مونی اماوسیہ کے مبارک موقع پر ، مہاکمبھ 2025 کا دوسرا امرت اسنان آج کیا گیا ۔ کروڑوں عقیدت مندوں نے پریاگ راج میں ابدی اور پاک تریوینی سنگم پر دوسرا امرت اسنان کیا ۔ مہاکمبھ نہ صرف عقیدے ، یقین اور عقیدت کی علامت ہے بلکہ اتحاد ، مساوات اور ثقافتی تنوع کی ایک غیر معمولی مثال بھی ہے ۔ ہندوستانیوں کے ساتھ ، بڑی تعداد میں غیر ملکی عقیدت مندوں نے بھی تریوینی سنگم پر مقدس ڈبکی لگائی اور ہندوستان کے مالا مال ثقافتی ورثے کا مشاہدہ کیا ۔

یہ پہلا موقع تھا جب سنتوں، ناگا سنیاسیوں اور اکھاڑوں نے سنگم میں اپنی پہلی ڈپکی لگانے کی تاریخی روایت کو توڑا۔ حالات کے پیش نظر، اکھاڑوں نے اپنے برہم مہورت امرت اسنان کو ملتوی کر دیا اور عقیدت مندوں کو پہلے ڈبکی لگانے کی اجازت دی۔ اکھل بھارتیہ اکھاڑہ پریشد کے صدر مہنت رویندر پوری نے بتایا کہ متفقہ فیصلے سے تمام اکھاڑوں نے حالات کو دیکھتے ہوئے پہلے عقیدت مندوں کو امرت اسنان لینے کی اجازت دینے پر اتفاق کیا۔ حالات معمول پر آنے پر، اکھاڑوں نے علامتی طور پر اپنی عظیم الشان امرت اسنان روایت کی پیروی کی۔

اس امرت اسنان کے دوسرے دِن، بھارت کے تین پیٹھوں کے شنکر آچاریوں نے بھی تروینی سنگم پر مقدس ڈبکی لگائی۔ شنکر آچاریوں نے عقیدت مندوں سے صبر و ضبط برقرار رکھنے کی اپیل کی۔ شر نگاری شاردہ پیٹھ کے جگت گرو شنکر آچاریہ سوامی ودھو شیکھر بھارتی جی ،دوارکا شاردہ پیٹھ کے جگت گرو شنکر آچاریہ سوامی سدانند سرسوتی جی اور  جیوتش پیٹھ کےشنکر آچاریہ سوامی اوی مکتیشورانند سرسوتی جی نے بھی اِس دوسرے دِن تروینی سنگم پر مقدس ڈبکی لگائی۔ شنکر اچاریوں نے  سے اس دن تروینی سنگم پر تمام مذہبی رسومات کے ساتھ ڈبکی لگائی اور قوم کی بھلا ئی کے لیے آشیرواد دیا۔

امرت اسنان کے کامیاب انعقاد کو یقینی بنانے کے لیے کمبھ میلہ انتظامیہ نے وسیع تر انتظامات کیے تھے۔ میلہ کے علاقے میں غیر معمولی سیکورٹی تدابیر اپنائی گئیں، جس میں ریاستی پولیس اور مرکزی نیم فوجی دستے بڑی تعداد میں تعینات کیے گئے تھے۔ انتظامیہ نے عقیدت مندوں کی حفاظت کے لیے تمام ضروری تدابیر بھی اختیار کیں۔ اس کے علاوہ، گنگا سیوا دوُتوں کو گھاٹوں پر تعینات کیا گیا، جنہوں نے دریا کی صفائی کو برقرار رکھنے میں اہم کردار ادا کیا۔  اِن گنگا سیوا دوُتوں نے دریا سے فوراً پھولوں اور دیگر چڑھاوے کو نکال کر گنگا اور یمنا کی صفائی کو یقینی بنایا۔ میلہ انتظامیہ کے ساتھ ساتھ مقامی انتظامیہ، پولیس، صفائی کارکنان، رضا کار، کشتی والے اور مرکزی و ریاستی حکومت کے مختلف محکموں نے بھی انتظامات میں اپنا تعاون دیا۔

مہاکمبھ 2025 نے بین الاقوامی سطح پر بھارت کی ثقافتی وراثت کو فروغ دینے میں بھی کامیابی حاصل کی ہے۔ کمبھ میلہ انتظامیہ نے اس تقریب کی حفاظت اور کامیابی کو یقینی بنانے کے لیے تمام ضروری انتظامات کیے ہیں۔ مہاکمبھ کی مقبولیت اور اس کی ثقافتی وراثت کو عالمی سطح پر سراہا جا رہا ہے۔ غیر ملکی عقیدت مند جو مہاکمبھ میں شامل ہوئے، بھارتی ثقافت سے خاص طور پر متاثر ہوئے اور گنگا میں مقدس ڈبکی لگانے کے ساتھ ساتھ بھارت کی مذہبی اور ثقافتی روایات کا تجربہ کیا۔

مہاکمبھ 2025 عقیدت، اتحاد اور تنوع کی ایک علامت ہے۔ یہ تقریب نہ صرف ہندوستان کو اجاگر کرتا ہے بلکہ بھارتی ثقافت کی عظمت کو پورے دنیا میں پھیلا رہا ہے۔ مہاکمبھ میلہ نہ صرف مذہبی اہمیت کا حامل ہے بلکہ سماجی اور ثقافتی اتحاد کی بھی علامت ہے۔

*********

UR-5800

(ش ح۔   م ش  ۔ ص ج)