موسمیاتی تبدیلی پر اقوام متحدہ کا فریم ورک کنونشن ( یو این ایف سی سی سی) اور اس کا پیرس معاہدہ مالی سال وار رپورٹنگ کی ضرورت نہیں ہے۔ ہندوستان نے یو این ایف سی سی سی کے تحت پیرس معاہدے کے مطابق، 2022 میں جمع کرائے گئے اپنے اپ ڈیٹ کردہ قومی سطح پر طے شدہ تعاون (این ڈی سی) کو سبسکرائب کیا ہے۔

غیر روایتی  ایندھن پر مبنی ذرائع کے اشتراک سے متعلق این ڈی سی کے تحت ہدف کے حصول کی حیثیت کے بارے میں، دسمبر 2024 میں ہندوستان کی کل نصب شدہ بجلی پیدا کرنے کی صلاحیت میں اس کا حصہ 47.10فیصد  ہے، جبکہ 2030 تک 50فیصد  حاصل کرنے کا ہدف  ہے۔ 2005 کے بنیادی سال کے مقابلے میں، ہندوستان اضافی جنگلات اور درختوں کے احاطہ کے ذریعے 2.5 سے 3.0 بلین ٹن کے ہدف کے مقابلے میں 2030 تک 2.29 بلین ٹن کے اضافی کاربن سنک تک پہنچ گیا ہے۔

حکومت ہند نے ملک میں کاربن مارکیٹ کے فروغ کو آسان بنانے کے لئے  سال 2022 میں انرجی کنزرویشن ایکٹ ، 2001 (2001 کا 52) میں ترمیم کی ۔ اس کے بعد ایکٹ کے تحت ، حکومت نے نوٹیفکیشن ایس.او 2825 (ای) مؤرخہ 28 جون 2023 اور ترمیم نوٹیفکیشن ایس.او 5369(ای)  مورخہ 19 دسمبر 2023 کے ذریعے کاربن کریڈٹ ٹریڈنگ (سی سی ٹی ایس) کو مطلع کیا ہے ۔

سی سی ٹی ایس دو میکانزم فراہم کرتا ہے، یعنی تعمیل کا طریقہ کار اور آفسیٹ میکانزم۔ تعمیل کے طریقہ کار میں، ذمہ دار اداروں کو سی سی ٹی ایس کے ہر تعمیل سائیکل میں جی ایچ جی کے اخراج کی شدت میں کمی کے تجویز کردہ اصولوں کی تعمیل کرنے کی ضرورت ہے۔ وہ ذمہ دار ادارے جو اپنے جی ایچ جی کے اخراج کی شدت کو مقررہ جی ایچ جی کے اخراج کی شدت سے کم کرتے ہیں وہ کاربن کریڈٹ سرٹیفکیٹ جاری کرنے کے اہل ہیں۔ آفسیٹ میکانزم میں، غیر ذمہ دار ادارے جی ایچ جی کے اخراج میں کمی یا کاربن کریڈٹ سرٹیفکیٹس کے اجراء کے لئے ہٹانے یا اجتناب کے لیے اپنے پراجیکٹس کو رجسٹر کر سکتے ہیں۔

حکومت ہند نے توانائی سے متعلق شعبوں اور نامزد صارفین (ڈی سی ایس) کو کارکردگی، حصول اور تجارت (پی اے ٹی) اسکیم سے سی سی ٹی ایس کے تحت تعمیل کے طریقہ کار میں آسانی سے منتقل کرنے کا منصوبہ بھی تیار کیا ہے۔ یہ منصوبہ اہداف کی نقل سے گریز کرتے ہوئے قومی آب و ہوا کے اہداف کے ساتھ تسلسل اور مستقل مزاجی کو یقینی بناتا ہے۔ منتقلی کو شروع کرنے کے لیے، حکومت نے سی سی ٹی ایس کے تعمیل کے طریقہ کار کے تحت شمولیت کے لیے ایلیو مینیم، سیمنٹ، اسٹیل، پیپر، کلور کشار، فرٹیلائزر، ریفائنری، پیٹرو کیمیکل اور ٹیکسٹائل سے متعلق 9 شعبوں کی نشاندہی کی ہے۔ آفسیٹ میکانزم کے تحت دس شعبوں کی منظوری دی گئی ہے، جن میں توانائی، صنعتیں، فضلے کا مناسب بندوبست ، زراعت، جنگلات، ٹرانسپورٹ، تعمیرات، فیوجیٹیو اخراج، سالوینٹ استعمال اور کاربن کیپچر یوٹیلائزیشن اور اسٹوریج شامل ہیں۔

