شہری ہوابازی کے مرکزی وزیر جناب رام موہن نائیڈو نے  آج منی پور کے وزیر اعلی جناب، این بیرین سنگھ کے ساتھ   دو نئے راستوں سمیت تین راستوں پر الائنس ایئر کی پروازوں کو جھنڈی دکھا کر روانہ کیا ۔ الائنس ایئر اب امپھال سے کولکتہ اور واپس، امپھال سے گوہاٹی اور واپس نئے راستوں کو جوڑے گی اور اس کے علاوہ امپھال سے دیما پور اور واپس آنے والی اضافی پروازوں کو بھی جوڑے گی ۔

شہری ہوابازی کی وزارت اور منی پور کی ریاستی حکومت کی مشترکہ کوشش کے ایک حصے کے طور پر شروع کی گئیں یہ پروازیں ریاست کی جانب سے وائبلٹی گیپ فنڈنگ (وی جی ایف) کی مدد سے فعال کی گئی ہیں ۔

اپنے خطاب میں شہری ہوابازی کے وزیر جناب رام موہن نائیڈو نے وزیر اعلی این بیرین سنگھ کی دل کی گہرائیوں سے تعریف کی اور اس بات پر روشنی ڈالی کہ مرکزی حکومت ‘ایکٹ ایسٹ، ایکٹ فاسٹ، ایکٹ فرسٹ’ کے منتر کے ساتھ شمال مشرق کی ترقی کو باقی ملک کے برابر لانے کے لیے پرعزم ہے ۔

مرکزی وزیر نے اس بات پر روشنی ڈالی کہ نئی پروازیں رابطے میں نمایاں اضافہ کریں گی ، سرمایہ کاری کے ماحولیاتی نظام کو بہتر بنائیں گی اور ریاست میں کاروبار کرنے میں آسانی فراہم کریں گی اور منی پور کے عوام  کے لیے روزگار اور  نئے مواقع پیدا کریں گی۔ وزیر موصوف نے کہا کہ امپھال ، منی پور سے آنے اور جانے والی الائنس ایئر کی تین پروازوں سے اس کی 3 ٹیز: ٹریڈ، ٹریول، ٹورزم (تجارت ، سفر اور سیاحت)  کو فروغ ملے گا ، جو بالآخر منی پور کے نوجوانوں کو 3 ایز:اکونومی ، امپلائمنٹ اور  امپاورمنٹ (معیشت ، روزگار اور تفویض اختیارات)  فراہم کر یگا ۔

جناب رام موہن نائیڈو نے شمال مشرق میں پیش رفت کا سہرا ہندوستان کے وزیر اعظم جناب نریندر مودی کو دیا، جن کی اڑان اور ایکٹ ایسٹ کے ذریعے جامع ترقی پر زور نے اس بات کو یقینی بنایا ہے کہ خطے کے ہر شہری کی امنگوں کو موقع فراہم کر کےپورا کیا جائے۔ انہوں نے بتایا کہ امپھال ہوائی اڈے سمیت پورے شمال مشرق کے ہوائی اڈوں کے لیے ایک ماسٹر پلان 2047 تیار کیا گیا ہے اور ریاستی حکومت کے زبردست تعاون سے منظم پیش رفت جاری ہے ۔

منی پور کے وزیر اعلی جناب این بیرین سنگھ نے شہری ہوابازی کے وزیر جناب رام موہن نائیڈو اور وزیر اعظم جناب نریندر مودی کی قیادت میں مرکزی حکومت کامنی پور کے لوگوں کے لیے فضائی رابطے کی حمایت کرنے کے لیے شکریہ ادا کیا۔ انہوں نے لوگوں کے لیے سفر کی بہتر سہولت کو یقینی بناتے ہوئے متعدد ٹائمنگ اختیارات  کے ساتھ پروازیں شروع کرنے کے لیے الائنس ایئر کی تعریف کی۔ وزیر اعلی نے آنے والے تمام ہوائی رابطے کے منصوبوں کے لیے ریاست کی طرف سے مکمل تعاون کی یقین دہانی کرائی ۔

اڑان اسکیم-اڑے دیش کا عام ناگرک  کے آغاز کے بعد سے، خطے میں 10 ہوائی اڈے اور 2 ہیلی پورٹس کام کر رہے ہیں ، ساتھ ہی 12 ہیلی کاپٹر روٹس سمیت کل 90 آر سی ایس روٹس بھی کام کر رہے ہیں ۔

شہری ہوابازی کے وزیر نے اس پروگرام میں ورچوئل طریقے سے شرکت کی اور وزیر اعلی ریاستی وزیر ٹرانسپورٹ جناب خاشم واشم کے ساتھ جھنڈی دکھا کر روانگی کی تقریب کے لیے امپھال ہوائی اڈے پر موجود تھے۔ شہری ہوابازی کی وزارت کے سینئر حکام، الائنس ایئر کے سی ای او جناب رام بابو، اے آئی ای ایس ایل کے سی ای او جناب شرد اگروال اور منی پور کی ریاستی حکومت کے عہدیداران  بھی اس پروگرام میں شامل ہوئے ۔

********

ش ح۔ا ک۔ رب

U-5241

 

(Release ID: 2093120) Visitor Counter : 13