پارلیمانی امور کی وزارت
جناب ارجن رام میگھوال نے جواہر نوودیہ ودیالیہ کی 25 ویں قومی یوتھ پارلیمنٹ مقابلہ 2023-24 کے انعامات تقسیم کیے
مرکزی وزیر نے نوجوان نسل پر زور دیا کہ وہ جمہوری اقدار اور جمہوریت کی اخلاقیات کو سیکھیں اور اپنائیں اور ہم آہنگی اور روایت کو فروغ دینے کے لیے خود کو وقف کریں
جناب میگھوال نے ماحولیات کے تحفظ کے لیے ’’قراردادِ حیات‘‘ بھی دلائی
جواہر نوودیہ ودیالیہ، چندرپور، مہاراشٹر (پونے ریجن) نے 25 ویں قومی یوتھ پارلیمنٹ مقابلہ، 2023-24 میں پہلا حاصل کیا
Posted On:
16 JAN 2025 8:02PM by PIB Delhi
جواہر نوودیہ ودیالیہ کی 25 ویں قومی یوتھ پارلیمنٹ مقابلہ 2023-24 کی تقسیم انعامات کی تقریب جمعرات 16 جنوری 2025 کو جی ایم سی بالایوگی آڈیٹوریم، پارلیمنٹ لائبریری بلڈنگ، پارلیمنٹ ہاؤس کمپلیکس، نئی دہلی میں منعقد ہوئی۔
قانون اور انصاف کی وزارت کے مرکزی وزیر مملکت (آزادانہ چارج) اور پارلیمانی امور کے وزیر مملکت جناب ارجن رام میگھوال نے تقریب کی صدارت کی اور جواہر نوودیہ ودیالیہ کی فاتح ٹیموں میں مقابلہ میں شاندار کارکردگی کے لیے انعامات تقسیم کیے۔ وزیر جناب میگھوال نے پروگرام کے دوران طلبہ کے ساتھ ایک انٹرایکٹو سیشن بھی لیا۔ وزیر موصوف نے طلبہ سے گفت و شنید کرتے ہوئے اس بات پر زور دیا کہ نوجوان نسل کو جمہوریت کی جمہوری اقدار اور اخلاقیات کو سیکھنا اور اپنانا چاہیے اور اس جمہوری ملک کی ہم آہنگی اور روایت کو فروغ دینے کے لیے خود کو وقف کرنا چاہیے۔ جناب میگھوال نے ماحولیات کے تحفظ کے لیے تقریب کے تمام شرکاء سے ’’ قراردادِ حیات ‘‘ بھی دلائی۔
استقبالیہ خطاب کرتے ہوئے پارلیمانی امور کے سکریٹری جناب اومنگ نرولا نے طلبا سے پارلیمانی کارروائی کے طریقوں اور طریقہ کار کو مقبول بنانے اور فروغ دینے کی اپیل کی ۔
نوودیہ ودیالیہ سمیتی کے جوائنٹ کمشنر جناب گیانیندر کمار نے کہا کہ نیشنل یوتھ پارلیمنٹ مقابلہ ہمارے نوجوانوں کو ہماری عظیم جمہوری اقدار اور جمہوریت کو مضبوط کرنے کی روایات سے آگاہ کرنے میں اہم کردار ادا کرتا ہے۔
اس موقع پر طلبہ و طالبات جواہر نوودیہ ودیالیہ، چندرپور، مہاراشٹر (پونے ریجن) جو 25 ویں قومی یوتھ پارلیمنٹ مقابلہ، 2023-24میں قومی سطح پر پہلے نمبر پر رہا۔طلبہ نے ’’یوتھ پارلیمنٹ‘‘ کی ایک پرجوش پرفارمنس پیش کی جسے معزز مجمع نے بے حد سراہا۔
پارلیمانی امور کی وزارت گذشتہ 28 سالوں سے جواہر نوودیہ ودیالیہ میں یوتھ پارلیمنٹ مقابلوں کا انعقاد کرا رہی ہے۔ جواہر نوودیہ ودیالیہ کے لیے 25 ویں قومی یوتھ پارلیمنٹ مقابلہ کے تحت، اس سیریز میں مقابلہ 2023-24 کے دوران پورے بھارت میں نوودیہ ودیالیہ سمیتی کے 8 خطوں میں پھیلے 80 ودیالیہ کے درمیان منعقد کیا گیا تھا۔
یوتھ پارلیمنٹ اسکیم ملک بھر کے جواہر نوودیہ ودیالیہ کے نوجوانوں کو اپنی خطابت، تنقیدی سوچ اور قائدانہ صلاحیتوں کا مظاہرہ کرنے کے لیے یکجا کرنے کا موقع فراہم کرتی ہے۔ اس کے علاوہ، یہ اسکیم طلبہ کو پارلیمنٹ کے طریقوں اور طریقہ کار، بحث اور بحث کی تکنیک سے بھی واقف کراتی ہے، اور ان کی خود اعتمادی، قیادت کے معیار، اور مؤثر تقریر کے فن اور مہارت کو فروغ دیتی ہے۔ یہ باوقار تقریب جواہر نوودیہ ودیالیہ کے کچھ ذہین اور سب سے زیادہ واضح طلبہ کو قومی اور عالمی اہمیت کے امور پر پرجوش بحث میں مشغول ہونے کی تحریک دیتی ہے۔
تقریب میں 25 ویں قومی مقابلے میں پہلی پوزیشن حاصل کرنے پر جواہر نوودیا ودیالیہ، چندرپور، مہاراشٹر (پونے ریجن)کو رننگ شیلڈ اور ٹرافی سے نوازا گیا ۔ جے این وی چندرپور، مہاراشٹر کے علاوہ درج ذیل 7 علاقائی فاتح ودیالوں کو بھی وزیر موصوف کے ذریعے سے انعامات سے نوازا گیا:
|
نمبر شمار
|
ودیالیہ کا نام
|
ریجن
|
|
1
|
جواہر نوودیہ ودیالیہ، پٹیالہ
|
چنڈی گڑھ
|
|
2
|
جواہر نوودیہ ودیالیہ، کوزی کوڈ، کیرالہ
|
حیدرآباد
|
|
3
|
جواہر نوودیا ودیالیہ، جگت سنگھ پور، اوڈیشہ
|
بھوپال
|
|
4
|
جواہر نوودیہ ودیالیہ، سہارنپور، اتر پردیش
|
لکھنؤ
|
|
5
|
جواہر نوودیا ودیالیہ، راجگیر، بہار
|
پٹنہ
|
|
6
|
جواہر نوودیہ ودیالیہ، مشرقی کھاسی ہلز-1، میگھالیہ
|
شیلانگ
|
|
7
|
جواہر نوودیہ ودیالیہ، باڑمیر، راجستھان،
|
جے پور
|
پارلیمانی امور کے ایڈیشنل سکریٹری ڈاکٹر ستیہ پرکاش نے وزیر موصوف ، افسران اور تقریب میں شامل تمام شرکاکا شکریہ ادا کیا۔ انھوں نے کہا کہ ہمارے نوجوانوں کو 2047 تک بھارت کو ایک ترقی یافتہ قوم بنانے کے لیے اہم کردار ادا کرنا ہے۔
***
(ش ح – ع ا)
U. No. 5308
(Release ID: 2093583)
Visitor Counter : 17