بھارت کی وزارت خواتین و بچوں کی ترقی نے 26 جنوری 2025 کو کرتویہ پتھ پر یوم جمہوریہ کی تقریب میں ملک بھر سے 200 سے زائد فیلڈ اہلکاروں کو ان کے شریک حیات یا ساتھیوں کے ساتھ خصوصی مہمان کے طور پر مدعو کیا۔ یہ مخلص افراد، جو وزارت کے مختلف اقدامات کی نمائندگی کرتے ہیں، بشمول آنگن واڑی ورکرز، چائلڈ ڈیولپمنٹ پروجیکٹ افسران، اور ضلع پروگرام افسران، کو خواتین اور بچوں کو بااختیار بنانے میں ان کی انمول خدمات کے اعتراف کے طور پر منتخب کیا گیا۔ ان کے ساتھ ان کے شریک حیات یا ساتھی بھی تھے۔

خصوصی مہمانوں کی ان کے شریک حیات/ساتھیوں کے ساتھ 24 سے 27 جنوری 2025 تک نئی دہلی میں میزبانی کی گئی۔ یوم جمہوریہ کی تقریبات میں ان کی شرکت حکومت کے اس عزم کی عکاسی کرتی ہے کہ وہ خواتین کی قیادت کو فروغ دینے اور وکست بھارت کی تشکیل میں ان کے مرکزی کردار کو تسلیم کرتی ہے۔

نئی دہلی کے دورے کے دوران، خصوصی مہمانوں نے ملک کی شاندار وراثت اور ترقی کا مشاہدہ کیا، جہاں انہوں نے پردھان منتری سنگرالیہ، کرتویہ پتھ، اکشر دھام مندر، اور دیگر تاریخی مقامات جیسے اہم قومی مقامات کا دورہ کیا۔

25 جنوری 2025 کو، مرکزی وزیر برائے خواتین و بچوں کی ترقی، محترمہ انپورنا دیوی نے تمام خصوصی مہمانوں کے لیے عشائیے کا اہتمام کیا اور ان سے ملاقات کی۔

******

ش ح۔ ش ا ر۔ ول

Uno-5682

(Release ID: 2096531) Visitor Counter : 23