கிக் தொழிலாளர்களுக்கு முறையான அங்கீகாரம் மற்றும் சமூகப் பாதுகாப்பு நலன்களை விரிவுபடுத்துவதற்கான விரிவான கட்டமைப்பைக் கொண்ட யூனியன் பட்ஜெட் 2025, இந்தியாவின் தொழிலாளர் நலத் துறையில் ஒரு முக்கிய முன்முயற்சியைக் குறிக்கிறது. இந்த முடிவைப் பாராட்டி, மத்திய தொழிலாளர் மற்றும் வேலைவாய்ப்பு மற்றும் இளைஞர் விவகாரங்கள் மற்றும் விளையாட்டுத் துறை அமைச்சர் டாக்டர். மன்சுக் மாண்டவியா, நாடு முழுவதும் உள்ள 1 கோடிக்கும் மேற்பட்ட கிக் தொழிலாளர்களின் நல்வாழ்வை உறுதி செய்வதற்கான அரசின்  உறுதிப்பாட்டை பாராட்டினார்.

பிரதமர் நரேந்திர மோடி மற்றும் நிதி அமைச்சர் திருமதி நிர்மலா சீதாராமன் அறிவிப்பு பற்றி , டாக்டர். மாண்டவியா கூறுகையில், “கிக் பணியாளர்கள் இந்தியாவின் புதிய யுகப் பொருளாதாரத்தின் ஒரு முக்கிய தூணாகும், இது டிஜிட்டல் தளங்களில் புதுமை மற்றும் செயல்திறனை இயக்குகிறது. அவர்களின் பங்களிப்பை அங்கீகரித்து, அவர்களுக்கு அடையாள அட்டைகள், இ-ஷ்ரம் பதிவு மற்றும் சுகாதாரப் பாதுகாப்பு ஆகியவற்றை  ஜன் ஆரோக்கிய யோஜனாவின் கீழ் வழங்குவதற்கான அரசின் முடிவு அவர்களின் சமூகப் பாதுகாப்பு மற்றும் நல்வாழ்வை நோக்கிய ஒரு மாற்றமான படியாகும். இந்த முயற்சி கிட்டத்தட்ட 1 கோடி கிக் தொழிலாளர்களுக்கு அதிகாரம் அளிக்கும். இதைத் தாண்டி, மற்ற அமைப்புசாரா துறைகளில் உள்ள தொழிலாளர்களுக்கும் சமூகப் பாதுகாப்புப் பலன்களை விரிவுபடுத்தவும், நாட்டில் உள்ள ஒவ்வொரு தொழிலாளிக்கும் கண்ணியம், பாதுகாப்பு மற்றும் செழிப்பு ஆகியவற்றை உறுதி செய்வதில் அரசு உறுதியாக உள்ளது,” என்றார்.

டிஜிட்டல் தளங்களின் எழுச்சி வேலைவாய்ப்பில் புரட்சியை ஏற்படுத்தியுள்ளது, நெகிழ்வான வேலை ஏற்பாடுகளுக்கான புதிய வாய்ப்புகளை உருவாக்குகிறது.

யூனியன் பட்ஜெட் 2025-26 இந்த பயணத்தில் ஒரு குறிப்பிடத்தக்க மைல்கல்லைக் குறிக்கிறது, பிளாட்ஃபார்ம் அடிப்படையிலான கிக் தொழிலாளர்களுக்கு முறையான அங்கீகாரம் மற்றும் சமூக பாதுகாப்பு நன்மைகளை விரிவுபடுத்துவதற்கான விரிவான முயற்சியுடன். நிதி அமைச்சர்  தனிப்பட்ட அடையாள அட்டைகள் மூலம் அவர்களின் அடையாளத்தை எளிதாக்குவதற்கும், இ-ஷ்ரம் போர்ட்டலில் அவர்களின் பதிவை ஒழுங்குபடுத்துவதற்கும், பிரதமர் ஜன் ஆரோக்கிய யோஜனாவின் கீழ் சுகாதார அணுகலை உறுதி செய்வதற்கும் நடவடிக்கைகளை அறிவித்துள்ளார். இந்த நடவடிக்கைகள் துறைகளில் உள்ள 1 கோடிக்கும் அதிகமான கிக் தொழிலாளர்களுக்கு பாதுகாப்பு வளையத்தை  மேலும் வலுப்படுத்தும்.

