حکومت ہند کے کامرس کے محکمے نے 21 جنوری 2025 کو ڈائمنڈ امپریسٹ آتھورائزیشن (ڈی آئی اے) اسکیم متعارف کرائی ہے ، جس کا مقصد ہندوستان کے ہیرے کے شعبے کی عالمی مسابقت کو بڑھانا ہے۔ یہ اسکیم قدرتی کٹ اور پالش شدہ ہیروں کی ڈیوٹی فری درآمد کے لیے ایک ہموار طریقہ کار فراہم کرتی ہے، اور اس طرح  ویلیو ایڈیشن  اور برآمدات کو فروغ دیتی ہے۔ یہ اسکیم یکم اپریل 2025 سے نافذ العمل ہوگی۔

اسکیم کی اہم خصوصیات درج ذیل ہیں:

• یہ اسکیم _4/1 قیراط (25 سینٹ) سے کم کے قدرتی کٹ اور پالش شدہ  ہیروں کی ڈیوٹی فری درآمد کی اجازت دیتی ہے۔
• یہ اسکیم 10فیصد  کے ویلیو ایڈیشن کے ساتھ برآمدی ذمہ داری کو لازمی بناتی ہے ۔
• ڈائمنڈ کے تمام برآمد کنندگان جو ٹو اسٹار ایکسپورٹ ہاؤس کا درجہ رکھتے ہیں اور اس سے اوپر کے ہیں اور جن کی سالانہ برآمدات 15 ملین امریکی ڈالر ہیں، وہ اس اسکیم کے تحت فائدہ اٹھانے کے اہل ہیں۔

یہ اسکیم قدرتی ہیرے کی کان کنی کرنے والے متعدد ممالک جیسے بوٹسوانا، نامیبیا انگولا وغیرہ میں کی گئی فوائد کی پالیسیوں کے جواب میں تیار کی  گئی ہے جہاں ہیرے بنانے والے کم سے کم فیصد ویلیو ایڈیشن کے لیے کٹ اور پالش کی سہولیات کھولنے کے پابند ہیں۔ اس اسکیم کا مقصد ہیرے کی صنعت کی پوری ویلیو چین میں عالمی رہنما کے طور پر ہندوستان کی پوزیشن کو برقرار رکھنا ہے۔

یہ اسکیم ہندوستانی ہیروں کے برآمد کنندگان ، خاص طور پر ایم ایس ایم ای برآمد کنندگان کے لیے یکساں مواقع فراہم کرنے کے لیے بنائی گئی ہے، جس سے وہ اپنے سے   بڑے  برآمد کنندگان کے ساتھ مؤثر طریقے سے مقابلہ کر سکیں ۔ اس کا مقصد ہندوستانی ہیروں کے تاجروں کو  ہیروں کی کان کنی کے دیگر مقامات پر سرمایہ کاری کی ممکنہ منتقلی سے روکنا  ہے۔ اس کے علاوہ، توقع ہے کہ اس اسکیم سے روزگار کے مزید مواقع پیدا ہوں گے ، خاص طور پر ہیروں کے حصول کاروں کے لیے اور فیکٹریوں میں نیم تیار ہیروں کی پروسیسنگ میں۔ ہندوستانی برآمد کنندگان کو سہولت فراہم کرکے ، یہ اسکیم  گھریلو ہیرے کی پروسیسنگ کی صنعت کا تحفظ کرنے اور اس سے وابستہ روزگار کو برقرار رکھنے کی کوشش کرتی ہے ۔

ڈی آئی اے اسکیم عالمی ہیرے کی تجارت میں ایک سرکردہ کھلاڑی کے طور پر ہندوستان کی پوزیشن کو تقویت دیتی ہے ، جس سے کاروبار کرنے میں آسانی کے ساتھ ساتھ بین الاقوامی معیارات کی تعمیل کو یقینی بنایا جاتا ہے۔ اس اسکیم سے ہیرے کی صنعت میں ہنر مند کاریگروں کے لیے روزگار کے مواقع پیدا ہونے کی بھی امید ہے اور توقع ہے کہ ہندوستان سے کٹ اور پالش شدہ  ہیرے کی برآمد میں بھی اضافہ ہوگا ۔

ہیرے کی صنعت میں  برآمدات میں زبردست کمی اور کارکنوں کی ملازمتوں میں  زبردست کمی دیکھی جا رہی ہے۔ توقع ہے کہ یہ اسکیم اس رجحان کا مقابلہ کرنے میں معاون ہو   گی اور ہیرے کی صنعت کو پھر سے زندہ کرے گی ۔

پی ڈی ایف ڈاؤن لوڈ کرنے کے لیے یہاں کلک کریں

******

ش ح۔ ا ک۔ رب

U. No. 5461