یوم جمہوریہ کے موقع پر وزارت ثقافت کی جانب سے پیش کی گئی شاندار جھانکی بھارت کے ثقافتی تنوع اور تخلیقی صلاحیتوں کا شاندار جشن ہے۔ وزیر اعظم کے ’وراثت بھی، وکاس بھی‘ کے اصول سے متاثر یہ جھانکی ملک کے بھرپور ثقافتی ورثے اور پائیدار ترقی کے وسیع امکانات کو خوبصورتی سے پیش کرتی ہے۔

 

ثقافت کے سکریٹری جناب ارونیش چاولہ نے جھانکی کی اہمیت پر تبصرہ کیا:

"یوم جمہوریہ پر وزارت ثقافت کی جانب سے پیش کی جانے والی جھانکی ہمارے ملک کے تنوع، تخلیقی صلاحیتوں اور ترقی کا جشن ہے۔ وزیر اعظم کے بنیادی اصول'وراثت بھی، وکاس بھی' سے متاثر یہ جھانکی 2047 تک ایک ترقی یافتہ بھارت کے خواب کو شرمندہ تعبیر کرنے کا پیغام دیتی ہے۔

قدیم تمل موسیقی کا آلہ 'یادھ'، جو خوبصورتی سے کمہار کے پہیے پر رکھا گیا ہے، ہماری موسیقی کی روایت کی گہرائی اور تسلسل کو ظاہر کرتا ہے۔ دریں اثنا، حرکی کلپ ورکش، جو 'سنہری پرندے' میں تبدیل ہوتا ہے، تخلیقی صلاحیتوں اور ترقی کی علامت ہے۔

ڈیجیٹل اسکرینیں فنون لطیفہ، ادب، فن تعمیر، ڈیزائن اور سیاحت کے تنوع کو ظاہر کرتی ہیں۔ یہ جھانکی ہر ہندوستانی کو اپنے ورثے پر فخر کرنے اور روشن مستقبل کی جانب قدم بڑھانے کی دعوت دیتا ہے۔

جھانکی اہم جھلکیاں:

1. کمہار کے پہیے پر رکھا یادھ: ایک قدیم تمل موسیقی کا آلہ، جو بھارتی موسیقی کی روایات کی گہرائی اور تسلسل کی علامت ہے۔
2. حرکی  کلپ ورکش: تخلیقی صلاحیتوں سے معمور ایک متحرک ڈھانچہ جو ہندوستان کے ثقافتی ورثے اور معاشی ترقی کی علامت 'سنہری پرندے' میں تبدیل ہوجاتا ہے۔
3. ڈیجیٹل اسکرینیں: دس ڈیجیٹل اسکرینیں جو تخلیقی شعبوں – جیسے جیسے پرفارمنگ آرٹس، ادب، فن تعمیر، ڈیزائن اور سیاحت کے تنوع کی نمائندگی کرتی ہیں ۔

 

یہ جھانکی نہ صرف بھارت کے شاندار ماضی کی عکاسی کرتا ہے بلکہ ایک طاقتور اور تخلیقی مستقبل کا تصور بھی کرتا ہے۔ یہ ہر ہندوستانی کو دعوت دیتا ہے کہ وہ اپنے ثقافتی ورثے پر فخر کرے اور ترقی کی راہ پر قدم بڑھائے،  اور ایک روشن، زیادہ جامع مستقبل کی راہ ہموار کرے۔

 

**********

 (ش ح –ا ب ن)

U.No:5515

(Release ID: 2095226) Visitor Counter : 17