இ-ஷ்ரம் போர்ட்டலில் பிளாட்ஃபார்ம் தொழிலாளர்கள் மற்றும் ஒருங்கிணைப்பாளர்களைப் பதிவு செய்வதற்கான முன்னோடி முயற்சியை தொழிலாளர் மற்றும் வேலைவாய்ப்பு அமைச்சகம் ஏற்கனவே மேற்கொண்டுள்ளது. அமைப்புசாரா தொழிலாளர்களுக்கான இந்தியாவின் தேசிய தரவுத்தளத்தில் தங்களையும் அவர்களது பணியாளர்களையும் உள்வாங்க டிஜிட்டல் தளங்களை செயல்படுத்தும் ஒரு திரட்டி தொகுதியும் முன்னோடியாக உருவாக்கப்பட்டுள்ளது.

பட்ஜெட் 2025 அறிவிப்பு இந்த முயற்சியின் குறிப்பிடத்தக்க விரிவாக்கத்தைக் குறிக்கிறது, இது ஒரு பெரிய அளவிலான வளர்ச்சியை செயல்படுத்துகிறது மற்றும் இந்த முயற்சிகளை நிறுவனமயமாக்குகிறது. மேம்படுத்தப்பட்ட ஆதாரங்களுடன், ஒவ்வொரு கிக் மற்றும் பிளாட்ஃபார்ம் தொழிலாளியும் இஷ்ராம் போர்டல் மூலம் அத்தியாவசிய சமூகப் பாதுகாப்புப் பலன்களை அணுகுவதை உறுதிசெய்து, இந்தத் தொழிலாளர்களின் நலன்களைப் பாதுகாப்பதில் அரசின் உறுதிப்பாட்டை வலுப்படுத்துகிறது.

இந்த முன்முயற்சிகளை தடையின்றி செயல்படுத்துதல், எந்தவொரு செயல்பாட்டு சவால்களையும் எதிர்கொள்வது மற்றும் டிஜிட்டல் தளங்களுடனான ஒத்துழைப்பை வலுப்படுத்துதல் ஆகியவற்றில் அமைச்சகம் கவனம் செலுத்துகிறது. ஆரம்பகால அடித்தளத்தை பெரிய அளவிலான கொள்கை ஆதரவுடன் இணைப்பதன் மூலம், கிக் தொழிலாளர்களுக்கு ஒரு வலுவான பாதுகாப்பு வலையை உருவாக்குவதை அரசு நோக்கமாகக் கொண்டுள்ளது, அவர்களின் பாதுகாப்பு மற்றும் இந்தியாவின் வளர்ந்து வரும் வேலைவாய்ப்பு நிலப்பரப்பில் நல்வாழ்வை உறுதி செய்கிறது.

தொழிலாளர் நலன் மற்றும் வேலைவாய்ப்பு உருவாக்கம் ஆகியவற்றில் அரசின் கவனத்தைத் தொடர்ந்து, மத்திய பட்ஜெட்டில் 25-26 நிதியாண்டில் தொழிலாளர் மற்றும் வேலைவாய்ப்பு அமைச்சகத்திற்கு சாதனையாக ரூ 32,646 கோடி ஒதுக்கப்பட்டுள்ளது—இது கடந்த ஆண்டு திருத்தப்பட்ட மதிப்பீட்டை விட 80% அதிகமாகும்.

“இந்த வரலாற்றுச் சிறப்புமிக்க பட்ஜெட்டுக்காக  பிரதமர் திரு நரேந்திர மோடிக்கு நான் நன்றி கூறுகிறேன், இது கடந்த ஆண்டு திருத்தப்பட்ட மதிப்பீட்டை விட 80% அதிகமாகும். புதிதாக அறிவிக்கப்பட்டுள்ள வேலைவாய்ப்பு உருவாக்கும் திட்டத்தில் ) எங்கள் கவனம் உறுதியாக உள்ளது, இதற்காக பட்ஜெட் ஒதுக்கீடு ரூ.10,000 கோடியிலிருந்து ரூ 20,000 கோடியாக உயர்த்தப்பட்டுள்ளது. ஊழியர்களின் ஓய்வூதியத் திட்டத்தின் கீழ் ஒதுக்கீடு கடந்த ஆண்டை விட ரூ 300 கோடியும், பிரதமர் ஷ்ரம் யோகி மான்தன் யோஜனா திட்டத்தின் கீழ் 37%ம் அதிகரிக்கப்பட்டுள்ளது’’ என்று  அமைச்சர் குறிப்பிட்டுள்ளார்.

***

PKV/KV