چھہتر ویں یوم جمہوریہ کے موقع پر، ماہی پروری، حیوانات اور ڈیری کی وزارت نے تقریباً 500 کسانوں کے ساتھ ان کے خاندان کے افراد کے ساتھ ایک خصوصی بات چیت کا اہتمام کیا جو مرکزی حکومت کی اسکیموں جیسے کہ راشٹریہ گوکل مشن اور پردھان منتری متیہ سمپدا یوجنا کے مستفیدین ہیں۔ ان خصوصی مہمانوں کو آج قومی دارالحکومت میں وزارت کی طرف سے منعقدہ ایک انٹرایکٹو سیشن میں نوازا بھی گیا۔ اس موقع پر مرکزی وزیر جناب راجیو رنجن سنگھ عرف لالن سنگھ، ماہی پروری، حیوانات اور ڈیری کی وزارت اور پنچایتی راج کی وزارت (ایم او پی آر) کے ساتھ ساتھ وزیر مملکت پروفیسر ایس پی سنگھ بگھیل (ماہی پروری، حیوانات اور ڈیری کی وزارت) اور  وزیر مملکت جناب جارج کورین، وزارت صحت اور ترقی اور اقلیتی امور کے دیگر سینئر افسران کے ساتھ موجود تھے۔

ماہی گیروں بشمول محترمہ ببیتا راجیش، اتراکھنڈ، جناب ڈگبیجوئے داس بھومک، تریپورہ اور محترمہ سنگینی سیتارام گھائل، مہاراشٹر اور لائیو سٹاک فارمرز مسٹر وی جوزف، کیرالہ، طارق احمد خان (اے آئی ٹیکنیشن)، کشمیر اور بہار سے سمن کمار ساہ۔  نے اس موقع پر مرکزی وزیر اور وزرائے مملکت کے ساتھ بات چیت كی جس میں ان لوگوں نے سیشن  اپنے ذاتی تجربات، چیلنجز اور خواہشات کا اظہار کیا۔مزید برآں اس تقریب کے دوران ماہی گیروں جناب چندر شیکر پرساد، بہار، محترمہ  فاطمہ سوہارا، کیرالہ، جناب رجنیش کمار، اتر پردیش، محترمہ فاطمہ بانو، لداخ اور جناب دھوبوجیوتی برہما، آسام کو ماہی گیری کے شعبے میں ترقی میں تعاون کے لیے اعزاز سے نوازا گیا۔ مویشی پالنے والے کسان لوکیش کمار، جموں، تمل ناڈو سے سمٹی گروامل، کندن تیواری، بہار، بائیجو ای وی، کیرالہ اور تمل ناڈو کے راکیش کمار کو بھی تقریب میں نوازا گیا۔

اپنے خطاب میں مرکزی وزیر جناب راجیو رنجن سنگھ نے ملک کی ترقی میں کسانوں اور ماہی گیروں کے انمول تعاون کی ستائش کی اور ان کی لگن اور محنت کی تعریف کی۔انہوں نے فائدہ اٹھانے والوں کو مسلسل تعاون اور ترقی کے مواقع کی یقین دہانی کرائی۔

وزیر مملکت  پروفیسر ایس پی سنگھ بگھیل نے کہا کہ کسان اور ماہی گیر ہندوستان میں زرعی اور اس سے منسلک شعبوں کی تشکیل کے لیے انتھک کوششیں کر رہے ہیں۔ وزیر مملکت  جناب جارج کورین نے فائدہ اٹھانے والوں کی نمایاں کامیابیوں کا اعتراف کیا اور انہیں اپنے متعلقہ شعبوں میں بہترین کارکردگی کے لیے کوششیں جاری رکھنے کی ترغیب دی۔

محترمہ الکا اپادھیائے، سکریٹری، محکمہ حیوانات اور ڈیری نے اجتماع سے خطاب کرتے ہوئے مویشیوں اور ڈیری کے شعبے میں مختلف حکومتی اقدامات کے تحت ہونے والی پیش رفت کی ترجمانی کی۔ انہوں نے پیداوری کو بڑھانے اور کسانوں کو بااختیار بنانے میں جدت اور تعاون کی اہمیت پر زور دیا۔ ڈاکٹر ابھیلکش لکھی، سکریٹری، محکمہ ماہی پروری  نے ماہی گیری کے شعبے کی کامیابیوں پر روشنی ڈالی اور دیہی معاش کو بڑھانے اور غذائی تحفظ کو یقینی بنانے میں ماہی گیری کے اہم کردار پر زور دیا۔انہوں نے اس شعبے میں مختلف حکومتی اقدامات کے تحت حاصل کردہ اہم كامیابیوں پر بھی روشنی ڈالی۔

ڈی اے ایچ ڈی کی ایڈیشنل سکریٹری محترمہ ورشا جوشی، محکمہ ماہی پروری کے جوائنٹ سکریٹری جناب ساگر مہرا اور وزارت کے دیگر سینئر افسران بھی اس تقریب میں موجود تھے۔

******

U.No:5681

ش ح۔ع س۔س ا

(Release ID: 2096537) Visitor Counter : 20