انتظامی اصلاحات اور عوامی شکایات کے محکمے (ڈی اے آر پی جی) نے ریاستوں/مرکز کے زیر انتظام علاقوں کی خدمات کے حق کی پہل شروع کی ہے تاکہ ٹیکنالوجی کا استعمال کرتے ہوئے شہریوں اور حکومت کو قریب لانے کے لیے ای- خدمات کو فروغ دے کر سروسز کی فراہمی کو بہتر بنایا جا سکے۔ چیف کمشنرز اور کمشنرز سے میٹنگ کے دوران جن بہترین طریقوں کا اشتراک کیا گیا ان میں آر ٹی ایس کمیشن ہریانہ کا آٹو اپیل سسٹم، راجستھان کا راج سمپرک 181 کال سینٹر اور بہار ایڈمنسٹریٹو ریفارمز مشن سوسائٹی آف بہار شامل ہیں۔ اس میٹنگ کی صدارت سکریٹری، ڈی اے آر پی جی نے کی اور اس میں مہاراشٹر، ہریانہ، پنجاب، چنڈی گڑھ، اتراکھنڈ، آسام، میگھالیہ کے آر ٹی ایس چیف کمشنرز/کمشنرز اور ایڈیشنل چیف سکریٹری، حکومت بہار اور سینئر جنرل منیجر، محکمہ انفارمیشن ٹیکنالوجی، حکومت  بہار اور  راجستھان سرکار کے انفارمیشن ٹکنالوجی  شعبہ کے سینئر جنرل منیجر نے شرکت کی ۔ ملک بھر میں  سال 2024 تک ای-سروسز کی تعداد بڑھ کر 18500 ہو گئی ہے ، جو کہ ای سروسز کے طور پر فراہم کی جانے والی کل خدمات کا 74 فیصد ہے۔

رائٹ ٹو سروس کمشنروں کے ساتھ ڈی اے آر پی جی کے سکریٹری  جناب  وی سری نواس کی صدارت میں میٹنگ

جناب  وی سری نواس، سکریٹری، ڈی اے آر پی جی، افتتاحی خطاب کرتے ہوئے۔

بہار حکومت کے ایڈیشنل چیف سکریٹری ڈاکٹر بی راجندر، آئی اے ایس، بہار انتظامی اصلاحات مشن سوسائٹی - بہار آر ٹی پی ایس پورٹل پر پریزنٹیشن  پیش کرتے  ہوئے

***********

ش ح – ظ ا ، ع د

UR No. 5266