وفاقی جمہوریہ جرمنی کے سفیر ڈاکٹر فلپ ایکرمین نے کرشی بھون میں زراعت اور کسانوں کی بہبود کی وزارت کے سکریٹری ڈاکٹر دیویش چترویدی سے ملاقات کی۔ میٹنگ نے زراعت اور اس سے منسلک شعبوں میں تعاون کو مزید بڑھانے کے راستے تلاش کرنے کا موقع فراہم کیا، جس میں پوسٹ ہارویسٹ ٹیکنالوجی، آرگینک اور قدرتی کاشتکاری، اور زرعی میکانائزیشن شامل ہیں۔

ڈاکٹر چترویدی نے زراعت کے شعبے میں ہندوستان اور جرمنی کے درمیان دیرینہ شراکت داری پر زور دیا، دوطرفہ تعلقات کو مضبوط بنانے میں بین الحکومتی مشاورت(آئی جی سی)، مفاہمت کی یادداشتوں (ایم او یوز) اور ارادے کے مشترکہ اعلامیے(جے ڈی آئیز) کے کردار پر زور دیا۔ انہوں نے ڈیجیٹل زراعت اور سہ رخی ترقیاتی تعاون میں جاری تعاون پر بھی روشنی ڈالی، جیسا کہ آئی جی سی کی حالیہ میٹنگ کے دوران تبادلہ خیال کیا گیا۔ ڈاکٹر چترویدی نے آئندہ جوائنٹ ورکنگ گروپ کی میٹنگ کو مزید نوٹ کیا، جو اس نتیجہ خیز شراکت داری کو جاری رکھے گی۔

میٹنگ میں زمین کی زرخیزی اور مجموعی پیداواری صلاحیت کو بہتر بنانے کے لیے قدرتی اور نامیاتی کاشتکاری کو فروغ دینے سمیت کئی اہم شعبوں پر توجہ مرکوز کی گئی۔ دیگر اہم موضوعات میں فارمر پروڈیوسر آرگنائزیشنز (ایف پی اوز) کی مضبوطی، پائیدار زرعی طریقوں کو اپنانا، ڈیجیٹل زراعت میں پیشرفت، بیج کے شعبے کی ترقی، اور صلاحیت کی تعمیر شامل ہیں۔ دونوں فریقوں نے فوڈ پروسیسنگ کی صنعتوں میں زیادہ سرمایہ کاری اور تجارت کے فروغ بالخصوص دونوں ممالک کے درمیان باغبانی کی مصنوعات کی برآمدات کو بڑھانے کی ضرورت پر بھی بات کی۔

بات چیت کا اختتام دونوں ممالک کے لیے باہمی فائدہ مند نتائج پر توجہ مرکوز کرتے ہوئے زرعی اختراع، تجارت اور ٹیکنالوجی میں بھارت۔جرمنی تعاون کو گہرا کرنے کے مشترکہ عزم کے ساتھ ہوا۔

 

جرمن وفد میں مسٹر الیگزینڈر کالیگارو، منسٹر کونسلر، اور مسز انگبرگ بائر، کونسلر شامل تھے۔ بھارت کی نمائندگی ڈاکٹر پی کے مہردا، ایڈیشنل سکریٹری (ڈی اے اور ایف ڈبلیو)، زراعت اور کسانوں کی بہبود کی وزارت کے سینئر حکام ،این آر ایم ؍آئی سی  کے جوائنٹ سکریٹری، اور وزارت خارجہ اور سوئل اینڈ لینڈ یوز آف انڈیا(ایس ایل یو ایس آئی) کے نمائندوں نے کی۔

***

(ش ح۔اص)

UR No.5257

(Release ID: 2093225) Visitor Counter : 8