سماجی انصاف اور تفویض اختیارات کی وزارت کے تحت معذور افراد کو بااختیار بنانے کے محکمے (ڈی ای پی ڈبلیو ڈی) کے تحت انڈین سائن لینگویج ریسرچ اینڈ ٹریننگ سینٹر (آئی ایس ایل آر ٹی سی) نے آج ویڈیو ریلے سروس (وی آر ایس) کو قومی ہیلپ لائن نمبر (14456) سے مربوط کرنے کا اعلان کیا ۔  لانچ پروگرام کا انعقاد آئی ایس ایل آر ٹی سی ، نئی دہلی نے آئی ایس ایل آر ٹی سی کے عملے اور طلباء کے ساتھ ورچوئل طریقے سے کیا ۔  تقریب میں کل 100 کے قریب شرکاء نے شرکت کی ۔

 

یہ پہل پورے ہندوستان میں سماعت سے محروم افراد کے لیے قابل رسائی مواصلات کو یقینی بنانے کے لیے ایک بہت بڑا قدم ہے ۔  وی آر ایس کے ساتھ،سماعت سے محروم  افراد اب ہندوستانی سائن لینگویج (آئی ایس ایل) میں رِیئل ٹائم ترجمہ کے ذریعے سننے والے افراد ، بشمول سرکاری دفاتر ، ہنگامی خدمات  اور دیگر خدمات فراہم کرنے والوں کے ساتھ بغیر کسی رکاوٹ کے جڑ سکتے ہیں ۔  یہ خدمت ملک بھر میں سماعت سے محروم  کمیونٹی کے لیے رسائی ، شمولیت اور مساوی مواقع کو مضبوط کرتی ہے ۔  فوری رابطے کے لیے نیچے دیے گئے کیو آر کوڈ کو اسکین کر کے وی آر ایس تک آسانی سے رسائی حاصل کی جا سکتی ہے ۔

-----------

U.No:6027

ش ح۔ف ا ۔ ص ج

(Release ID: 2099413) Visitor Counter : 32