مرکزی وزیر برائے دیہی ترقی و زراعت و کسان بہبود جناب شیوراج سنگھ چوہان نے بھارت سرکار کی دیہی ترقی کی وزارت کی جانب سے آج پردھان منتری آواس یوجنا-گرامین کے تحت غریب کنبوں میں مکانات الاٹمنٹ لیٹر تقسیم کرکے اپنی آبائی ریاست کو بڑا تحفہ پیش کیا۔ اس موقع پر مدھیہ پردیش کے وزیر اعلی ڈاکٹر موہن یادو، ریاستی وزراء پرہلاد پٹیل اور لکھن پٹیل، ایم ایل اے جناب مکیش ٹنڈن اور کئی عوامی نمائندے موجود تھے۔اس میگا ایونٹ کا آغاز ودیشا میں کنیا پوجن کے ساتھ ہوا ، جس سے پہلے ایک روڈ شو ہوا ، جس میں ہزاروں شہریوں نے اپنے پیارے بھائی مرکزی وزیر جناب شیوراج سنگھ کے ساتھ ساتھ وزیر اعلیٰ کا بڑے جوش و خروش سے استقبال کیا۔ شیوراج سنگھ کی درخواست پر وزیر اعلیٰ نے ودیشا میونسپل کارپوریشن کی تشکیل اور آبپاشی اسکیموں کے لیے سروے سمیت دیگر مطالبات پر فوری رضامندی کا اعلان کیا۔

وزیر اعظم نریندر مودی کے غریبوں کے لیے گھر کے پرجوش پروگرام کے تحت آج 8.21 لاکھ کنبوں کو پکے مکانات کا تحفہ ملا۔ مدھیہ پردیش میں یہ پکے مکانات غریبوں کے لیے 12636 کروڑ روپے کی لاگت سے بنائے جائیں گے۔ مرکزی وزیر جناب شیوراج سنگھ نے بتایا کہ اپریل مئی تک 8.21 لاکھ کنبوں کو گھر بھی مل جائیں گے ، جس کے لیے انھوں نے اسٹیج پر ہی وزیر اعلیٰ کو منظوری نامہ سونپا۔ جناب شیوراج سنگھ نے کہا کہ مدھیہ پردیش کو ایک سال میں مرکز سے کل 14 لاکھ گھر ملیں گے، جو اس سے پہلے کبھی نہیں ملے تھے۔

دیہی ترقی اور زراعت اور کسانوں کی بہبود کے وزیر نے کہا کہ میں نے انتخابات کے وقت کہا تھا کہ میں عوام کی خدمت میں کوئی کسر نہیں چھوڑوں گا۔ ہمارا محبت اور پیار کا رشتہ ہے۔ وزیر اعظم کا عزم ہے کہ ہر غریب کو پکا گھر فراہم کروں گا اور میں اسے پورا کرنے میں کوئی کسر نہیں چھوڑوں گا۔ میں نے کہا تھا کہ ہر ایک کے پاس پکا گھر ہونا چاہیے، اور اب میں اسی محکمہ کی سربراہی کر رہا ہوں، اس لیے ایسا ضرور کیا جائے گا۔ وزیر اعظم کی تیسری مدت کے دوران ہم نے ستمبر میں 3.68 لاکھ گھر دیے تھے، لیکن یہ کافی نہیں ہیں۔ جب آپ اپنے لوگوں کو دیکھتے ہیں تو آپ کی مٹھی دینے کے لیے کھل جاتی ہے۔ ستمبر میں 3.68 لاکھ مکانات دیئے گئے تھے، آج اس میں 8,21,190 مکانات کا اضافہ کیا جا رہا ہے۔ یہ اس مالی سال میں مدھیہ پردیش کو دیئے جارہے ہیں تاکہ گھروں کی تعمیر تیز رفتاری سے ہو۔ ودیشا بھی اس میں شامل ہے۔ اپریل میں مزید 8.21 لاکھ مکانات فراہم کیے جائیں گے۔ اگر ہم ان سبھی کو شامل کریں تو اس پر 30,672 کروڑ روپے لاگت آئے گی۔ میں وزیر اعلیٰ کو ایک خط سونپ رہا ہوں۔ پی ایم جنمن کے مزید 1,59,104 گھر ہیں۔ اگر ہم کل میزان جوڑیں تو پورے مدھیہ پردیش کو ایک سال میں تقریبا 14 لاکھ گھر دیے جا رہے ہیں۔ جناب شیوراج سنگھ نے کہا کہ یہ مکانات میرے غریب لوگوں کے لیے بنائے جائیں تاکہ وہ ہر موسم میں پرامن طریقے سے رہ سکیں۔

انھوں نے کہا کہ مدھیہ پردیش میں پی ایم جنمن کی پہلی سڑک بنائی گئی ہے۔ مدھیہ پردیش کو منریگا کے تحت 5628 کروڑ روپے کی رقم ملی ہے۔ پی ایم گرام سڑک یوجنا کے تحت اب تک 263 کروڑ روپے دیے جا چکے ہیں، لیکن مزید 500 کروڑ روپے بھی جاری کیے جائیں گے۔ این آر ایل ایم کو 312.74 کروڑ روپے کی رقم دی گئی ہے، جو بہنوں کو لکھپتی بنانے کے لیے ہے۔ جو گھر باقی رہ گئے ہیں ان کے لیے ایک نیا سروے شروع کیا جارہا ہے۔ ان کے نام جوڑ کر ہر غریب کو ایک گھر دیا جائے گا۔

مرکزی وزیر نے کہا کہ پردھان منتری گرام سڑک یوجنا کا چوتھا مرحلہ شروع ہونے جا رہا ہے۔ 500 اور 250 کی آبادی والے علاقوں کو بھی اس میں شامل کیا جائے گا۔ بھارت سرکار نے گرین ہاؤس، پولی ہاؤس اور زرعی آلات جیسی اسکیموں کے لیے 384.18 کروڑ روپے بھیجے تھے، میں مزید 435 کروڑ روپے شامل کرنے کا اعلان کرتا ہوں۔ اس سے کسانوں کو فائدہ ہوگا۔

اس موقع پر شیوراج سنگھ چوہان نے ’ایک ملک، ایک الیکشن‘ کی حمایت میں بڑی تعداد میں لوگوں کو حلف دلایا۔

***

(ش ح – ع ا)

U. No. 5258

(Release ID: 2093212) Visitor Counter : 8