امداد باہمی محکمے کے مرکزی وزیر مملکت جناب مرلی دھر موہول نے آج ملک کی 13 ریاستوں سے 100 پرائمری ایگریکلچرل کریڈٹ سوسائٹیز (پی ایس سی ایس)کے 200 سے زیادہ نمائندوں سے بات چیت کی، جنہیں 76 ویں یوم جمہوریہ کے لیے نئی دہلی میں خصوصی مہمانوں کے طور پر مدعو کیا گیا ہے۔ اس موقع پر امداد باہمی  کی وزارت کے سکریٹری جناب آشیش کمار بھوٹانی اور وزارت کے دیگر سینئر افسران موجود تھے۔ پی اے سی ایس کے نمائندوں کو یوم جمہوریہ کی پریڈ میں بطور مہمان خصوصی مدعو کرنا دیہی ترقی میں ان کے اہم رول کی نشاندہی کرتا ہے اور پی اے سی ایس کو نہ صرف اقتصادی  سرگرمیوں بلکہ سماجی بہبود کا بھی مرکز بناتا ہے۔

بات چیت کے پروگرام میں گجرات، مہاراشٹر، راجستھان، مدھیہ پردیش، بہار، ہریانہ، پنجاب، اتر پردیش، چھتیس گڑھ، جھارکھنڈ، آسام، ہماچل پردیش اور جموں و کشمیر کےپی اے سی ایس کے نمائندوں نے شرکت کی۔ ان ریاستوں میں پی اے سی ایس  کا کمپیوٹرائزیشن مؤثر طریقے سے آگے بڑھ رہا ہے اور ان کے متعلقہ پی اے سی ایس  اہلکار ڈیجیٹائزیشن کے فوائد حاصل کر رہے ہیں۔

امداد باہمی کی وزارت، وزیر اعظم جناب نریندر مودی کی قیادت میں اور مرکزی وزیر داخلہ اور امداد باہمی محکمے کے وزیر جناب امیت شاہ کی رہنمائی میں، کوآپریٹیو کو کثیر المقاصد اداروں میں تبدیل کرنے کے لیے پرعزم ہے۔ حکومت ہند، نابارڈ، ریاستی حکومتوں اور کوآپریٹو بینکوں جیسے دیگرفریقوں کے ساتھ مل کر، پی اے سی ایس کو بااختیار بنا رہی ہے تاکہ وزیر اعظم مودی کے ’ساہکار سے سمردھی‘ کے نظریے کی تکمیل ہو سکے۔ یہ اقدام 'پرائمری ایگریکلچرل کریڈٹ سوسائٹیزکے کمپیوٹرائزیشن' کے مرکز کی جانب سے امداد یافتہ پروجیکٹ کا ایک حصہ ہے جس کا مقصد پورے ملک میں پی اے سی ایس کی شفافیت، کارکردگی اور منافع کو بڑھانا ہے۔ اس پروجیکٹ کا مقصد 67,930 پی اے سی ایس  کو کمپیوٹرائز کرنا ہے تاکہ قرضوں کی تیزی سے تقسیم، براہ راست فائدہ کی منتقلی اور اعلی درجے کی بینکنگ خدمات کے ساتھ ساتھ غیر مالیاتی خدمات جیسے اناج ذخیرہ کرنے، کامن سروس سینٹرز اور جن اوشدھی کیندروں تک رسائی کو بہتر بنایا جاسکے۔ پی اے سی ایس کا ڈیجیٹلائزیشن دیہی ہندوستان کی ترقی کی طرف ایک اہم قدم ہے، اس سے مالیاتی خدمات تک رسائی میں بہتری آئی ہے اور شفافیت اور کارکردگی کو فروغ دیا گیا ہے۔

پی اے سی ایس کی مضبوطی دیہی آبادی کو بااختیار بنائے گی اور جامع ترقی کے ہندوستانی وژن کا ادراک کرے گی۔ پی اے سی ایس کے نمائندوں کو یوم جمہوریہ کی پریڈ کے لیے مدعو کیا جانا دیہی ترقی میں ان کے اہم کردار کی نشاندہی کرتی ہے۔

****

ش ح۔ا ع خ ۔ش ا

UNO-5691