرتے ہوئے چیلنجز کا مقابلہ کرنے پر سراہا۔

آئی این ایس وِکرانت پر سینئر افسران نے دن اور رات دونوں اوقات میں مِگ29 کے اور مختلف ہیلی کاپٹروں کے ذریعے وسیع پرواز آپریشنز کا مشاہدہ کیا۔ بھارتی بحریہ کے طیاروں کے ایئر پاور ڈیمو میں بم بَسٹ، راکٹ فائرنگ اور کم سطح پر ایروبیک مشقیں شامل تھیں۔ آئی این ایس جلشوا پر سینئر افسران نے بھارتی فوجی دستے کے ارکان سے بات چیت کی اور ایک ایمفیبیس لینڈنگ کا مشاہدہ کیا جس میں بنکر بسٹنگ مشقیں، بھارتی بحریہ کے میرین کمانڈوز کے ذریعے کامبیٹ فری فالاور لینڈنگ کرافٹ میکانائزڈ (ایل سی ایم)اور لینڈنگ کرافٹ اسالٹ(ایل ایس اے)کے ذریعے دستوں اوربی ایم پیز کی لینڈنگ شامل تھی، جو ایک بیچ ہیڈ کے قیام پر اختتام پذیر ہوئیں۔

سینئر افسران نے بعد میں کروار نیول بیس کا دورہ کیا اور انفراسٹرکچر کے کاموں کی پیشرفت پر بریفنگ لی۔

ٹروپیکس بھارتی بحریہ کی سب سے بڑی دو سالہ سمندری مشق ہے، جس میں بھارتی فوج، فضائیہ اور کوسٹ گارڈ شامل ہوتے ہیں۔ یہ مشق بحر میں کی جاتی ہے اور اس کا مقصد آپریشنل تصورات کو درست کرنا اور ایک کثیر خطرے والے ماحول میں آپریشنل تیاری اور باہمی ہم آہنگی کو بڑھانا ہے۔

--------------------

U.No:6041

ش ح۔ف ا ۔ ص ج

(Release ID: 2099514) Visitor Counter : 17