کلاسیکی زبانوں کے طور پر نوٹیفائی کی گئی زبانوں کے لیے دستیاب مدد میں کلاسیکی زبانوں میں ایوارڈ ، کلاسیکی زبانوں میں تعلیم کے لیے سینٹر آف ایکسی لینس اور مرکزی یونیورسٹیوں میں پیشہ ورانہ نشستوں کی تخلیق شامل ہیں ۔

حکومت ہند نے اس سے قبل درج ذیل زبانوں کو کلاسیکی زبانوں کے طور پر نوٹیفائی کیا تھا:

تمل ، 2004

سنسکرت ، 2005

تیلگو ، 2008

کنڑ ، 2008

ملیالم ، 2013

اڑیہ، 2014

وزارت تعلیم ، میسور کے سینٹرل انسٹی ٹیوٹ آف انڈین لینگویجز (سی آئی آئی ایل) کے توسط سے  کلاسیکی زبانوں سمیت تمام ہندوستانی زبانوں کے فروغ اور ترقی کے لیے کام کرتی ہے ۔ ان زبانوں سے متعلق تحقیق ، دستاویزات اور علمی سرگرمیوں میں تعاون کرنے کے لیے مختلف ادارے اور سینٹرز آف ایکسی لینس قائم کیے گئے ہیں:

تمل: سینٹرل انسٹی ٹیوٹ آف کلاسیکل تمل (سی آئی سی ٹی) چنئی ، جو 2008 میں قائم کیا گیا، کلاسیکی تمل کے فروغ اور ترقی کے لیے وقف ہے ۔

سنسکرت: حکومت ہند تین مرکزی یونیورسٹیوں-سنٹرل سنسکرت یونیورسٹی (نئی دہلی)، شری لال بہادر شاستری نیشنل سنسکرت یونیورسٹی (نئی دہلی) اور نیشنل سنسکرت یونیورسٹی (تروپتی) کے ذریعے سنسکرت کو فروغ دے رہی ہے ۔ سنسکرت کی تعلیم اور تحقیق کو مستحکم کرنے کے لیے ان یونیورسٹیوں کو 2020 میں مرکزی یونیورسٹی کا درجہ دیا گیا تھا ۔

تیلگو: آندھرا پردیش  کے نیلور میں کلاسیکی تیلگو سے متعلق کاموں کے تحت سینٹر آف ایکسی لینس فار اسٹڈیز ۔

کنڑ:  کرناٹک کے میسور میں کلاسیکی میں کنڑ میں مطالعہ کے لیے سینٹر آف ایکسی لینس فار اسٹڈیز واقع ہے ۔

ملیالم: کیرالہ کے ملاپورم کے ترور سے کلاسیکی ملیالم میں مطالعہ کے لیے سینٹر آف ایکسی لینس کام کررہا ہے ۔

اڑیہ: کلاسیکی اڑیہ میں مطالعہ کے لیے اوڈیشہ کے بھوبنیشور میں سینٹر آف ایکسی لینس قائم ہے ۔

مزید برآں  حال ہی میں ، حکومت نے مراٹھی ، پالی ، پراکرت ، آسامی اور بنگالی جیسی5 مزید زبانوں کو کلاسیکی زبانوں کے طور پر04 اکتوبر2024 کے گزٹ نوٹیفکیشن کے ذریعے نوٹیفائی کیا ہے ۔

یہ معلومات ثقافت اور سیاحت کے مرکزی وزیر جناب گجیندر سنگھ شیخاوت نے آج لوک سبھا میں ایک تحریری جواب میں دی۔

********

(ش ح۔ک ح۔ش ت)

U:5989

(Release ID: 2099192)