حکومت نے 30 مئی 2022 کو گزٹ نوٹیفکیشن کے ذریعے پیرس معاہدے (این ڈی اے آئی اے پی اے)  کے آرٹیکل 6 کے نفاذ کے لیے قومی نامزد اتھارٹی کو بھی مطلع کیا ہے۔ اتھارٹی نے گرین ہاؤس گیس (جی ایچ جی) کی تخفیف کی سرگرمیوں، متبادل مواد اور ہٹانے کی سرگرمیوں کے تحت 14 سرگرمیوں کی فہرست کو اپ ڈیٹ اور حتمی شکل دی ہے ، جو پیرس معاہدے کے آرٹیکل 6.2 اور آرٹیکل 6.4 کے تحت دو طرفہ/کوآپریٹو اپروچ کے تحت بین الاقوامی کاربن کریڈٹ کے لیے اہل ہو سکتی ہیں۔ تجارت کرنے کے اہل ہیں۔

حکومت دیگر ممالک کے ساتھ قابل تجدید توانائی کے شعبے میں تعاون کرتی ہے اور مفاہمت کی یادداشتوں، منظوری نامہ، مشترکہ اعلامیہ، توانائی کے مکالمے اور شراکت داری جیسے میکانزم کے ذریعے ماحولیات کی آلودگی کو کم کرتی ہے۔

اقوام متحدہ کی ماحولیاتی اسمبلی (یو این ای اے)نے یکم مارچ 2024 کو نیروبی، کینیا میں منعقدہ اپنے چھٹے اجلاس میں پائیدار طرز زندگی سے متعلق قرارداد کو متفقہ طور پر منظور کیا۔ مشن لائف ای کے اصولوں پر مبنی قرارداد کو ہندوستان نے پیش کیا اور سری لنکا اور بولیویا کی طرف سے تعاون کیا گیا اور یہ مشن لائیف ای یا لائف اسٹائل فار انوائرمنٹ (لائف اسٹائل فار انوائرنمنٹ) کے تصور کی عالمگیریت میں ایک اہم قدم ہے۔

ہندوستان نے 17 اگست 2024 کو عالمی جنوب  کے تیسرے سربراہی اجلاس کی میزبانی کی جس کا مرکزی موضوع ‘‘ایک بااختیار مستقبل کے لیے ایک بااختیار عالمی جنوب’’تھا۔ ماحولیات کے وزراء کے اجلاس میں، 18 ممالک اور گلوبل ساؤتھ کے 1 بینک نے شرکت کی۔ ہندوستان نے اس کی اہمیت پر زور دیا۔ پائیدار کھپت اور پیداوار کے نمونوں کی حوصلہ افزائی کرنا، پائیدار طرز زندگی کو فروغ دینا، فضلہ کو کم کرنا، اور قدرتی وسائل کے تحفظ اور احترام کی ثقافت کو فروغ دینا، بحث میں ماحولیاتی انصاف اور ترقی پذیر ممالک کی طرف سے موسمیاتی مالیات، ٹیکنالوجی کی منتقلی اور صلاحیت کی تعمیر کے مطالبے پر روشنی ڈالی گئی۔

فی الحال ہندوستان کے نیپال، بھوٹان، بنگلہ دیش اور میانمار کے ساتھ سرحد پار رابطے ہیں۔ بھارت اور بھوٹان کے درمیان ہائیڈرو الیکٹرک پاور کے شعبے میں تعاون سے متعلق ایک معاہدے پر 28 جولائی، 2006 کو دستخط کیے گئے تھے۔ بھارت اور نیپال نے 4 جنوری 2024  کو ایک معاہدے پر دستخط کیے تھے جو اگلے 10 برسوں  میں نیپال سے بھارت کو 10,000 میگاواٹ بجلی کی برآمد میں سہولت فراہم کرے گا۔ .

یہ معلومات ماحولیات، جنگلات اور موسمیاتی تبدیلی کے مرکزی وزیر مملکت جناب  کیرتی وردھن سنگھ نے آج لوک سبھا میں ایک سوال کے تحریری جواب میں فراہم کیں۔

***

ش ح۔ ک ا۔ ج