بھارت  کا کوئلہ سیکٹر ملک کی  تیزی سے بڑھتی ہوئی معیشت کو سہارا دینے میں اہم کردار ادا کرتا ہے۔ تاہم، ملک کو گھریلو ذخائر، خاص طور پر  گھریلو ایندھن   اور اعلیٰ درجے کے تھرمل کوئلے کی مانگ کو پورا کرنے میں  اہم خلاء کا سامنا ہے  کیونکہ یہ وافر مقدار میں  دستیاب نہیں ہے۔ نتیجے کے طور پر، کوئلے کی درآمدات اہم صنعتوں جیسے کہ اسٹیل کی پیداوار کو سہارا دینے کے لیے ضروری ہیں۔

مالی سال 2025-2024 کے پہلے سات مہینوں (اپریل تا اکتوبر) میں کوئلے کی درآمدات کو کم کرنے کے حکومتی اقدامات کے مثبت نتائج  برآمد ہوئے  ہیں۔ کوئلے کی درآمدات میں 3.1 فیصد کمی واقع ہوئی، جو کہ گزشتہ سال کی اسی مدت کے دوران 154.17 ملین ٹن کے مقابلے میں کل 149.39 ملین ٹن (ایم ٹی ) ہے۔ غیر منضبط شعبہ  (بجلی کے شعبے کو چھوڑ کر) میں زیادہ نمایاں کمی دیکھی گئی، درآمدات میں سال بہ سال 8.8 فیصد کمی واقع ہوئی۔

کوئلے پر مبنی بجلی کی پیداوار میں اپریل 2024 سے اکتوبر 2024 تک پچھلے سال کی اسی مدت کے مقابلے میں 3.87 فیصد اضافے کے باوجود،   حرارتی بجلی  پلانٹس کے ذریعے ملاوٹ کے لیے کوئلے کی درآمدات میں 19.5 فیصد کی زبردست کمی دیکھی گئی۔ یہ کمی کوئلے کی پیداوار میں زیادہ خود کفالت حاصل کرنے اور درآمدات پر انحصار کم کرنے کی  بھارت  کی پرعزم کوششوں کا ثبوت ہے۔ پاور سیکٹر کے لیے کوئلے کی درآمدات میں اضافہ، خاص طور پر درآمدی کوئلے پر مبنی پاور پلانٹس (صرف درآمدی کوئلے کے استعمال کے لیے ڈیزائن کیا گیا)  قابل ذکر ہے، جو پچھلے سال 21.71 ملین ٹن سے بڑھ کر 38.4 فیصد بڑھ کر 30.04 ایم ٹن  تک پہنچ گیا۔

پیداوار کی طرف دیکھیں  تو، کوئلے کی پیداوار میں 6.04 فیصد کا مثبت اضافہ دیکھا گیا، جو اپریل سے اکتوبر 2024 کی مدت میں بڑھ کر 537.57 ایم ٹی  تک پہنچ گئی، جو کہ مالی سال  2024-2023 کی اسی مدت میں 506.93 ایم ٹن  تھی۔ یہ ترقی کوئلے کی پیداوار کو بڑھانے اور ملک کے اندر اس کے بہتر استعمال  کے لیے حکومت کی مشترکہ کوششوں کو نمایاں کرتی ہے۔

کوئلہ کی وزارت گھریلو پیداوار کو بڑھانے اور کوئلے کی مستحکم فراہمی کو یقینی بنانے کے لیے متعدد اسٹریٹجک اقدامات پر عمل درآمد جاری رکھے ہوئے ہے۔ ان کوششوں کا مقصد نہ صرف کوئلے کی درآمدات پر بھارت  کے انحصار کو کم کرنا ہے بلکہ ملک کی توانائی کی حفاظت کو بھی مضبوط کرنا ہے۔ گھریلو پیداوار میں اضافہ پر توجہ مرکوز کرتے ہوئے، حکومت بھارت  کے لیے زیادہ خود کفیل اور پائیدار توانائی کے منظر نامے کی سمت کام کر رہی ہے۔

۔۔۔۔۔۔۔۔۔۔۔

ش ح۔ ش ب ۔رض

U-5193